JON KA AYAPUYU 1:13 - NITI GONTU N.T. (BSI)

¹³ hutiina buko tiinii, ai loma malo asiialyo ka henko homa malo miyu ka henko homa, hojalo Pinii kokiila.

JON KA AYAPUYU 1:13 ပူးပေါင်းရင်းမြစ်များ

1 JON 3:9

Kone hetrḛ huna Pinii lo buko tiinii ingyamiigya ma; niimpalukoda Pinii ka henju hii mohko giigela do, ho mo ingyamiigya lakiñma niimpalukoda mo Pinii loka buko nii.

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

1 PITAR 1:23

Nunumi nitipa buti tiikuke, lyula sanii kormo lomake hojalo lyula samaniiloke, turnii ho Pinii ka aguñ kiilo ke;

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,

1 JON 5:4

Niimpalukoda niijalopa Pinii lo bukodu dohadolo mi miimiñdu; ho siikasi pamiñniike dohadolo mika miimiñlyi ho, ngunuka henje lo.

1 JON 4:7

Heniiñja, kiije ngunu koneanyañ mi hensusa; niimpalukoda hensuniisi Pinii kokiike, ho hii huna hensu donii hii Pinii loka buko niike ho Pinii mi chindo.

TAITAS 3:5

mo ngunumi lyangur tiiku, ngunuka denki hoka miigo miiniiñ kopama, hojalo mohka aroh ka henjukopa sii, asekula aya yadopa ho nitidopa miitiiku Darii Yajiyallo ho,

PILIPIA 2:13

niimpalukoda Pinii nunuko miigo miila doke, anyeruho heladopa ho mohka hempyo kiipa miigo miidopa.

1 KORINTIA 3:6

Ngo alinii, Apollos yasie binii, hojalo Pinii sii sanke nensu donii.

1 JON 5:1

Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

1 JON 5:18

Ngunu chindo hujalo Pinii lo bukotii hii ingyamiigya ma hiila, hojalo hii huna Pinii lo buko tiinii hii mohmi atii biidu, ho igii kone mohmi tene lakiñma.

JON KA AYAPUYU 3:3

Jisu mohmi lusitii, “Jijeloda, jijeloda, ngo niimi lukoso, nii dahepa konehii buti kotema, mo Pinii ka raddeganda mi kappa kema.”

METHU 3:9

ho nunu atoh-atoh lusu nyayo, ‘Ngunukii Abraham du ngunuka aba pa’; niimpalukoda ngo nunumi lukoso, Pinii siika yalañ miilañ sokii tula la Abraham ka oho-asi pa miila kendoke.

1 PITAR 2:2

Niti wiinga buniiñ hiilyañ, darii yajiyallo ka anyi mi hayato, hiilo nunu sancha ladopa sangopyako lohepa;