JON KA AYAPUYU 10:28 - NITI GONTU N.T. (BSI)

²⁸ ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 10:28 ပူးပေါင်းရင်းမြစ်များ

JON KA AYAPUYU 6:37

Hikha Aba ka ngiimika biniiñhii ngiiko ahkiñdo; ho huna ngiiko ahdonii ngo hiimi mompa tama.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

ROM MIKA POL KA SIITI KENIIÑ 8:29

Niimpalukoda humina mo chimpyo tiinii mo bardiñsoyu mitiirḛ bitii mohka oho chuli lyidopa, niimpalukoda mohmi kapyo jaka wiinga bukoniipa miidupa abuje anubarmii atañka punkoho.

JON KA AYAPUYU 18:9

Siikasi mohka aguñ luniiñmi lyipe kiine dupa lyitii, “Niika binii hokii kone mitrḛ ngo alyu make.”

PILIPIA 1:6

Ho ngo hentiñ do mo huna niiko aya miigo miiri biitii nii miija menda hemi miinedo Jisu Kristo ka allo lohe.

1 JON 2:25

Ho siikasi niihna mo hemme bitii nii ngunupa, santḛrlamanii sango.

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

1 JON 2:19

Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

1 JON 5:11

Ho siika sike pyakonii, Pinii ngunumi santḛrlamanii sango mi bitii, ho siika sango hii mohka Oho ko do.

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

JON KA AYAPUYU 11:25

Jisu mohmi lutii, “Ngo turiturku kunii la sango ke; huna ngiimi henje talyi nii, mo shiijalo, hojalo mo sankiñdo,

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

2 TESOLONIA 2:13

Hojalo ngunu Pinii mi kiirañ payapacho ludopa lyido loda nunu kiipa, anubarmii Attoh ka heniiñja, niimpalukoda Pinii niimi kahetii lotujaho hokii lyangur dupa, Yajiyallo lo dardḛkunii ho henje biidola jijemi.

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

1 TIMOTI 1:16

hojalo ngo aroh mi patiiku siika piigopa, niimpalukoda ngo, akhojalyinii, Jisu Kristo mohka digoabiaya pigiiniimi kakiñ ladopa katiñ naniipa hiika atañpa hutiina mohmi henje kendonii santḛrlamanii sango pa.

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

ROM MIKA POL KA SIITI KENIIÑ 5:17

Hokoda matiirḛ, miyu koneka palle kopa, shiiniiñ hii dotii hiika miyu kokii, hiimi abuyapa hiika miyu larii kendo aroh-aya mi poteje ho binyo paka ahmiñayiñ denki hii domiñ biikiñdo miyu kone Jisu Kristo kiilo.

ROM MIKA POL KA SIITI KENIIÑ 5:2

Mo kiilo ngunu ahla dopa lyido siika aroh-aya ho nii hona ngunu danii, ho ngunu hempyodo ngunuka hentiñho Pinii ka tatukatu mi ngunu hembo kendo hiila.

MIINIIÑ 7:59

Ho mohluka Stepen mi yalañ kula dopa, mo kutii, “Attoh Jisu, ngiika yajiyallo mi larii to.”

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

ROM MIKA POL KA SIITI KENIIÑ 5:9

Hopa, ngunumi lupya bitiiku mohka ai lo, abuyapa ngunumi lyangur tiiku Pinii ka hadii hokii.

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

LUK KA AYAPUYU 23:46

Ho Jisu, hempḛr goropa gyubii dola, lutii, “Aba, niika alah ho ngo ngiika yajiyallo mi tiilii biilyi ke!” Ho hiila lula lala mo shiihi tiiku.

MAK KA AYAPUYU 13:22

Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

JON KA AYAPUYU 10:29

Ngiika Aba, huna ngiimi mohlumi bitiinii, miilañrumi kaheja, ho kone hetḛr mohlumi Aba ka alah hokii robii lakiñma.

1 JON 1:2

sango mika kapa dopa miilyiho, ho ngunu hiimi kappatii, ho hiimi pyakodu, ho nunumi gyukodu santḛrlamanii sangomi niihna Aba ko donii ho ngunumi kapa dopa miitiinii,