IPISIA 4:13 - NITI GONTU N.T. (BSI)

¹³ nii dahepa ngunu hikha ahhapuhe paka giiniiñ mi giitema henjeho ho Pinii Oho ka henju mi chintema, miyupa hengḛr tama, Kristo kane henjupa hentema;

IPISIA 4:13 ပူးပေါင်းရင်းမြစ်များ

KOLOSIA 1:28

Mohmi ngunu gyukodu, luluñ du miyu kone abimi ho tonsḛr du miyu kone abimi hikha chilalo, niimpalukoda ngunu miyu kone abimi Kristo ko hengḛr dopa kakiñ dupa.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

IPISIA 4:5

Attoh kone, henje kone, baptisma kone,

IPISIA 4:3

kiirañ miilyañ siibii dola Yajiyallo hoka tongepaka daniimi chimie hoka gadiñ siitola doniimi.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

KOLOSIA 2:2

mohluka ahha mi haro kiinedupa niimpalukoda mohlu hensu ho tongepa nyudiñ ladopa, hikha mingo mi dokenendupa chimbiidola Pinii ka michilamanii mi, Kristo kiimi,

HIBRU 5:14

Hojalo apiñ si akha kunii pake, niimpalukoda huna mohka henju mi miinyolunyo giitii kunii ayamanii hokii la aya mi kangukare la miinyo niilo.

PILIPIA 3:8

Jije ludokoda ngo kapanedrih mi alyu siitii luchi niimpalukoda hiimitiirḛ khiiniiñya ngo chingiitii Kristo Jisu ngiika Attoh mi. Mohkiipa ngo heru hembitii alyu siila hikha drih atañmi, ho hiika atañmi ma hiila khiitii, niimpalukoda ngo Kristo mi padupa

1 KORINTIA 14:20

Anubarmii atañ, nunuka heniiñ ho himme chitañ heyo; diimmah ho himme pa lyito, hojalo heniiñ ho hengḛr nyato ku.

IPISIA 1:23

Niina mohka apo, kapane mohko do huna hikha ka hikha rumi pote dopa miidonii.

MIINIIÑ 4:32

Siisi tongepa hutiina henje nyatii nii mohlu ahha puhepa ho yallo konepa giitii, ho kone hetrḛ hang drih atañ mohlukii mi mohkii hiila lumatii, hojalo mohlu amanehemi buyiñ la biitii.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

IPISIA 4:12

piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

IPISIA 2:15

mohka asiialyoho lapatii dapo hoka lujubiniiñ mila miiju atañmi, niimpalukoda mo mohko niti miyu kone puliñ dupa anye ka dasako, hopa chimie dopa miitii,

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

1 KORINTIA 1:10

Ngo nunumi lyarlyi ke, anubarmii atañ, ngunuka Attoh Jisu Kristo ka armyañ pa, hikha nunu taliito ho nunuka punkoho chekho siiyo, hojalo nunu tongepa ahha puhe pa giito ho ahiñpa ayakacho mi kato.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

JON KA AYAPUYU 16:3

Ho mohlu siika simi miikiñdo niimpalukoda mohlu Aba mi chima, malo ngiimi tiirḛ.

METHU 11:27

Kapane drih atañhii Aba ka ngiimi biniiñke, ho kone hetḛr chima Oho mi Aba kontiisii, ho kone hetḛr chima Aba mi Oho kontiisii ho humina Oho kahetiinii hiimi mo kakiñ du.

JON KA AYAPUYU 1:16

Ho mohka poteje doniiñ hokii ngunu miilañru lariitii, aroh-aya ka hahoho aroh-aya.

JON KA AYAPUYU 6:69

ho ngunu henjedu, ho chindo, no Pinii ka Darii kone hiila.”

1 KORINTIA 2:6

Hojalo hangḛr kuniiñ atañ ho ngunu chila mi tiilii du, si siika santuñ ka chila masu jalo malo siika santuñ ka sangii nii boka masu jalo, huna lyukiñ donii.

GELESIA 4:19

Ngiika himme atu atañ, huka agiñ hona ngo wiinga akhii achih chiniibo hiilyañ lyido nii dahepa nunuko Kristo ka henju hiilyañ giitema!

IPISIA 1:17

ngunuka Atoh Jisu Kristo ka Pinii, tatukatu ka Aba, nunumi chilaniika Yajiyallo bikiñcho ho mohka chiniiñmi kakiñ kencho,

PILIPIA 3:10

niimpalukoda ngo mohmi chindupa ho mohka turiturku niika harchichike mi, ho mohka heru mi henche mondupa, mo chuli lyidupa mohka shiiko ho,

2 PITAR 1:4

niilona mo ngunumi bitii kunii mohka khiiniiñ ho hempḛr kahe hemme biniiñmi, niimpalukoda hiikiihiilo nunu hargii nandupa ayamanii hokii niihna dohadolo ho donii helyihembyo kiilo, ho piniihenju mika hembo niipa lyidu kupa.