JON KA AYAPUYU 1:51 - NITI GONTU N.T. (BSI)

⁵¹ Ho mo mohmi lutii, “Jijeloda, jijeloda, ngo niimi lukoso, no dariiganda mi yako dopa kappa kendoke, ho Pinii ka miidopopi mi tola ho chala miyu ka Oho ka hahoho.”

JON KA AYAPUYU 1:51 ပူးပေါင်းရင်းမြစ်များ

MIINIIÑ 7:56

ho mo lutii, “Kato, ngo dariiganda mi miiko dopa kapa do, ho miyu ka Oho Pinii ka lahbi alah ho dapa.”

LUK KA AYAPUYU 22:43

ho hiikoho mohko dariiganda hokii miidopopi ahtii, mohmi tamogiitii.

LUK KA AYAPUYU 2:13

Ho aluñpada hiiko miidopopi agiñho hempḛr taropa yapuñ hahoho Pinii mi assañ nyatii ho lubiidola,

MAK KA AYAPUYU 14:62

Ho Jisu lutii, “ḛh ngo; ho nunu kappa kendoke Miyu ka Oho mi Pinii ka lahbi alah ho dupa harchichike giitola, ho Jomii agiñho yapuñ hahoho ahla dopa.”

MAK KA AYAPUYU 1:10

Ho mo yasie hokii daliñ dakele, ohepada mo yapuñ mi tanye betche dopa kappa biido ho Yajiyallo pakoo chulipa gohi biila mohko gohatii;

METHU 3:16

Ho Jisu baptisma laku lala, mo ohepada yasie hokii chatiiku, ho kato, yapuñ hii betchetii ho mo Pinii ka Yajiyallo mi pakoo chulipa gohi dopa kappatii, ho mohmi yamu chulipa byokhe tii;

MIINIIÑ 10:11

ho mo yapuñ mi ngeko dopa kapa biido, ho drihkone todopa kapa biido, kakoho hempḛr pulye beropa, nyetañ taperulo kiiddi ho jolo tii.

LUK KA AYAPUYU 3:21

Siisi hikha miyuatañ baptisma lanyatii, ho Jisu tiirḛ baptisma latii ho kula dotii, yapuñ hii ngekotii,

METHU 4:11

Ho igii mohmi apa tela intiiku, ho kato, miidopopi atañ ahbiila ho mohmi kalyañ tiiku.

MIHUKAKIÑNIIÑ 19:11

Ho ngo kapato dariiganda mi miiko dopa, ho kato, puloo gora! Mo hiika ayoh hoka dunii bo gyokodo Lotii ho Jije hiila, ho denkipa mo haliido ho gyambo pado.

MIHUKAKIÑNIIÑ 4:1

Siika hiiba ho ngo kadi kiile, ho kato, dariiganda ho alyeh lyeko tola do! Ho kapyo japa ka luniiñ hii, ngiimika luniiñmi ngo takele siirii gyuniiñ hiilyañ, lune, “So chato, ho ngo niimi kakiñso siika hiiba ho niihna lyikiñ donii.”

2 TESOLONIA 1:7

ho nunumi ngunuka agiñho dumo dopa bikiñdo hutiina heru henyatiinii, niida Attoh Jisu dariiganda hokii mohka tamo miidopopi ka agiñho yamu miilyo ho kakiñ kendo,

LUK KA AYAPUYU 2:9

Ho Attoh ka miidopopi mohluko ahtii, ho Attoh huda khada mohluka punkoho byokiñ lintii, ho mohlu biiso nyatii.

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

JON KA AYAPUYU 10:1

“Jijeloda, jijeloda, ngo nunumi lukoso, huna subuñdako ho alyeh pa amapa hojalo lembo byahe yapa giiha donii, hiika miyu hii diipyonii ho ronii;

LUK KA AYAPUYU 22:69

Hojalo siisi kiija miyu ka Oho Pinii ka harchichike lo lahbi alah dalyiho dukiñ do.”

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

JUD KA SIITI KENIIÑ 1:14

Siika drih kiipa tiirḛ Enok Adam kokiila kanunii santuñ bo nyibuhentii, lubiidola, “Kato, Attoh ahla do mohka hempḛr toro darii miidopopi atañ agiñho,

2 TESOLONIA 1:9

Mohlu heru henkiñdo ayudahe pyadusaniiñ ka pamyo kenkoniimi ho attoh ka dako hokii nengu linko kendo ho mohka tamo ka tatukatu hokii,

JON KA AYAPUYU 14:12

“Jijeloda, jijeloda, ngo nunumi lukoso, huna ngiimi henje talyinii hiitiirḛ ngiika miiniiñ chulipa miigo atañmi miikiñdo; ho siika atañ mitrḛ kayeya miigo miikiñdo, niimpalukoda ngo Aba ko ilyiku.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

LUK KA AYAPUYU 24:4

Mohlu siimi hendḛr lamapa dakele, kato, miyu anye mohluka aruñho datii puloo pulye giitola;

METHU 26:24

Niimpalukoda miyu ka Oho hii nii hiila mohmi ketola do hiila lyikiñdo, hojalo hiika miyu mi aiya hiila hembido huna miyu ka Oho mi talubalo kendo nii! Hiika miyu pa wiinga buko matii koda ya aya yakiñne.”

