JEMS 5:20 - NITI GONTU N.T. (BSI)

²⁰ mohmi chinke nento hujalo ingyamiigyanii konemi mohka miigyanii lembo hokii ahkur giichi mohka yallo mi shiisa nii hokii lyangurtii ho abuje ingyamiigyanii atañmi lapu biido.

JEMS 5:20 ပူးပေါင်းရင်းမြစ်များ

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

ROM MIKA POL KA SIITI KENIIÑ 11:14

ngiika Jew ahiñ atañmi kariñkiine dupa, ho hiila miibiidola tonge mi lyangur kiine dupa.

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

1 KORINTIA 9:22

Ajju agiñho ajju mondu, ngo ajju mi lumiñ biidupa. Ngo hikha drihpa lyidu hikha miyu atañpa, niimpalukoda ngo hikha miina naniiñlo tange mijalo lyangur dupa hiila.

1 TIMOTI 4:16

Atohmi hendi siitolya ho niika tonsḛr niimi; hiimi miikañ ari miitolya, niimpalukoda hiila miibiidola no lyangur siikiñdoke atoh mitrḛ ho niikii mika tanii atañ mitrḛ.

PELEMON 1:19

Ngo, Pol, siika siimi ngiika alah lo kebii lyike, ngo bili talyike siimi-hang lupa mapa niika ngiipaka atohmika hempa siibi niimi lohepa.

JEMS 1:15

Hiikahiibaho miina laka heniiñ hii ahee hiliñ giidu hiika hii ingyamiigya mi buliñ giidu; ho ingyamiigya hii niida sampya talyi hii shiigo mi ahgiidu.

JEMS 1:21

Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.

JEMS 5:15

ho henje biido laka kuniiñ hii achih miyu mi hempyo giikiñ doke, ho Attoh mohmi seri kendoke; ho mo matiirḛ ingyamiigya tiikoda, mohmi hello kendoke.

JEMS 5:19

Ngiika anubarmii atañ, nunuka punko hokii matiirḛ kone ngodo koda jije hokii ho mi kone matiirḛ mohmi ahkur giido kukoda,

1 PITAR 4:8

Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

MIHUKAKIÑNIIÑ 20:6

Lyankonii ho darii hiika hii hutiina kapyo turiturku rilyi ho turbo rikiñ donii! Hiika hiipa ronye niipaka shiiniiñ ho hang harchichike giima, hojalo mohlu nyibu pa lyikiñdo Pinii la Kristo nyipa, ho mohlu sangii sambo monkiñdo anyañ jare.