IPISIA 5:3 - NITI GONTU N.T. (BSI)

³ Hojalo datuapu ho hikha miibḛrnii malo hemikaminii atañmi nunuka punkoho armyañ tiirḛ myampa siilyayo, piniimiyu pa sike ayadonii.

IPISIA 5:3 ပူးပေါင်းရင်းမြစ်များ

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

IPISIA 5:5

Siika siimi henje nyatolya, datuapu malo miibḛrnii miyu, malo kone huna hemikamidonii (hiikahii, puchiniimi ka heriibo), hiipa hang pensikosanii nyima Kristo la Pinii ka raddeganda ho.

1 TESOLONIA 4:3

Niimpalukoda siika sike Pinii ka henju, nunuka dardḛkunii ho: nunuka ipfyosiiniiñ hokii ka adho dasa giinii si;

1 KORINTIA 6:18

Helyihembyo mi apato. Kapane ingyamiigya miyuka miiniiñ hii apo ka ago hosu; hojalo helyihembyo henii miyu mohka atoh apo misu ingyamiigya siidanii.

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

1 KORINTIA 6:13

“Diigo si erre pake ho erre si diigo pake” ho Pinii anye rumi mudu lokiñdo kone ma ho konemiilañ mi. Apo si ingyamiigya henju kiipa make, hojalo Attoh kiipake, ho Attoh si apo pake.

IPISIA 5:12

Niimpalukoda siikasi hiinyañdo ludu lupa tiirḛ mohluka miisilaka miiniiñ atañmi;

METHU 15:19

Niimpalukoda ahha hokiisii diimmah heniiñ hii linsu donii, mensuniiñ, ipfyonii, datuapu, diipyoniiñ, amuhpaka haki duniiñ, nipasiiniiñ.

MIHUKAKIÑNIIÑ 2:21

Ngo mohmi myodu bitii henkur dopa, hojalo mo henkur tama ludo mohka helyihembyo miiniiñ hokii.

1 KORINTIA 10:8

Ngunu iche hetrḛ ingyamiigya henju ho miibḛr nyamasa tonge ka miiniiñ chitañ, ho nyikhañhela jariñhe allo lohe pada shiine.

MIHUKAKIÑNIIÑ 22:15

Ago ho danyada akie atañ ho ashumiinii atañ ho datuapu punii atañ ho miyu menii atañ ho puchiniimi ka heriinii atañ, ho kone abi hutiina hembyo nyadonii ho miinyadonii amuhdrih atañmi.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

MIHUKAKIÑNIIÑ 2:14

Hojalo ngiiko drih tongedo nii pana nunumi hadii donii: nunuko tongeda huna tadonii Balam ka tonsḛr niimi, huna tonsḛr tiinii Balak mi miitiñ tote hiila Isrel ka oho atañka hataho, niimpalukoda mohlumi diike nendupa diigo nii mina puchi niimi membi tiinii ho helyihembyo miijumi miike nendupa.

1 KORINTIA 5:1

Siikasi jijemi ludo koda hiila lukodo nunuka punkoho ingyamiigya henju hii do, ho hiitañje nii mina khiibemiyu kotrḛ ya kapa ma; niimpalukoda miyu hii dubo da aba ka mihie agiñho.

MIHUKAKIÑNIIÑ 9:21

malo mohlu mohluka miyu menniiñ hokii tiirḛ henkurma malo mohluka ashumiiniiñ malo mohluka helyihembyo heniiñ malo mohluka diipyo nii hokii.

2 PITAR 2:3

Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

HIBRU 12:16

kone mitrḛ kalyikabyo malo Isau kii hiilyañ piniihenju mi heriimanii pa dake neyo, huna apiñ purepa pyudo siibii donii mohka oho abañ hiila khiiko saniiñmi.

