IPISIA 3:17 - NITI GONTU N.T. (BSI)

¹⁷ ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

IPISIA 3:17 ပူးပေါင်းရင်းမြစ်များ

KOLOSIA 2:7

bugela ho mohko sancha to ho henje ho sanchato, niihtañpa nunumi tonsḛrtii, abuje payapacho lubiidola.

1 JON 4:16

Hopa ngunu chindo ho henjedu Pinii ka ngunupa heniiñmi. Pinii hensunii, ho hii huna hensu niimi giige donii Pinii ko giigedo, ho Pinii mohko giigela do.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

ROM MIKA POL KA SIITI KENIIÑ 5:5

ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

MIHUKAKIÑNIIÑ 3:20

Kato, ngo alyeh ho dake ho padiñdu; hu kone jalo matiirḛ ngiika gyoniiñ mi tapa talyi ho alyeh mi miiko talyi, ngo mohko ahchi ho mo agiñho diibo talyi, mo ngiika agiñho.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JON KA AYAPUYU 14:17

jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

LUK KA AYAPUYU 6:48

mo hiika ude miinii miyu chulike, huna urañpa heliilala, ho yalañ ayoh hoka penchanii; ho yasie tuha jalo, ude mi kiiley tuha biisu jalo, ho hang hiimi abyu lama, niimpalukoda hiikahii hempḛr aya pentii.

METHU 13:6

hojalo danyi chada kiile hiika hiimi bembiido, ho hii liima giima siilyinii hiimi bensiñ datii.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

JON KA AYAPUYU 6:56

Huna ngiika apomi diidonii ho ngiika ai mi tandonii hii ngiiko da, ho ngo mohko.

1 KORINTIA 8:1

Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

1 KORINTIA 3:6

Ngo alinii, Apollos yasie binii, hojalo Pinii sii sanke nensu donii.

2 KORINTIA 13:5

Nunu atohmi henka siito, kaka siito nunu nunuka henje mi gabii tola dasuda hiila. Tenka siito nunu atohmi. Nunu hendḛr siimapo Jisu Kristo nunuko da hiila? nii dahepa hiila tama nunu tenka siiko ho miipelama pa lyido!