JON KA AYAPUYU 14:1 - NITI GONTU N.T. (BSI)

¹ “Nunu ahha heru yo; Pinii mi henjeto, ngiimi miilañ henjeto.

JON KA AYAPUYU 14:1 ပူးပေါင်းရင်းမြစ်များ

JON KA AYAPUYU 11:33

Jisu mohmi khedo pa kapa lala, ho Jew atañka kheniiñ mitrḛ hutiina mo agiñho ahbo tiinii, mo uropa yajiyallo ho duritii ho henga henkhatii;

JON KA AYAPUYU 12:27

Siisi ngiika yallo si ahiaredo. Ho niihiila pe ngo luchinii? Aba, ngiimi siika myodu sokii lyangur pe? Ma, siika piigopa ngo siika myodu so ahdu.

JON KA AYAPUYU 12:44

Ho Jisu gyuritii ho lutii, “Huna ngiimi henje nyadonii, ngiimi henje make hojalo hiimi ke huna ngiimi kiiniñ tiinii.

JON KA AYAPUYU 13:19

Ngo siisi nunumi siimi lukodu, siika drih lyima rampa, niimpalukoda niida si lyichi nunumi henje kiine dupa ngo hii hiila.

JON KA AYAPUYU 16:24

Siisijalo nunu hang kumarañ ngiika armyañ pa; kuto, ho nunu pakiñ doke, nunuka hempyo mi pote kiine dupa.

JON KA AYAPUYU 16:3

Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

JON KA AYAPUYU 16:6

Hojalo ngo nunumi siika drih atañmi luko biilyi, heru hii nunuka ahha ho poteje giido.

JON KA AYAPUYU 5:23

niimpalukoda miilañ rumi Oho mi khiike nendupahiila, Aba mika mohluka khiichañ ho. Hii huna Oho mi khiima nii hii Aba mitrḛ khiima mohmi huna kiiniñ tiinii.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

2 KORINTIA 2:7

Hopa nunu hiilamapa mohmi hello ho hembyuñ toku, malo hiilamapa mo urohaja heru kiine diike.

IPISIA 1:15

Siika piigopa, niimpalukoda ngo tapatii nunuka Atoh Jisu mika henje niimi ho nunuka hensu niimi hikha piniimiyu atañpa,

2 TESOLONIA 2:2

ohepada punyu mi hendḛr lama pa lyiyo malo hempyo yayo, yajiyallo lo malo aguñ lotrḛ, malo siiti ngunukii dalyi hokii siijalo, lubiidola Attoh ka allo ahdo kuke.

1 PITAR 1:21

Mohkiilo nunuko hentiñnanii do Pinii ko, huna mohmi shiinii hokii turdopa miitiinii ho tatukatu mi bitii nii, niimpalukoda nunuka henje ho hentiñ nanii hii Pinii ko dopa.