JON KA AYAPUYU 1:9 - NITI GONTU N.T. (BSI)

⁹ Jijeka hutoh miyu kone abi mika byohu nii hii dohadolo ho ahtii.

JON KA AYAPUYU 1:9 ပူးပေါင်းရင်းမြစ်များ

METHU 6:23

hojalo nunuka amee matiirḛ kagya dokoda, nunuka hikha apo hii kamo ramba dokiñdo. Nunu koka muru matiirḛ kamola dokoda, nekane kamo kendo!

LUK KA AYAPUYU 11:36

Hopa nunuka hikha apo matiirḛ poteje hutoh dokoda, kamo iche tiirḛ giima dokoda, hiikahii hikha hutoh kendo, muru ka nunu mika hutoh byohu donii chulipa.”

JON KA AYAPUYU 1:4

Mohko sango hii dotii, ho sangohii miyu atañka hutoh.

JON KA AYAPUYU 1:7

Mo pyakodupa ahtii, hutohmi haki bidupa hiila, niimpalukoda miilañjami henje kiine dupa mohkokiila.

JON KA AYAPUYU 12:46

Ngo hutoh pa lyila dohadolo so ahdu, niimpalukoda hujalopa ngiimi henjetalyi kamo ho duku madopa.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 15:1

Ngo jije rosannii ke, ho ngiika Aba rosannii mika miini niike.

JON KA AYAPUYU 6:32

Jisu ho mohlumi lutii, “Jijeloda, jijeloda ngo nunumi lukoso, hii Mose make nunu mika dariiganda hokiika yatañ biniibo; ngiika Aba nunumi jijeka yatañ dariiganda hokii bido.

JON KA AYAPUYU 7:12

Ho hiikoho abuje mohka piigo mi budubudu miyuatañ lusu nyatii. Ho kone lutii, “Mo denki miyu ke,” tange lutii, “Ma, mo miyu atañmi lembo ngogii da.”

1 JON 1:8

Ngunu matiirḛ ingyamiigya ma ludo koda, ngunu atohmi gollu siido, ho jije hii ngunuko giima.

1 JON 2:8

Hojalo ngo nunumi niti lujubiniiñ mi kebii lyike, niihna jijenii mohko ho nunuko, niimpalukoda kamo hii impala dokuke ho jije hutoh hii byohu la doku.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.