2 KORINTIA 12:21

Ngo biisodo niida ngo hiira ahchi ngiika Pinii ngiimi nunuka hataho chimie dopa miilyi do hiila, ho ngo abujepa heru kendo hutiina kapyo ho ingyamiigya la danenii ho hutiina henkur nyamanii miibḛrnii hokii, hensamanii heniiñ hokii, kachotanii nii mina mohlu miinyatiinii.

TAITAS 2:3

Ammi yami hii chulipa yarto miijuluju ho khiiko dopa dato hiila, nipakoya niipa dakiñma malo ow miirapa lyikiñma; mohlu tonsḛr kendo niihna aya donii,

2 TIMOTI 3:2

Niimpalukoda miyuatañ atohmi hensu kendo, tiicko hembyo kendo, hentii, hentiisiinii, lujutaru, annii-aba atañka luniiñ tamanii, payapacho hiila hemanii, dariimanii,

MIINIIÑ 15:20

hojalo hiila kesa mohlumi dasa giitolya uyi miibḛr nii hokii ho kacho hokii ho nii mina garsḛr tiinii ho ai hokii.

2 PITAR 2:14

Mohlu ipfyodiipyo amee mi giido, hembyañ lamanii ingyamiigya. Mohlu ingya giida henje alḛr giimanii atañmi. Mohluko diibuñ diinyo kunii ahha mi giido. Bekonii himme atañ!

2 PITAR 2:10

ho luchila hiika atañmi hutiina kalyikabyo ho miibḛr nyadanii ho otority mi khiipa donii. Haro la ho miichi lodahiila henii, mohlu biiso nyama nyapakoyadupa tatukatu bomi,

1 PITAR 5:2

Pinii ka subuñatañ mi kabii tolya nunumika kabii dopaka biniiñ mi, miinamapa miite mapa hojalo miinabiidola miito, hiinyañmohi ka paser miiliñ biichi hiila mapa hojalo miinala hembiidola miitolya,

TAITAS 1:11

mohlumi adukiineyo loda, niimpalukoda mohlu hikha uru atañmi herumiipa biido paser miiliñ biidu paka tonsḛr niilo nii mina mohlu tonsḛr dopa lyila kemanii.

TAITAS 1:7

Bisop pakoda, Pinii kiimi ka kalya biniipa, pahañhansa giikiñma loda; mo hentii siikiñma malo ohepada hadii niikiñma malo ow taniikema malo pasugasu niikiñma malo paser miiliñ biidupa hiila chahi niikiñma,

1 TIMOTI 3:3

ow tangii kema, payagaya kema, hojalo yanu kendo, gasupasu kema, ho tiicko hembyo kema.

1 TIMOTI 2:10

hojalo aya miiju atañ ho, kadiñdopa nyimii huna henjeniika piigomi lukodonii.

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

ROM MIKA POL KA SIITI KENIIÑ 16:2

nunu mohmi Attoh ko larii tolya piniimiyu atañ miichañ ho, ho mohmi hembyuñ tolya niihna mo nunukokii anna donii, niimpalukoda mo abuje miyu mi hembyuñ niipa dane ho ngiimi tiirḛ.

ROM MIKA POL KA SIITI KENIIÑ 6:13

Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.

ROM MIKA POL KA SIITI KENIIÑ 1:29

Mohlu kapane demma miiju poteje giida, diimmah, hemikaminiiñ, kanamapa miiniiñ. Poteje kariñ, miyumenii, gasupasu, surudonyo, nyapakoya luniiñ, mohlu biicho,

MIINIIÑ 20:33

Ngo kone katrḛ rupu mi malo ayyiñmi malo giijugiimyo mi kapyo malyi ke.

LUK KA AYAPUYU 16:14

Parisi atañ, hutii na tiicko hembyo nyatiinii, hikha siika siimi tapa lala, ho mohlu mohmi ngarpa nyatii.

1 TIMOTI 6:10

Niimpalukoda tiicko mika hembyoniiñ amane diimmah ka liima pa lyido; siimika hembyo kopa tonge henje hokii ngonyaneku ho mohluka ahha mi abuje heru miipa siinyada.

LUK KA AYAPUYU 12:15

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”