JEMS 5:3 - NITI GONTU N.T. (BSI)

³ Nunuka ayyiñ la rupu nyimi harti abiido, ho hiika atañka harti hii nunumi chekho giiniika katiñ naniiñpa lyikiñdo ho nunuka ayya mi diikiñ do yamu chitañpa. Nunu alḛrdrih atii tiikuñ biisudo kamikalo allopa.

JEMS 5:3 ပူးပေါင်းရင်းမြစ်များ

ROM MIKA POL KA SIITI KENIIÑ 2:5

Hojalo niika ahha alḛr ho henkur manii hii, niiko atii tiikuñ siibiido hadii mi niipa, hadii diidu ka allo hopa, niidana Pinii ka denki ayakacho kaniiñmi kakiñ talyinii.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

2 PITAR 3:3

Kappyo japa nunu siika siimi chinto rañ, khansunii atañ linkiñ doke kamikalo myoduho khansu biidola, mohluka atoh helyihembyo mi hembiidola

2 TIMOTI 2:17

ho mohluka luniiñhii une ka alyo mika yagiidonii hiilyañ pa yaja giikiñ doke. Hiika punko hokii Himenas la Piletas nyi,

MIHUKAKIÑNIIÑ 17:16

Ho arii bulyañhe niika kapa niisi, mohlu la ho achu-amyo hii kahu kendo pfyoaridiisunii bomi; mohlu mohmi arrokapa apa kendo ho ahuara pa, ho mohka asiialyo mi diikiñdo ho yamu lo mohmi ronkiñdo,

MIINIIÑ 2:17

Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;