IPISIA 4:16 - NITI GONTU N.T. (BSI)

¹⁶ hukohona hikha apo, giidiñdonii ho nyudiñtiinii tongepa kapane mitumi nohkiina lindonii, niida hakhu kone abi aya pa miigo miichi, apo mi sandopa miido ho atoh atoh hensu ho sanchado.

IPISIA 4:16 ပူးပေါင်းရင်းမြစ်များ

KOLOSIA 2:19

ho Akhojami ya gabii mapa, nii hokiina hikha apo hii, sangii donii ho nyudiñ tiinii tongepa hiika giidiñ siiniiñlo ho ahro atañlo, sancha da sancha naniiñlo Pinii kokii.

JON KA AYAPUYU 15:5

Ngo rosannii ke, nunu halloh atañ ke. Hu ngiiko giigela du, ho ngo mohko, hiika hii mo ahee abuje hikiñdo, niimpalukoda ngiiko hokii giisa tola nunu hang miila kemake.

KOLOSIA 2:2

mohluka ahha mi haro kiinedupa niimpalukoda mohlu hensu ho tongepa nyudiñ ladopa, hikha mingo mi dokenendupa chimbiidola Pinii ka michilamanii mi, Kristo kiimi,

IPISIA 4:12

piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

1 KORINTIA 13:13

Hopa henje, hentiñ, hensu dokiñdo, siika hinge hokii; hojalo siika sokii kahe jahii hensu ke.

IPISIA 4:15

Hiilamapa, jije mi luto hensu biidola, ngunu sambo mondu pake kapa kohe lembo ho mo agiñho huna akho janii, Kristo ko,

1 TIMOTI 1:5

hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

PILIPIA 1:9

Ho siikasi ngiika kuniiñ ke nunuka hensunii abuyaya ho abuyaya dokiñcho, chila ho chilananiiñ agiñho,

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

IPISIA 3:7

Siika ayapuyu silo ngiimi miitii miihoniipa Pinii ka aroh-aya laka ahmiñayiñ lo nii mina ngiimi miigomiiniipa bitiinii mohka harchichikelo.

IPISIA 1:4

mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

1 JON 4:16

Hopa ngunu chindo ho henjedu Pinii ka ngunupa heniiñmi. Pinii hensunii, ho hii huna hensu niimi giige donii Pinii ko giigedo, ho Pinii mohko giigela do.

2 TESOLONIA 1:3

Ngunu nunupa kiirañ Pinii mi payapacho ludopa loda lyido, anubarmii atañ, si miisa niisuta, niimpalukoda nunuka henje hempḛr uropa sanchala do, ho nunuka hensunii kone anyañ paka heniiñ hii abuyayado.

1 TESOLONIA 3:12

ho Attoh nunumi abuyaya ho poteje koneanyañ mika hensuniimi dopa miine do ho hikha miyu atañmi, niihtañpa ngunu nunumi hendu,

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

1 KORINTIA 8:1

Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

ROM MIKA POL KA SIITI KENIIÑ 12:4

Niimpalukoda apo kone ho abuje hakhu giido ngunuko, ho hikha hakhu ka miijuluju ahiñ siima ke,

1 KORINTIA 10:17

Niimpalukoda hiiko yatañ pere sii dosu donii, ngunu hutiina abuje danii apo kone sii, niimpalukoda ngunu hikha yatañ pere mika diibonii.