JON KA AYAPUYU 21:18

Jijeloda, jijeloda, ngo niimi lukoso, niika yapa doho, no atoh atoh abitarii giila ho no inado inne; hojalo niika akha lyikuho, no niika alah mi lyuliñ bikiñdo, ho koneya niimi agii kendo ho no noh inama ho niimi ingii kendo.”

JON KA AYAPUYU 8:51

Jijeloda, jijeloda, ngo nunumi lukoso, hujalopa matiirḛ ngiika aguñmi atiibiichi, mo shiigo mi kapa kema.”

JON KA AYAPUYU 6:32

Jisu ho mohlumi lutii, “Jijeloda, jijeloda ngo nunumi lukoso, hii Mose make nunu mika dariiganda hokiika yatañ biniibo; ngiika Aba nunumi jijeka yatañ dariiganda hokii bido.

JON KA AYAPUYU 3:5

Jisu lusitii, Jijeloda, jijeloda, ngo niimi lukoso, nii dahepa kone yasie la yajiyallo lo buko tama, mo Pinii ka raddeganda ho ahla kema.

JON KA AYAPUYU 16:20

Jijeloda, jijeloda, ngo nunumi lukoso, nunu khekiñdo ho heru kendo, hojalo dohadolo hempyo kendo; nunu heru kendo, hojalo nunuka heru hii hempyopa lyiguh rikiñdo.

JON KA AYAPUYU 13:16

Jijeloda, jijeloda, ngo nunumi lukoso, miira hii atoh mi kahe yama ke; malo hiitiirḛ huna kiiniñ kotiinii mohmika kiiniñ bomi kahe yama ke.

JON KA AYAPUYU 10:7

Hopa Jisu hiira mohlumi lutii, “Jijeloda, jijeloda, ngo nunumi lukoso, ngo subuñ ka hagya ke.

JON KA AYAPUYU 6:53

Hopa Jisu mohlumi lutii, “Jijeloda, jijeloda, ngo nunumi lukoso, nii dahepa nunu miyu ka Oho ka apomi diitema ho mohka ai mi tantema, nunuko sango giimake;

JON KA AYAPUYU 5:27

ho mohmi otority mi bitola do ayakacho kaniipa, niimpalukoda mo miyu ka Oho.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.

JON KA AYAPUYU 3:3

Jisu mohmi lusitii, “Jijeloda, jijeloda, ngo niimi lukoso, nii dahepa konehii buti kotema, mo Pinii ka raddeganda mi kappa kema.”

METHU 9:6

Hojalo nunu chinto diike miyu ka Oho ko kiiddiapiñ daka ingyamiigya mi hello nanii otority giido hiila” ho mo lutii lukuñ bomi “Gurito, niika dotananii mi biikula ho ude ho ingeku.”

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

JON KA AYAPUYU 13:38

Jisu lusitii, “No niika sango mi ngiipa hempa bichi ha? Jijeloda, jijeloda, ngo niimi lukoso, paro khokiñ make, nii dahepa no ngiimi rohiñhe mapah tama.

JON KA AYAPUYU 8:58

Jisu mohlumi lutii, “Jijeloda, jijeloda, Ngo nunumi lukoso, Abraham mi kapyo yapa, ngo dato.”

JON KA AYAPUYU 8:34

Jisu mohlumi lusitii, “Jijeloda, jijeloda, ngo nunumi lukoso, hujalopa ingyamiigya da hii ingyamiigya ka miira ke.

JON KA AYAPUYU 6:26

Jisu mohlumi lusitii, “Jijeloda, jijeloda, ngo nunumi lukoso, nunu ngiimi medo, nunu kagiñnanii kappa kopama, niimpalukoda nunu erre khedopa yatañ diibiine hopa.

JON KA AYAPUYU 1:50

Jisu mohmi lusitii, “Niimpa ngo niimi lutii, Ngo niimi taro sannii ka aruñho kapato hiila, no taje doha? No siika siimi kayeya drih atañmi kappa kendoke.”