IPISIA 2:3 - NITI GONTU N.T. (BSI)

³ Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

IPISIA 2:3 ပူးပေါင်းရင်းမြစ်များ

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

1 PITAR 1:14

Luniiñ tanii himme chuli, talyayo kapyo hoka nunuka chimapaka helyihembyo henjuho,

IPISIA 4:22

Khu henju mi opa toku niihna bilo kapyo sango ka sanju tiinii ho surudonyo dopa miitiinii golluniika kalyikabyo lo,

ROM MIKA POL KA SIITI KENIIÑ 13:14

Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.

ROM MIKA POL KA SIITI KENIIÑ 6:12

Hopa ingyamiigya mi niika lyusanii apo mi sangii kiineyo, niimi mohluka henii mi tadopa.

1 JON 2:16

Niimpalukoda hikha dohadolo hoka donii hii, asiialyo ka muniiñ ho amee ka kalyikabyo ho sango ka hentii siiniiñ si, Aba kokii make hojalo dohadolo kiike.

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

1 KORINTIA 4:7

Niimpalukoda hu kado nunuko hangdrih ponsa yapa? Nunu ko nii do nunuka larii maniiñ, nunu matiirḛ hiimi larii tiikoda, niimpa nunu khansu du hii matiirḛ ahmiñayiñ manii hiilyañ?

ROM MIKA POL KA SIITI KENIIÑ 7:18

Niimpalukoda ngo chindo hang aya ngiiko giima hiila, hiika hii, ngiika asiialyoho. Ngo miinala hensudo niihna miidi konii, hojalo ngo miila ma hiimi.

MAK KA AYAPUYU 4:19

hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima.

ROM MIKA POL KA SIITI KENIIÑ 11:30

Si chulipa niihtañpa nunu ronge Pinii ka luniiñ tamapa dane hojalo siisi aroh mi larii tiiku mohluka luniiñ tama kopa,

ROM MIKA POL KA SIITI KENIIÑ 9:22

Hokoda Pinii matiirḛ, mohka hadii mi kakiñ nando koda ho mohka harchichike mi chinke nena dokoda, mo abuje pigiibiidola hadii ka piichañ mi pyadu dupa ka puniiñmi atiidu,

JON KA AYAPUYU 1:13

hutiina buko tiinii, ai loma malo asiialyo ka henko homa malo miyu ka henko homa, hojalo Pinii kokiila.

2 PITAR 2:18

Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

2 PITAR 2:14

Mohlu ipfyodiipyo amee mi giido, hembyañ lamanii ingyamiigya. Mohlu ingya giida henje alḛr giimanii atañmi. Mohluko diibuñ diinyo kunii ahha mi giido. Bekonii himme atañ!

1 TIMOTI 6:9

Hojalo huna mingo nala hendonii hii tenkalarka ho huhidu, ho gyoh ho, abuje piigoamanii henju ho heru miipanii henju niihna miyu atañmi byagiisako ho pyadu sako ho huhigiidonii.

GELESIA 3:22

Hojalo piniipota si hikha drih atañmi ingyamiigya hiila khiido, niimpalukoda niihna Jisu Kristo mika henje niipa hemme bitiinii hiimi bike nendupa hutiina henje nyadonii.

ROM MIKA POL KA SIITI KENIIÑ 1:24

Hopa Pinii mohlumi kahpa biido mohluka helyihembyo miibḛr nii ahha ho, mohluka apoatañ mi khiisu mapa miiko mohluka punkoho,

1 JON 2:8

Hojalo ngo nunumi niti lujubiniiñ mi kebii lyike, niihna jijenii mohko ho nunuko, niimpalukoda kamo hii impala dokuke ho jije hutoh hii byohu la doku.

MIINIIÑ 14:16

Bilo ka santuñ atañmi mo hikha ganda atañmi mohluka atoh henko indo pa miitii;

ROM MIKA POL KA SIITI KENIIÑ 2:14

Midomiyu atañ dapo nyima siitrḛ dumiñ henjuhii dapo hoka anna niimi miido koda, hiikahii mohlupa dapo pa lyido, mohlukii dapo nyima siijalo.

ROM MIKA POL KA SIITI KENIIÑ 5:9

Hopa, ngunumi lupya bitiiku mohka ai lo, abuyapa ngunumi lyangur tiiku Pinii ka hadii hokii.

ROM MIKA POL KA SIITI KENIIÑ 5:10

Niimpalukoda matiirḛ ngunuka ahha basula darañ ho Pinii ko ngunumi yardiñ bitii ku mohka Oho ka shiiniiñlo, abuyapa, siisi ngunumi yardiñ tiiku, ngunu mohka sango lo lyangur kokiñdo.

KOLOSIA 1:21

Ho nunu, huna ronge kasumapa ho ahha baniipa lyine henjuho, diimmah miiju mi miila,

1 TESOLONIA 4:13

Hojalo ngunu nunumi chima dopa atii tamake, anubarmii atañ, hutiina imila donya dokunii, niimpalukoda nunumi heru madopa khiibe atañka heru henchañho hukiina hentiñ naniiñ nyimanii.

1 TESOLONIA 5:6

Hopa kiije ngunu imila domasa, khiibe atañka miichañho, hojalo kiije ngunu hurola dusa ho hendila dasa.