IPISIA 5:8 - NITI GONTU N.T. (BSI)

⁸ niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

IPISIA 5:8 ပူးပေါင်းရင်းမြစ်များ

JON KA AYAPUYU 8:12

Hiira Jisu mohlumi lukotii, lubiidola, “Ngo dohadolo ka hutoh ke; huna ngiimi imbo monchinii hii kamo ho ingkiñ make, hojalo sango ka hutoh mi giikiñdo.”

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

JON KA AYAPUYU 12:46

Ngo hutoh pa lyila dohadolo so ahdu, niimpalukoda hujalopa ngiimi henjetalyi kamo ho duku madopa.

IPISIA 4:18

mohlu kamonyada mohluka chilananiiñho, Pinii ka sango hokii nempa linko kunii niimpalukoda mohluka tamkalo mako hopa, mohluka ahha ka alḛr kopa;

JON KA AYAPUYU 12:36

Nunukoka hutoh dorañ ho, hutoh mi henjeto, nunu hutoh ka oho atañpa lyidu pa.” Jisu siimi luku lala, mo intiiku ho mo attoh mi mohluko hokii achih giitii ku.

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

LUK KA AYAPUYU 16:8

Atoh lotiimanii kalyabiiniiñ bomi assañbiido mohka piibi niimi; niimpalukoda siika dohadolo ka oho atañ piibi yado mohluka santuñ ho sandupa hutoh ka oho atañmi hentola.

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

2 KORINTIA 3:18

Ho ngunu miilañru, byoke giimanii nyimo, giinyado Attoh ka tatukatu mi, mo kapu pa lyiguh lado koneya tatukatu hokii koneya lohepa; niimpalukoda si Attoh kokii ahdo huna Yajiyallo nii.

LUK KA AYAPUYU 1:79

huna kamo la shiigo ubu nyiho dunii hiimi hutoh byohu kiine dupa, ngunuka alih mi chimie lembo ho pagii dupa.”

2 KORINTIA 6:14

Henjemanii atañka agiñho miiboyo. Niimpalukoda denki la ingyamiigya nyi duhiñ lakiñ dopeha? Malo hutoh la kamo nyi dukuñ siila kendo peha?

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

ROM MIKA POL KA SIITI KENIIÑ 2:19

ho no matiirḛ jije ngo micha mika lembo pagiinii hiila hendo milo, hiipa hutoh ke huna kamo ho danii,

JON KA AYAPUYU 1:9

Jijeka hutoh miyu kone abi mika byohu nii hii dohadolo ho ahtii.

METHU 4:16

kamo hoka miyu dunii atañ hempḛr uro hutoh kappatii, ho hutiina hiika ganda siiko ho dutiinii ho hutiina shiigo ubuho dunya tiinii hutoh byohu bitii.”

GELESIA 5:25

Ngunu matiirḛ Yajiyallo lo sando koda, kiije ngunu Yajiyallo hotiirḛ insa.

ROM MIKA POL KA SIITI KENIIÑ 1:21

mohlu Pinii mi chinsuda hojalo mohlu Pinii mi khiima malo mohmi payapacho luma, ho mohlu mohluka henjuho gonduama ho mohluka piigoamanii henju hii kamo giida.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

METHU 3:8

Henkur giiniika ahee ya hinya to,

JON KA AYAPUYU 12:35

Jisu mohlumi lutii, “Hutoh si nunuka agiñ da ichu chesuke dasutalyinii. Into nii dahepa nunuko hutoh do, hiilamakoda kamosi nunumi miipu biichi ke; huna kamo ho indo nii chinsu make mo noh indo hiila.

ROM MIKA POL KA SIITI KENIIÑ 13:12

ayoh hii yoja talyi kuke allo hii tunii dokuke. Kiije ngunu kamo hoka miigolugo mi apakusa ho hutoh ka gyambogiiju mi giisa;

KOLOSIA 1:12

Aba mi payapacho lubii dola, huna ngunumi miiladopa bitiinii piniimiyu atañ mika pensikoniiñ mi biibo dopa hutoh ho.