JON KA AYAPUYU 10:12 - NITI GONTU N.T. (BSI)

¹² Humina ajho tiinii ho subuñsornii manii, huka subuñ na mo atoh kiimanii, siipya mi ahla dopa kapa lala ho subuñ mi apatela ho hargii du; ho siipya mohlumi chibiidu ho mohlumi mompya monsa du.

JON KA AYAPUYU 10:12 ပူးပေါင်းရင်းမြစ်များ

2 PITAR 2:3

Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

TAITAS 1:7

Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

1 TIMOTI 3:8

Deakon atañ tiirḛ hendi nyakiñdo, allyosonye giikiñma, roalha mi abupa diigetange kema, doyapa hiila diibuñ kema;

1 TIMOTI 3:3

ow tangii kema, payagaya kema, hojalo yanu kendo, gasupasu kema, ho tiicko hembyo kema.

MIINIIÑ 20:29

Ngo chindo ngiika inekuho siipya atañ ahkiñdo nunuka punkoho, subuñ dore mitrḛ apa kema;

1 PITAR 5:2

Pinii ka subuñatañ mi kabii tolya nunumika kabii dopaka biniiñ mi, miinamapa miite mapa hojalo miinabiidola miito, hiinyañmohi ka paser miiliñ biichi hiila mapa hojalo miinala hembiidola miitolya,

JON KA AYAPUYU 10:3

Hiipa alyeh kalyabo miiko bikiñdo; subuñ mohka aguñmi tapa kendo, ho mo mohka attoh subuñ mi armyañ gyobiidola gyokiñdo ho mohlumi agoho lingii kendo.

METHU 10:16

Kato, Ngo nunumi subuñ hiilyañ pake siipya ka punkoho kiiniñ biilyinii; hopa tabu chitañ piibi tolya ho pakoo chitañ yanu tolya.

METHU 7:15

Hendi nyatolya gollumisu nyibuhenii atañ kokii, nunuko subuñ ammu hokii giitola ahkiñdo hojalo ahha ura hii siipya ke.

JON KA AYAPUYU 10:2

hojalo huna alyeh pa ahdonii hii subuñ mika sorniibo.

JON KA AYAPUYU 10:13

Mo hargiidu niimpalukoda mo ajho konii ho subuñ atañpa hang hena giima.