IPISIA 6:12 - NITI GONTU N.T. (BSI)

¹² Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

IPISIA 6:12 ပူးပေါင်းရင်းမြစ်များ

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

KOLOSIA 2:15

Mo sangiinii ho tamo atañmi lapa tiiku ho butii miyu kadopa mohlumi miikiñ tii, mohlumi pamiñtii mohko.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

IPISIA 1:21

hikha sangiinii bomi kayeyapa ho otority mi ho harchichike mi ho domiñ bomi, ho hikha armyañ mika kayeyapa myaniiñ myantii, siika santuñ so kontii mapa hojalo ahsanii santuñ hotiirḛ;

ROM MIKA POL KA SIITI KENIIÑ 8:38

Niimpalukoda ngo hentiñdo shiigo jalo, sango jalo, miidopopi jalo, henjumiiju jalo, siisika drih atañ jalo, ahsanii drih atañ jalo, tamochikho jalo,

IPISIA 3:10

niimpalukoda gyoliñkonii lo Pinii ka abuje chila mi siisi chindopa miike nendupa miidopopi sangiinii atañla dariiganda hoka tamo atañmi.

IPISIA 1:3

Pinii ho Atoh Jisu Kristo ka Aba mi assañsa, huna ngunumi Kristo ko lyantii nii kapane yajiyallo ka lyaniiñ mi dariiganda ho,

1 KORINTIA 15:50

Ngo siimi nunumi lukodu, anubarmii atañ: asiialyo la ai nyi Pinii ka raddeganda mi penko lakiñma, malo lyula sanii hii penko lakiñma lyula sama niilo.

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

HIBRU 12:1

Hopa, ngunumi hiimkane kahe jomii dagur kobiidola hakipa, kiije ngunu tiirḛ apalyasa kapane drihmi, ho ingyamiigya niihna hempḛr ageh giitola giidonii, ho kiije ngunu harkañ ari hasa pigii biidola nii mina ngunupa miitola atii bitiinii,

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 12:31

Siisi ke siika dohadolo mika ayakacho kadu, siisi siika dohadolo mika sangii bomi mompa kendo;

JON KA AYAPUYU 16:11

ayakacho kaniiñ ka piigomi, niimpalukoda siika dohadolo mika sangiibo halii kotii.

LUK KA AYAPUYU 22:53

Ngiika nunu agiñho allo karmyañmi piniiude ho daho, nunu ngiimi alah hetḛr tenka ma. Hojalo siikasi nunuka mudu myodu ke, ho kamo ka harchichike lo.

LUK KA AYAPUYU 13:24

“Alyeh ponchu hopa ahdupa miito; niimpalukoda ngo nunumi lukoso, abuje ahdupa mekiñdo ho ahla kema.

2 TIMOTI 2:5

Kheli nii miyu kone mi tayyiñbyopa agii make nii dahepa miiju jaho miigomi miipe tama.

METHU 16:17

Ho Jisu lukotii mohmi, “Lyanko niike nunu, Saimon Bar-Jona! Asiialyo la ai nyi siika simi kakiñ make niimi, hojalo ngiika Aba ke huna dariiganda ho dunii.

HIBRU 12:4

Nunuka ingyamiigya mika miitrḛ siila miiko siisi loyepa nunuka ai linda dohepa miima.

GELESIA 1:16

hempyo biidola mohka oho mi kakiñtii ngiimi, niimpalukoda ngiimi Midomiyu atañka punkoho tonsḛrkhenyo kiine dupa, ngo asiialyo la ai nyimi taka mato,

MAK KA AYAPUYU 4:19

hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima.

2 KORINTIA 11:14

Ho kahotamo tamapa, niimpalukoda saitan tiirḛ atohmi kachiñ komadopa miigiidu hutoh ka miidopopi kapupa.