IPISIA 5:2 - NITI GONTU N.T. (BSI)

² Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

IPISIA 5:2 ပူးပေါင်းရင်းမြစ်များ

JON KA AYAPUYU 13:34

Niti lujubiniiñ ngo nunumi biso, nunu kone anyañ mi hensu tolya; ngiika nunumika henchañho, hiichuli nunu tiirḛ kone anyañ mi hensu tolya.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

KOLOSIA 3:14

Ho hikha siika atañ siimika hahoho hensu niimi atii tolya, niihna kapanemi ngapo tola atii dunii tongepa ahiñ hehiñ dopa.

2 KORINTIA 2:15

Niimpalukoda ngunu Kristo ka narunempyo Pinii pa hiika atañ ko hutiina lyangur kola donya donii ho hiika atañ kotrḛ hutiina lyunya donii,

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

1 KORINTIA 16:14

Hikha nunuka miiniiñ hemi hensu ho miitolya.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

1 PITAR 4:8

Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

2 KORINTIA 8:9

Niimpalukoda no chindo Attoh Jisu ka aroh-aya mi, mo mingo siitii tiirḛ, hojalo ngunu kiipa mo aroh pa lyitii, mohka aroh kopa ngunumi mingo kiine dupa.

1 JON 3:16

Siika silo ngunu chindo hensu niimi, mo ngunupa mohka sango mi hempa bitii hiila; ho ngunu tiirḛ ngunuka sango mi anubarmii atañpa hempa bikiñdo.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

HIBRU 9:26

niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

1 TIMOTI 2:6

huna atohmi tupya naniipa bisu tiinii miilañrupa, myodumyolo aya jaho pyakotii.

IPISIA 4:15

Hiilamapa, jije mi luto hensu biidola, ngunu sambo mondu pake kapa kohe lembo ho mo agiñho huna akho janii, Kristo ko,

1 JON 3:23

Ho siikasi mohka lujubiniiñ, hiikahii ngunu henje kendo mohka Oho Jisu Kristo ka armyañ mi ho kone anyañmi hensu kendo, mohka ngunumika lujubiniiñ hiilyañ.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

1 TESOLONIA 4:9

Hojalo anubarmii mika hensu nii piigoho nunu kone lotrḛ keko dopa lyima, niimpalukoda nunu atoh loda Pinii lo luko kotii niihtañ pana kone anyañ hensu kendonii;

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

HIBRU 9:23

Hiikohopa siimi dariiganda ka drih atañka kapu atañmi siika miijulo darii miidupa lyido, hojalo dariiganda ka drih atañ siika atañ mitrḛ ayaya membi siinyatii atoh atohpa.

IPISIA 3:19

ho chinke nendupa Kristo ka heniiñmi niihna chilami abuyadonii, niimpalukoda nunumi hikha Pinii ka henju mi poteje giike nendupa.

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

IPISIA 5:25

Millo atañ, nunuka mihie atañmi hento, niihtañpa Kristo gyoliñkonii mi hendu ho atohmi mohlupa hempa siibitii,

1 KORINTIA 5:7

Aseto khu ipomi ho nunu niti aphu pa lyikiñ doke, nunu jije ipo miiyomanii hiilyañ kendo. Niimpalukoda Kristo, ngunuka impobiiniiñ dituñ ka subuñ, membi tiiku.

ROM MIKA POL KA SIITI KENIIÑ 4:25

humina shiidopa miitiinii ngunuka palle kopa ho turiturku ku ngunumi luderbidupa.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

ROM MIKA POL KA SIITI KENIIÑ 8:37

Ma, hikha siika drih siimi ngunu pamiñ tiiku mohkiilo huna ngunumi hendo nii.

ROM MIKA POL KA SIITI KENIIÑ 15:16

Jisu Kristo ka miira pa lyila Midomiyu atañ ko nyibu ka miigomi Pinii ka aya puyu mi ludupa, niimpalukoda Midomiyu atañka biniiñ mi larii ladopa, Darii Yajiyallo lo darii miibiidola.

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

IPISIA 1:4

mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

IPISIA 5:15

Hendi nyatolya hokoda niihtañpa nunu indu, chimanii miyu hiilyañ mapa hojalo chila hiilyañ,

PILIPIA 4:18

Ngo poteje ngiika injomi labiitiiku, ho abuyapa; ngiikii potedoku, Ipaproditas mika nunuka ahmiñayiñ bilii niimi lariikiile, narunempyo biniiñ hiilyañdo, membiniimi lariitii ho Pinii mi hempyo miipatii.

HIBRU 8:3

Niimpalukoda koneabi bukuñ nyibu mi ahmiñayiñ ho membi niipa kahetii; hopa siika nyibu tiirḛ hang drih ako bidupa loda lyitii.