JEMS 4:1 - NITI GONTU N.T. (BSI)

¹ Nii hii gyambo pasugiidu, ho nii hii pasugiidu nunuka punkoho? Nunuka helyihembyo hiima siipeha nunuka hakhu ura ho gyambo pasula donii?

JEMS 4:1 ပူးပေါင်းရင်းမြစ်များ

METHU 15:19

Niimpalukoda ahha hokiisii diimmah heniiñ hii linsu donii, mensuniiñ, ipfyonii, datuapu, diipyoniiñ, amuhpaka haki duniiñ, nipasiiniiñ.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

ROM MIKA POL KA SIITI KENIIÑ 7:23

hojalo ngo kapado ngiika asiialyo ka ura ho dapo koneya pasula do ngiika henju ka dapo agiñho ho ngiimi labii tola biido ingyamiigya ka dapo ngiika ura hoka duniisi.

ROM MIKA POL KA SIITI KENIIÑ 7:5

Ngunuka asiialyo hoka sala darañho, ngunuka ingyamiigyanii henjuhembyo, dapo loka heri dopa miiniiñ, ngunuka asiialyo kone miikañla done shiigo ka ahee higiipa.

ROM MIKA POL KA SIITI KENIIÑ 8:7

Niimpalukoda ahha mi asiialyo kii dalyi henga dopa miiniiñsi Pinii mika ahha-banii ke; hiika hii Pinii ka dapo ho tiilii siibima, jijeloda tiilii lakiñma;

GELESIA 5:17

Niimpalukoda asiialyo ka heminii hii Yajiyallo mi chekhodo, ho Yajiyallo ka heminii hii asiialyo mi chekhodo; niimpalukoda siika atañsi kone anya mi chekho siido, nunumi miitiñ dupa niihna nunu miina doniiñ.

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

2 TIMOTI 2:23

Piicha agiñho hang miilyayo, piigoamanii chesuresu; no chindo hiika hii gasu niimi sii lingii siidonii.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

TAITAS 3:9

Hojalo apatolya piigoamanii Chesuresunii atañmi, ohoasi atañmi, taliisiimanii atañmi, ho dapo paka gasupasu nii atañmi, niimpalukoda hiika hii hang miijo dokiñma ho piigoamaniisu.

JEMS 1:14

hojalo miyu kone abi tenkalarka dopa miikodo mohka atoh heniiñka hehuhere ho miina dopaka heniiñlo.

JEMS 4:3

Nunu kusudo ho bikonyama, niimpalukoda nunu kukha la kudo, nunuka helyihembyo ho sona nandupa hiila.

1 PITAR 1:14

Luniiñ tanii himme chuli, talyayo kapyo hoka nunuka chimapaka helyihembyo henjuho,

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

2 PITAR 3:3

Kappyo japa nunu siika siimi chinto rañ, khansunii atañ linkiñ doke kamikalo myoduho khansu biidola, mohluka atoh helyihembyo mi hembiidola