IPISIA 3:8 - NITI GONTU N.T. (BSI)

⁸ Ngiimi, lusudokoda ngo atujasu hikha piniimiyu punkoho, siika aroh-aya mi bitii, Midomiyu atañmi tonsḛrkhenyo dopa Kristo ka mechilamanii mingomi,

IPISIA 3:8 ပူးပေါင်းရင်းမြစ်များ

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

1 KORINTIA 15:9

Niimpalukoda ngo kiiniñkonii hopa atu jaku, kiiniñkonii hiila gyoko dupa tiirḛ lyima, niimpalukoda ngo Pinii ka gyoliñkonii mi miihimiireto.

IPISIA 3:16

niimpalukoda mohka mingo tatukatulo mo nunumi alḛrnaniiñ mi bikiñcho mohka Yajiyallo lo miyu ka ura ho,

IPISIA 2:7

niimpalukoda ahlyi niika santuñ ho mohka khiikolamanii aroh-aya helakala ka mingo mi ngunumi kakiñ dupa Kristo Jisu ko.

1 TIMOTI 2:7

Niimpalukoda siika sipa ngiimi kahetii tonsḛrkhenyo niipa ho kiiniñkonii pa (Ngo jije mike lukodunii, Ngo gollu make), Midomiyu atañka tonsḛrbo pa henje la jije nyiho.

1 TIMOTI 1:13

kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

GELESIA 1:16

hempyo biidola mohka oho mi kakiñtii ngiimi, niimpalukoda ngiimi Midomiyu atañka punkoho tonsḛrkhenyo kiine dupa, ngo asiialyo la ai nyimi taka mato,

ROM MIKA POL KA SIITI KENIIÑ 11:33

O niimkane urañ Pinii ka mingo ho chila ho chiniiñ! Niitañ mechilamanii mohka ayakacho mika kaniiñ ho niihtañ lukolamanii mohka lembo!

ROM MIKA POL KA SIITI KENIIÑ 2:4

Malo no helii henga lakiñ doha mohka hiimkane helakala ho yanupa pigiiniimi ho yanuniimi? No chimapo Pinii ka helakala niisi niimi henkur kiine dukupa hiila?

2 TIMOTI 1:11

Niimpalukoda siika ayapuyu pa ngiimi kahetii tonsḛrkhenyo ho kiiniñkonii ho sariipa,

IPISIA 3:19

ho chinke nendupa Kristo ka heniiñmi niihna chilami abuyadonii, niimpalukoda nunumi hikha Pinii ka henju mi poteje giike nendupa.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

ROM MIKA POL KA SIITI KENIIÑ 12:10

kone anyañ mi anubarmii ka henchañho hensuto; kone anyañ mi khiisu tolya.

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

MIINIIÑ 9:15

Hojalo Attoh mohmi lutii, “Inge, niimpalukoda mo ngiika kahenii miinananii ke ngiika armyañ mi Midomiyu ho radde atañka hataho ho Isrel ka oho atañ ko luko kendoke;

PILIPIA 4:19

Ho ngiika Pinii hikha nunuka anna niimi bikiñ doke mohka abuje tatukatu Kristo Jisu kokii.

GELESIA 2:8

(hii huna miigo miitiinii Pitar kii dalyilo mitupipa koniiñ atañka miigo pa ngiikii dalyi lotrḛ miido Midomiyu atañpa),

PILIPIA 2:3

Hang miilyayo atohpa kontii hensu biidola malo hengiñhentii siibii dola, hojalo yanugiibii dola khiibemiyu mi atohmi kayeyapa khiito lya.

IPISIA 3:2

helliido nunu tapatiikudo Pinii ka aroh-aya ngiimika biniiñmi nunupa hiila,

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

JON KA AYAPUYU 1:16

Ho mohka poteje doniiñ hokii ngunu miilañru lariitii, aroh-aya ka hahoho aroh-aya.

IPISIA 3:1

Siika piigopa ngo, Pol, Jisu Kristo paka patiih tunkonii nunu Midomiyu atañpa,

LUK KA AYAPUYU 14:22

Ho miira hii lutii; ‘Tonsḛrbo, niika lungete luniiñmi miitii ke, ho hiira chidii dorañ.’