JON KA AYAPUYU 13:34 - NITI GONTU N.T. (BSI)

³⁴ Niti lujubiniiñ ngo nunumi biso, nunu kone anyañ mi hensu tolya; ngiika nunumika henchañho, hiichuli nunu tiirḛ kone anyañ mi hensu tolya.

JON KA AYAPUYU 13:34 ပူးပေါင်းရင်းမြစ်များ

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

JON KA AYAPUYU 15:17

Siika sike ngo nunumi lubii lyiniiñ, kone anyañmi hensu tolya.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

GELESIA 6:2

Kone anyañka alluaba baniiñ mi hembo siito, ho Kristo ka dapo mi miipeto.

1 JON 3:23

Ho siikasi mohka lujubiniiñ, hiikahii ngunu henje kendo mohka Oho Jisu Kristo ka armyañ mi ho kone anyañmi hensu kendo, mohka ngunumika lujubiniiñ hiilyañ.

1 JON 4:21

Ho siika lujubiniiñsi ngunu koka doniisi mohkokii ke, hiikahii huna Pinii mi hendo nii atohka anubarmii mitrḛ hento.

JEMS 2:8

Nunu matiirḛ jije khiiniiñ dapo mi miipe dokoda, piniipota hoka keniiñ chulipa, “Nunu nunuka ariapii mi hento atohmika henchañho,” nunu miidiko miido.

1 TESOLONIA 3:12

ho Attoh nunumi abuyaya ho poteje koneanyañ mika hensuniimi dopa miine do ho hikha miyu atañmi, niihtañpa ngunu nunumi hendu,

ROM MIKA POL KA SIITI KENIIÑ 12:10

kone anyañ mi anubarmii ka henchañho hensuto; kone anyañ mi khiisu tolya.

2 JON 1:5

Ho siisi ngo niimi yardu, nyimii, niti lujubiniiñ mi ngo kelyi hiila make, hojalo ngunukoka donii lotuja hokii, hiikahii ngunu kone anyañ mi hensu kendo.

GELESIA 6:10

Hiiko hopa, ngunuko myodu aya dohoso, kiije ngunu hikha miyu atañpa aya miigo miisa, ho luchila hiika atañpa hutiina henje ka uru ahiñnii.

1 JON 3:11

Niimpalukoda siika sike puyu nunuka tapanii lotuja hokii, hiikahii ngunu kone anyañmi hensu kendo hiila,

HIBRU 13:1

Anubarmii pa hensu niimi henka ari hensuto.

2 TESOLONIA 1:3

Ngunu nunupa kiirañ Pinii mi payapacho ludopa loda lyido, anubarmii atañ, si miisa niisuta, niimpalukoda nunuka henje hempḛr uropa sanchala do, ho nunuka hensunii kone anyañ paka heniiñ hii abuyayado.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

2 PITAR 1:7

ho piniisanju agiñho anubarmii hensumyañsu niimi, ho anubarmii hensumyañsu niika agiñho hensu niimi.

KOLOSIA 1:4

niimpalukoda ngunu nunuka henje mi tapatii Kristo Jisu ko ho hensunii nunuka hikha piniimiyu atañ paka heniiñmi,

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

METHU 5:44

Hojalo Ngo nunumi ludu, Nunuka ahha banii atañmi hento ho kubitolya nunumika miihimiire miinii atañpa,

ROM MIKA POL KA SIITI KENIIÑ 13:8

Kone tiirḛ hangdrih gyandi giilyayo, hensuniimi kontii apa lala; niimpalukoda huna hendonii atohka ariapii mi hii dapo hoka luniiñmi miitii kuke.

ROM MIKA POL KA SIITI KENIIÑ 13:10

Hensunii hii ariapii mi hang ayamapa miima; hopa hansunii hii dapo mike miipe donii.