JON KA AYAPUYU 14:13 - NITI GONTU N.T. (BSI)

¹³ Niijalo nunu ngiika armyañ pa kuchi, Ngo hiimi miibi talyi, niimpalukoda Aba mi Oho ko assañ kiinedupa;

JON KA AYAPUYU 14:13 ပူးပေါင်းရင်းမြစ်များ

JON KA AYAPUYU 15:7

Nunu matiirḛ ngiiko giige dokoda, ho ngiika aguñ nunuko giido koda, kuto niijalo nunuka heniiñmi, ho hiimi nunupa miibi kendoke.

MAK KA AYAPUYU 11:24

Hopa Ngo nunumi lukoso, nunuka kuniiñ ho niijalo kuto, hiimi patiiku hiila henje dokoda, ho hii nunu kiikuke.

METHU 21:22

Ho nunuka kuniiñ ho nii jalo kuchi, nunu hiimi pakiñ doke, nunu matiirḛ henje dokoda.”

METHU 7:7

Kuto, ho nunumi bikiñ doke; meto, ho nunu mepa kendoke, padiñto, ho alyeh miiko bikiñ doke.

1 JON 5:14

Ho siika sike hatii niihna ngunukii mohko donii, hiikahii niijalo ngunu matiirḛ kuchi mohka henko ho mo ngunumi talii du.

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

1 JON 3:22

ho ngunu padu mohkokii niijalo ngunu kuchi, niimpalukoda ngunu mohka lujubiniiñmi atii biidu ho niihna mohmi hempyo miipa donii hiimi miidu.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

JON KA AYAPUYU 14:14

niijalopa nunu ngiika armyañ pa kuchi, ngo hiimi miibi talyi.

JEMS 5:16

Hopa nunuka ingyamiigya niimi kone anyañ khako siitoku, ho kone anyañpa kuto, niimpalukoda nunu miipya kodupa. Denki miyu ka kuniiñ ho anouro harchichike giidoke hiimi miipya naniipa.

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

JEMS 1:5

Nunu kokii matiirḛ konejalo chila papo domilo, mohmi Pinii kokii kuke nento, huna hikha miyu atañmi kobya la bidunii ho hang gamapa, ho hiika hiimi mohmi bikiñ doke.

IPISIA 3:12

hukohokiina ngunukii haronaniiñ ho hentiñnanii lindonii ngunuka henje kopa mohko.

JON KA AYAPUYU 16:26

Hiika allo ho nunu ngiika armyañ pa kukiñdo; ho ngo nunumi hiila lutema ngo Aba mi nunupa kutoso;

JON KA AYAPUYU 10:30

Ngo la ho Aba nyi konesii.”

IPISIA 2:18

niimpalukoda mo kiilo ngunu anyeru ahlado Yajiyallo konepa Aba ko.

KOLOSIA 3:17

Ho niijalo nunu miichi, aguñ pajalo malo miilajalo, kapanemi Attoh Jisu ka armyañ pa miitolya, Pinii Aba mi payapacho lubiidola mohkiilo.

JON KA AYAPUYU 7:37

Dituñ soniiñ ka kamija allo ho, hempḛr kahe allo, Jisu guri biila ho gyutii, “Mi kone matiirḛ hangḛr domilo, mohmi ngiiko ahke nento ho tanke nento.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 12:44

Ho Jisu gyuritii ho lutii, “Huna ngiimi henje nyadonii, ngiimi henje make hojalo hiimi ke huna ngiimi kiiniñ tiinii.

LUK KA AYAPUYU 11:9

Ho ngo lukoso nunumi, Kuto, ho hiimi nunumi bikiñ doke; meto, ho nunu mepa kendoke; padiñto, ho hiimi nunumi lyeko bilyi diike.

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

HIBRU 13:15

Mo kiilo kiije ngunu bikañ ari bisa assañ niiloka membi niimi Pinii mi, hiika hii, aguñ loka mohka armyañ mika lukonii.

HIBRU 4:15

Niimpalukoda ngunuka bukuñ nyibu hiitañ make huna ngunuka ajjuho ngunumi kalyañ lakiñ manii, hojalo kone humina kapane drih ho tenka tiikunii ngunu mika tenchañ ho, hojalo hang ingyamiigya giimanii.

IPISIA 3:14

Siika piigopa ngo liibañ khangadu Aba ka hataho,

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 4:10

Jisu mohmi lutii, No matiirḛ Pinii ka ahmiñayiñ mi chintii koda, ho huna si niimi lula donii hiila, ngiimi yasie gonge bipe, no ya mohmi kududo, ho mo niimi turnii yasie bitiido

JON KA AYAPUYU 16:7

Hojalo ngo nunumi jije mi lukoso: siikasi nunuka aya kiipa ke ngo ile lyiniiñ, niimpalukoda ngo matiirḛ ima koda, Hembyuñnii nunuko ahkiñma; hojalo ngo matiirḛ indo koda, ngo mohmi nunuko kiiniñ bichi.

JON KA AYAPUYU 13:31

Mohka ago linne kuho, Jisu lutii, “Siisi miyu ka Oho mi assañdiilañ kendo, ho mohko Pinii mi assañdiilañ kendo;

1 KORINTIA 14:13

Hopa, huna khiibe aguñ ludonii kuto lusi naniiñ ka harchichike mi bipe hiila.