IPISIA 4:1 - NITI GONTU N.T. (BSI)

¹ Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

IPISIA 4:1 ပူးပေါင်းရင်းမြစ်များ

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

2 PITAR 1:3

Mohka pinii harchichike lo ngunumi bitiiku hikha drih atañmi hiikahii sango la piniisanju, mohka chiniiñlo huna ngunumi gyotiinii mohka atoh tatukatu ho la ayajalo,

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

1 KORINTIA 4:16

Ngo nunumi yarlyi ke, hokoda ngiika miiko miijo montote.

2 TESOLONIA 1:11

Hiiko hopa ngunu kiirañ nunupa kubidu, niimpalukoda ngunuka Pinii nunumi niihpa gyotii hiipa khiikiñcho hiila, ho miipe kencho kapane aya miigo miichi luniiñmi ho henje ka miigomi mohka harchichike lo,

IPISIA 4:17

Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

KOLOSIA 2:6

Nunu Kristo Jisu mi Attoh pa larii tiiku, hopa mohko santo,

1 PITAR 3:9

Diimmah pa diimmah miisi yayo malo cheniipa chesi lyayo; hojalo hiilamapa lyantolya, niimpalukoda siika sipake nunumi gyotiinii, niimpalukoda nunu lyaniiñmi padupa.

2 KORINTIA 6:1

Mohka agiñho tongepa miihiñsa, ho, ngunu nunumi lubii lyike Pinii ka aroh-aya mi danyo pa impa kiine lyayo.

2 JON 1:5

Ho siisi ngo niimi yardu, nyimii, niti lujubiniiñ mi ngo kelyi hiila make, hojalo ngunukoka donii lotuja hokii, hiikahii ngunu kone anyañ mi hensu kendo.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

HIBRU 13:21

nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

PILIPIA 3:14

Ngo uroyapa miichi ahmiñayiñ mi lariidupa, ayoh dalyi hokii ka Pinii ka gyoniiñ mi Kristo Jisu ko.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

IPISIA 4:4

Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

IPISIA 3:1

Siika piigopa ngo, Pol, Jisu Kristo paka patiih tunkonii nunu Midomiyu atañpa,

GELESIA 4:12

Anubarmii atañ, ngo nunumi lyarlyi ke, ngo chulipa lyito, niimpalukoda ngo tiirḛ nunu chuli lyiduke. Nunu ngiimi hang miigya ma;

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

TAITAS 2:10

lapyo kema, hojalo kakiñ siikiñdo kapaneho ho jije lotiimi niimpalukoda kapane drih ho mohlu giikiñdo Pinii ngunuka Lyangur boka tonjumi.

KOLOSIA 4:12

Ipapras, hiikahii nunuka punko hokii kone, miira kone Kristo Jisu kii, nunumi ayahelyi, kiirañ nunumi mohka kuniiñ ho hempadu, niimpalukoda nunumi hengḛrla dake nendupa hiila ho hikha Pinii ka henko jaho taliila miidopa.

2 KORINTIA 5:20

Hopa ngunu Kristo ka puyu mika bako binii, Pinii ngunu kiilo mohka yarniiñ mi yardo. Ngunu nunumi yarlyi ke Kristo kii dalyi pa, Pinii ko ahdiñ nyato ku.

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

ROM MIKA POL KA SIITI KENIIÑ 11:29

Niimpalukoda ahmiñayiñ atañla Pinii ka gyoniiñ nyi lugu make.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.