IPISIA 4:9 - NITI GONTU N.T. (BSI)

⁹ (Lubiidola, “Mo chatiiku,” nii hiisa niimi siika luniiñsi hojalo mo hiira totiiku kiiddiapiñ daka liidi dalyiho?

IPISIA 4:9 ပူးပေါင်းရင်းမြစ်များ

JON KA AYAPUYU 3:13

Kone hetḛr dariiganda ho chama hojalo mo kontiisii huna dariiganda hokii totiinii, miyu ka Oho.

METHU 12:40

Niimpalukoda Jona ngiiyyi ka erre ho allo lohiñhe ho ayoh yohiñhe dotii, hii chulipa miyu ka Oho tiirḛ allo lohiñhe ho ayoh yohiñhe kiiddi uraho dokiñdo.

JON KA AYAPUYU 6:33

Niimpalukoda Pinii ka yatañ hiike dariiganda hokii todonii, ho sango bido dohadolo mi.”

HIBRU 2:9

Hojalo ngunu Jisu mi kapado, humina arche hepa miidopopi mi atu yadopa miitiinii, tatukatu ka agiñho tayyiñbyopa agiitii khiibii dola niimpalukoda shiiniiñ ka heru mika henko hopa, niimpalukoda Pinii ka aroh-aya kopa mohmi shiiniiñ mi henka kiine dupa kone abipa.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

HIBRU 2:7

No mohmi arche hepa miidopopi atañmi atu yadopa miitii, no mohmi tahiñbyopa mi agiitii tatukatu ho khiiniiñ ka agiñho,

JON KA AYAPUYU 8:14

Jisu lusitii, “Ngo atoh atoh hakipa lyisu dojalo, ngiika pyakonii jijeke, niimpalukoda ngo chindo ngo nohkii ahnii ho ngo no inkiñdo, hojalo nunu chima ngo nohkii ahnii malo ngo noh inkiñdo.

JON KA AYAPUYU 6:62

Hokoda nunu matiirḛ miyu ka Oho mi mohka kapyo duko ho chala dopa kappa doko dano?

JON KA AYAPUYU 6:58

Siika sike yatañ niihna dariiganda hokii totiinii, aba atañka diila lalaka shiiniiñ chuli ma; huna siika yatañ siimi diichinii ayu dahepa turkiñdo.”

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

JON KA AYAPUYU 6:41

Ho Jew atañ mohmi budubudu lunyatii, niimpalukoda mo lutii, “Ngo yatañ dariiganda hokiika tonii.”

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;