JON KA AYAPUYU 10:6 - NITI GONTU N.T. (BSI)

⁶ Siika lujju mi Jisu mohlumi luta nantii, hojalo mohlu tachiñ matii mo mohlumi nii hiila ludo hiila.

JON KA AYAPUYU 10:6 ပူးပေါင်းရင်းမြစ်များ

JON KA AYAPUYU 16:25

“Ngo nunumi simi lutiñ nambii dola luko biilyi ke; myodu ahkiñ doke niidana ngo nunumi lutiñ nangku mapa hojalo pardapa Aba ka piigo mi luchinii.

METHU 13:51

“Nunu hikha siika atañmi tala duha?” Mohlu mohmi lutii, “ḛh.”

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

1 KORINTIA 2:14

Yajiyallo giimanii miyu lariima Pinii ka Yajiyallo ka ahmiñayiñ mi, niimpalukoda hiika atañ mohlupa piigo ama, ho mo hiika atañmi chilama niimpalukoda hiika atañ yajiyallo loka kalasanii.

JON KA AYAPUYU 8:43

Niimpa nunu tachiñ nyama ngo nii hiila ludo? Si niimpalukoda nunu pigii lama ngiika aguñmi.

JON KA AYAPUYU 8:27

Mohlu tachiñ lamatii mo mohlumi Aba ka piigo mi ludo hiila.

JON KA AYAPUYU 7:36

Nii hiila ka lusa niimi pe ludonii, ‘Nunu ngiimi mekiñdo ho nunu ngiimi mepa lakiñma,’ ho, No ngo da ho nunu ahla kema?”

JON KA AYAPUYU 6:60

Mohka abuje henjeajiñ atañ, mohlu siimi tapa lala, lutii, “Siika luniiñsi alḛrdo; hu siimi tala talyiho?”

JON KA AYAPUYU 6:52

Ho Jew atañ mohluka punkoho chesu ritii, lubiidola, “Niihtañpa siika miyu si ngunumi mohka apomi bila kendo diidupa?”

METHU 13:34

Hikha siika atañmi Jisu lutiñnambii dola lukotii miyu atañmi; lutiñnaniiñ luyo mapa mo hang ako tiirḛ lumatii.

MAK KA AYAPUYU 4:34

mo mohlumi lutiñnaniiñ luna namapa lurii matii, hojalo mo mohka henjeajiñ atañmi mi nyima ho tadḛrpa lukola lyitii.

JON KA AYAPUYU 16:29

Mohka henjeajiñ atañ lutii, “ḛh, siisi no parda pa ludo, hang lutiñ namapa!

2 PITAR 2:22

Si mohluko hoka lyiniiñsi jije nitiñhormi hoka luniiñ chulido, akie hii atohka banii mi diiku siiduku, ho alyeemi ahu harsu jalo jebiho rabḛr raku hadu.