JON KA AYAPUYU 1:29 - NITI GONTU N.T. (BSI)

²⁹ Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

JON KA AYAPUYU 1:29 ပူးပေါင်းရင်းမြစ်များ

METHU 1:21

mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

JON KA AYAPUYU 1:35

Allo lohe yaho hiira Jon mohka henjeajiñ anye ka agiñho datii;

JON KA AYAPUYU 1:36

ho mo Jisu mi kaditii mo ila dokele, ho lutii, “Kato, Pinii ka subuñ atu!”

JON KA AYAPUYU 1:43

Allo lohe yaho Jisu Galili ho inchi hiila hentii. Ho mo Pilip mi kappatii ho mohmi lutii, “Ngiimi imbo monto.”

JON KA AYAPUYU 2:1

Allo lohiñ niiho mihie millo lasutii Galili daka Kana ho, ho Jisu ka annii hiiko datii;

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 4:42

Mohlu annii akha mi lutii, “Siikasi niika luko hopa kontii ngunu henje make, niimpalukoda ngunu miilañ attohpa tapatii, ho ngunu chindo siikasi jijeloda dohadolo mika Lyangur nii hiila.”

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

MIINIIÑ 13:39

ho mo kiilo kone abi huna henje nyadonii kapane drih hokii tupya konyada nii mina nunu Mose ka dapo lo tupya kola matiinii.

MIINIIÑ 8:32

Siisi piniipota hokii nii mina mo ritiinii hiikahii sike: “Subuñ mi mendu pa ingiitii malo subuñatupa hiika amoo pinii rubido, hopa mo mohka aguñmi gonko ma.

1 KORINTIA 15:3

Niimpalukoda ngo nunumi bibiilyi kapyo japa khiila nii mina ngo larii tiinii, Kristo ngunuka ingyamiigyanii atañpa siibi tii piniipota ka keniiñ chulipa,

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

GELESIA 3:13

Kristo ngunumi tupyatiiku dapo ka beniiñ hokii, ngunu paka beko sanii mi beko biidola-niimpalukoda hiila ketii, “Kone abiko beniiñ dokiñdo huna sannii ho hosḛr siida nii”,

1 TIMOTI 2:6

huna atohmi tupya naniipa bisu tiinii miilañrupa, myodumyolo aya jaho pyakotii.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

HIBRU 2:17

Hopa mohmi mohka anubarmii hiilyañpa miitii kapane henjumiijuho, niimpalukoda mohmi aroh la lyike nendupa ho lotii bukuñ nyibu pa Pinii mika miiho ko, miyu atañka ingyamiigyanii atañpa mensi liiko dupa.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

1 PITAR 1:19

hojalo Kristo ka khiiniiñ ai lo, hii chuli subuñ pamyo takho giimanii malo page maniihokii.

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 14:1

Ho ngo kakele, ho kato, Zayon Putoo ho Subuñ dami, ho mohka agiñho 144,000 miyu dami mohluka tiirii ho mohluka armyañ ho mohluka aba ka armyañ mi kegii tola.

MIHUKAKIÑNIIÑ 14:10

mo tiirḛ tankiñdo Pinii ka hadii ow mi, toliñtii miiyomanii mi mohka hadii ka turla ho, ho mohmi yamu ho herudopa lyakiñ do ho sulphur ho darii miidopopi atañka hataho ho Subuñ ka hataho.

MIHUKAKIÑNIIÑ 14:4

Siika atañsi hiike hutiina atohmi miibḛr siima tiinii nyimii atañ agiñho, niimpalukoda mohlu addah ke; siika atañ sike hutiina Subuñ mi imbo nyatii nii nohjalo mo intii; siika atañmi tupya tiiku miyuatañ kokii Pinii ka kapyo ja ahee pa ho Subuñ pala,

MIHUKAKIÑNIIÑ 15:3

Ho mohlu biisie do Mose ka biisie mi, Pinii ka miira, ho Subuñ ka biisie mi, lubiidola, “Kahe ho anoaya niika miiniiñ hii, O Attoh Pinii Tamoja! Denki ho jije niika lembo atañhii, O santuñ atañ radde!

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

MIHUKAKIÑNIIÑ 19:7

Kiije ngunu hempyosa ho khiisa ho mohmi assañsa, niimpalukoda Subuñ ka mihie ladu ahdo kuke,, ho mohka Mihie mo atohpa henju doke;

MIHUKAKIÑNIIÑ 19:9

Ho miidopopi lune ngiimi, “Siika siimi keto: Lyanko kendo hiika atañ hutii mina gyotiinii Subuñ ka mihie lako alyiñapiñ diikoho dudupa.” Ho mo ngiimi lune, “Siika atañsi jije Pinii ka aguñke.”

MIHUKAKIÑNIIÑ 21:14

Ho citi ka tarsi ho alyañlenye liidiraniiñ do, ho hiikaho alyañlenye Subuñ ka kiiniñkonii ka armyañ hii giido.

MIHUKAKIÑNIIÑ 21:27

Hojalo hang kacho hiikaho ahkiñma, malo hu kone jalopa huna miinyo donii kanamaniimi malo amuhmi, hojalo hiika atañsii hukiina ketola donii Subuñ ka sango ka kheta ho.

MIHUKAKIÑNIIÑ 21:9

Hiikahiiba ho kone ahhii kanuhe miidopopi hokii huko hona paka kokkanuhe poteje kamija doli kanuhemi biidonii, ho ngiimi lune, lubiidola, “Ahto, Ngo niimi kakiñso Mihie mi, Subuñ ka mihie.”

MIHUKAKIÑNIIÑ 5:6

Ho raddeduko punkoho piilye turnii achu-amyo ho amiabañ atañka punkoho, ngo siibuñ kone dapa kapato, menko kunii hiilyañ, kanuhe arii giitola ho amee pukkanuhe giitola, hiikahii Pinii ka kanuhe yajiyallo hiimi kiiniñtii hikha kiiddiapiñ so;

MIHUKAKIÑNIIÑ 5:8

Ho mo karkiesiilyo mi lala la, piilye achu-amyo atañ la nyikhañ hela piilye amiabañ atañ Siibuñ ka hataho chuki lyudo, kone abi berañ mi biitola, ho ayyiñ piichañ ho poteje byamunanii biitola, niihna piniimiyu atañka kuniiñ atañ nii;

MIHUKAKIÑNIIÑ 6:1

Siisi ngo kapato kanunii jhipponiiñ hokii kone mi Siibuñ atu miikokiile, ho ngo tapato piilye turnii achu-amyo hokii kone lune, yapuñ geniiñ hiilyañ luniiñhii, “Ahto!”

MIHUKAKIÑNIIÑ 6:16

putoo atañla yalañ atañmi lubiido, “Ngunu ko huhito ho ngunumi achuñ biipe mohka nyitumoru hokii huna raddeduko ho dunii, ho Siibuñ kokii ka hadii ahsanii hokii;

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

MIHUKAKIÑNIIÑ 7:17

Niimpalukoda Siibuñ raddeduko punko hoka daniibo mohlumika siibuñsorniibo, ho mo mohlumi lembo pagiikendo turnii yasie ka shoo huliñ ko lohe; ho Pinii tipa kendo kone abika mila mi mohluka amee hokii.