JON KA AYAPUYU 1:14 - NITI GONTU N.T. (BSI)

¹⁴ Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

JON KA AYAPUYU 1:14 ပူးပေါင်းရင်းမြစ်များ

1 JON 4:9

Siika so Pinii ka hensu niimi kakiñdo ngunuka punkoho, hiikahii Pinii mohka hiiro kone kontiimi dohadolo so kiiniñ bitii hiila, niimpalukoda ngunu mohkokiila sandupa.

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

JON KA AYAPUYU 1:1

Kapyojaho aguñ hii dotii, ho aguñ Pinii agiñho dotii, ho aguñ hii Pinii tii.

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

KOLOSIA 1:19

Niimpalukoda mohko hikha Pinii ka henju hii poteje hempyo biidola dohatii,

1 KORINTIA 15:47

Kapyo miyu hii kiiddiapiñ hokiitii, dimḛr ka miyu; anyenii miyu hii dariiganda hokii.

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

KOLOSIA 2:9

Niimpalukoda mohko hikha poteje piniiaju hii apopa lyila dohado,

2 JON 1:7

Niimpalukoda abuje gollunii dohadolo so linya neke, miyuatañ hutiina talii nyamanii Jisu Kristo ka asiialyo hoka ahniiñmi; sitañ lunii kone hiike gollunii ho kristokamabo.

MIHUKAKIÑNIIÑ 21:3

ho ngo tapato hempḛr goro aguñ raddeduko hokii lubiidola, “Kato, Pinii ka duko hii miyu atañka agiñ hoke dolyi kunii. Mo mohluka agiñho dubo kendo, ho mohlu mohka miyupa lyikiñdo, ho Pinii mohloda mohluka agiñho dabo kendo;

HIBRU 5:5

Hopa Kristo tiirḛ atohmi assañ siima ke bukuñ nyibu pa miisula, hojalo mo kahekotii hiilo huna mohmi lutii nii, “No ngiika Oho, siilo kii ngo niimi chibii lyikuke”;

HIBRU 10:5

Siika piigopa, Kristo ka dohadolo soka ahlyiho, mo lutii, “membiniimi la biniiñkeniiñ mi no hembyo make, hojalo apo no ngiipaka miimyo biniiñmi;

JON KA AYAPUYU 11:40

Jisu mohmi lutii, “Ngo luma siito ha no matiirḛ henje dokoda no Pinii ka tatu katu mi kapa kendoke hiila?”

JON KA AYAPUYU 3:16

Niimpalukoda Pinii dohadolo mi ano hela mohka Oho konekontii mi bitii, hujalopa mohmi henje talyi hii lyukiñma hojalo santḛrlamanii sango giikiñdo.

JON KA AYAPUYU 2:11

Siikasi, mohka miipyoja kagiñnanii miiniiñ, Jisu Galili ka Kana ho miitii, ho mohka tatu katu mi kakiñtii; ho mohka henjeajiñ atañ mohmi henje nyatii.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

HIBRU 1:5

Niimpalukoda nii miidopopi mi Pinii lune, “No ngiika Oho, siilokii ngo niimi chibii lyikuke”? Malo hiira, “Ngo mohka aba pa lyikiñdo, ho mo ngiika oho pa”?

JON KA AYAPUYU 14:9

Jisu mohmi lutii, “Hiimkane diirii ngo nunu agiñho dabii lyiku, ho siisi lohepa no ngiimi chima rañ, Pilip? Huna ngiimi kapa tiinii hii Aba mi kappatii; niihtañpa no ludu, ‘Ngunumi Aba mi kakiñpe hiila’?

LUK KA AYAPUYU 9:32

Siisi Pitar la ho hutiina mo agiñho datiinii hempḛr uropa imi la dotii, ho mohlu huro biikele mohlu mohka huda khada mi kappa biido ho miyu anye mo agiñho dapa.

JON KA AYAPUYU 17:22

Niika ngiimika tatukatu biniiñ mi ngo mohlumi bibii lyike, niimpalukoda mohlumi konepa lyike nendupa niihtañpa ngiinyi konepa lyidu,

JON KA AYAPUYU 3:18

Huna henje talyinii hiimi khiipa kema; huna henje manii hiimi khiipa tola doku, niimpalukoda mo henje matii Pinii ka Oho kone kontii ka armyañ mi.

LUK KA AYAPUYU 2:11

nunupa siilo allo so David ka citi ho lyangur bomi bubi tiike, hii Kristo Attoh ke.

HIBRU 2:11

Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

2 KORINTIA 12:9

hojalo mo ngiimi lutii, Ngiika aroh-aya hii niipa khe biikiñ doke, niimpalukoda ngiika harchichike hii digoabiaya giikiñ doke ajju hotiirḛ. Ngo uro yapa hempyo biidola khansu talyi ngiika ajju mi, niimpalukoda Kristo ka tamo hii ngiiko doha kendo.

METHU 1:16

ho Jakob Josep ka aba Mary ka millo, hulona Jisu bukotiinii, humina Kristo hiila lutii nii.

KOLOSIA 2:3

hukohona hikha chila ho chilananiiñ atii tiikuñ tola donii.

IPISIA 3:8

Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

ROM MIKA POL KA SIITI KENIIÑ 9:5

mohlu biloka aba-apa kokii, ho mohluka halu hokii, asiialyo kii dalyi lusu dokoda, hii Kristo. Pinii kapanemika kagiibo, hikha rumi lyankiñdo ayudahepa. Amen.

LUK KA AYAPUYU 2:7

Ho Mary mohka butu wiinga milobo oho mi butii ho mohmi pulye ho apu tola atiitii, ho durgu ho gotola atiitii, niimpalukoda hiiko mo anye pa duko nyimatii.

MIINIIÑ 13:33

siika siimi mo miipe bitii ngunupa mohka oho atañpa Jisu mi turdo pa miila lala; anyenii assañbiisie keto laka donii hiilyañ, No ngiika Oho, siilo kii ngo niika aba.

JON KA AYAPUYU 8:32

ho nunu jije mi chinkiñ do, ho jije hii nunumi tupya kendoke.”

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

MIHUKAKIÑNIIÑ 19:13

Mohka tarii giiniiñ hii ai hoka sambyunii, ho mohka armyañ mohmika gyoniiñhii Pinii ka Aguñ.