JON KA AYAPUYU 13:3 - NITI GONTU N.T. (BSI)

³ Jisu, Aba hikha drih atañmi mo alah ho bitii hiila chimbii tola, ho mo Pinii kokii ahdo ho Pinii ko inkiñdo hiila,

JON KA AYAPUYU 13:3 ပူးပေါင်းရင်းမြစ်များ

JON KA AYAPUYU 3:35

Aba hii Oho mi hendo, ho kapane drih mi mohka alah ho bitii.

METHU 11:27

Kapane drih atañhii Aba ka ngiimi biniiñke, ho kone hetḛr chima Oho mi Aba kontiisii, ho kone hetḛr chima Aba mi Oho kontiisii ho humina Oho kahetiinii hiimi mo kakiñ du.

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 8:42

Jisu mohlumi lutii, “Pinii matiirḛ nunuka Aba koda, nunu ngiimi henkiñdo, niimpalukoda ngo irito ho ahdu Pinii kokii; ngo attoh pa ahsuma, hojalo mo ngiimi kiiniñtii.

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

1 KORINTIA 15:27

“Niimpalukoda Pinii hikha drih mi mohka alih ho nyota naniiñpa atii kento.” Hojalo hiila ka luniiñsi, “Hikha drih mi mohka ura ho dokiñdo luniiñsi,” siikasi hiila mohmi apa tiila, huna hikha drih mi mohka ura ho atii tiinii.

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

JON KA AYAPUYU 13:1

Siisi Impobiiniiñ dituñ soma rampa, Jisu chintii mohka myodu ahdoku siika dohadolo simi apa tekula Aba ko indu kupa, mohka attoh miyu atañmi hentii hutiina dohadolo so danii, mo henkañ kendo kamikalo lohepa.

JON KA AYAPUYU 7:33

Jisu ho lutii, “Ngo nunuka agiñho ichuche dakiñ dorañke, ho ngo inchi ku mohko huna ngiimi kiiniñ tiinii;

JON KA AYAPUYU 7:29

Ngo mohmi chindo, niimpalukoda ngo mohkokii ahdu, ho mo ngiimi kiiniñtii.”

JON KA AYAPUYU 3:13

Kone hetḛr dariiganda ho chama hojalo mo kontiisii huna dariiganda hokii totiinii, miyu ka Oho.

JON KA AYAPUYU 1:18

Kone hetḛr Pinii mi kapama; Oho kontiisii, huna Aba ka harbiilapyo ho dunii, mo mohmi chindopa miitii.

LUK KA AYAPUYU 10:22

Hikha drih atañmi ngiika Aba ngiimi bitii; ho kone hetḛr chima hu Oho hiila Aba kontiisii, malo hu Aba hiila Oho kontiisii ho hutii mina Oho kahe tiinii mohmi kakiñ dupa.”

JON KA AYAPUYU 8:14

Jisu lusitii, “Ngo atoh atoh hakipa lyisu dojalo, ngiika pyakonii jijeke, niimpalukoda ngo chindo ngo nohkii ahnii ho ngo no inkiñdo, hojalo nunu chima ngo nohkii ahnii malo ngo noh inkiñdo.