IPISIA 2:2 - NITI GONTU N.T. (BSI)

² niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

IPISIA 2:2 ပူးပေါင်းရင်းမြစ်များ

METHU 11:19

miyu ka Oho ahbiila diido-tando, ho mohlu ludo, Kato, diiretanche ho owtanga nii, biijokajo myaniiatañ la ingyamiigya atañka ajiñ! Hojalo helananiisi kala giikiñ doke mohka miiniiñ atañlo.

METHU 13:22

Ho tareapya hoka lilonii hiilake; mohlu hiika aguñ mika taniibo, hojalo supuñ mika hena, ho mingo hembyo, ho yoheya drih pachi mika hembyo hii ahla ho aguñmi lara biikoda, ho hii hang ahee higiima.

METHU 13:38

aji luniiñsi dohadolo ke, ho aya kormo luniiñsi raddeganda ka oho atañ; tagurenso luniiñsi diimmah ka oho atañ ke,

MAK KA AYAPUYU 4:19

hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima.

LUK KA AYAPUYU 16:8

Atoh lotiimanii kalyabiiniiñ bomi assañbiido mohka piibi niimi; niimpalukoda siika dohadolo ka oho atañ piibi yado mohluka santuñ ho sandupa hutoh ka oho atañmi hentola.

LUK KA AYAPUYU 22:31

“Saimon, Saimon, kato, Saitan niimi biichi hiila lula doke, niimpalukoda mo niimi kapa lindupa amo chitañ,

JON KA AYAPUYU 12:31

Siisi ke siika dohadolo mika ayakacho kadu, siisi siika dohadolo mika sangii bomi mompa kendo;

JON KA AYAPUYU 13:2

Ho alyiñapiñ diila doho, igii hii Saimon ka oho Judas Iskariot ka ahha ho ahto kula dotii ku, mohmi talubalo kiine dupa hiila,

JON KA AYAPUYU 13:27

Yatañ petu niika hiiba ho, Saitan mohko ahtiiku. Jisu mohmi lutii, “No nii miipa miidu, nyibya miito.”

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 15:19

Nunu matiirḛ dohadolo kiikoda, dohadolo hii henkiñdo mo attoh kiimi; hojalo nunu dohadolo kiima, ngo nunumi kahe tiiku dohadolo hokii, hopa dohadolo hii nunumi kanamapa miido.

JON KA AYAPUYU 16:11

ayakacho kaniiñ ka piigomi, niimpalukoda siika dohadolo mika sangiibo halii kotii.

JON KA AYAPUYU 7:7

Dohadolo nunumi kariñ kemake, hojalo si ngiimi ke kariñ kendonii niimpalukoda ngo ludu mohluka miigo atañsi diimmah hiila.

JON KA AYAPUYU 8:23

Mo mohlumi lutii, “Nunu akañ hokiike, ngo ayoh hokii; nunu siika dohadolo hokii, ngo siika dohadolo hokii make.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

MIINIIÑ 19:35

Ho taun daka babu miyu atañmi lyarlo kiile, mo lutii, “Ipisia daka miyuatañ, niihtañ miyu ho da huna chimanii Ipisia citi hii kahe Artemis piniiude mika kabiinii hiila, ho khiiniiñ yalañ yapuñ hoka huhi niimi?

MIINIIÑ 5:3

Hojalo Pitar lutii, “Ananias, niimpa saitan mi niika ahha ho ahke nela la Darii Yajiyallo mi amuhdu ho kiiddi ka tiicko tange mi atii biidu?

ROM MIKA POL KA SIITI KENIIÑ 12:2

Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

1 KORINTIA 5:10

hikha siika dohadolo si helyihembyo henii hiila make, malo diibuñbo rorenii, malo puchiniimi ka heriinii, hiila koda nunu dohadolo hokii ago limpa dopa lyikiñdo.

1 KORINTIA 6:11

Ho sichuli ke nunu tonge. Hojalo nunu asekokunii, nunu darii miiko kunii, nunu lupya kokunii Attoh Jisu Kristo ka armyañ pa ho ngunuka Pinii ka Yajiyallo ho.

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

IPISIA 1:21

hikha sangiinii bomi kayeyapa ho otority mi ho harchichike mi ho domiñ bomi, ho hikha armyañ mika kayeyapa myaniiñ myantii, siika santuñ so kontii mapa hojalo ahsanii santuñ hotiirḛ;

IPISIA 2:11

Hopa hengka nyato ronge nunu Midomiyu atañ asiialyoho, gyonya kotii mitupikomanii hiila mitupikoniilo, nii mina miitiinii asiialyoho alah lo,

IPISIA 2:13

Hojalo siisi Kristo Jisu ko nunu humina ronge hempḛr adho danenii ahgii tiiku aruñho Kristo ka ai kiilo.

IPISIA 2:3

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.

IPISIA 4:17

Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

IPISIA 4:22

Khu henju mi opa toku niihna bilo kapyo sango ka sanju tiinii ho surudonyo dopa miitiinii golluniika kalyikabyo lo,

IPISIA 5:6

Kone lotrḛ talubalo koyo gollumisu aguñlo, niimpalukoda siikasi siika drih atañ pake Pinii ka hempḛr hadii hii ahtiinii luniiñtamanii oho atañko.

IPISIA 5:8

niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

KOLOSIA 1:21

Ho nunu, huna ronge kasumapa ho ahha baniipa lyine henjuho, diimmah miiju mi miila,

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.

JEMS 1:7

Niimpalukoda hiika miyu hiila henkiñma ahha punye giiniibo, hikha mohka miigo ho hendḛr lama paka miiniibo, hii hang drih Attoh kokii larii todo hiila.

JEMS 4:4

Lotiimanii pukonii atañ! Nunu chimapo dohadolo mika ajiñ niisi Pinii ka ahha-banii pa lyido hiila? Hopa hu jalopa dohadolo mi ajiñ talyi hii atohmi Pinii ka ahha-banii pa miisu do.

1 PITAR 1:14

Luniiñ tanii himme chuli, talyayo kapyo hoka nunuka chimapaka helyihembyo henjuho,

1 PITAR 4:3

Myodu khepa sambii nekuke Midomiyu atañka miiniiñ hiilyañ pa miibii dola, kalyikabyo, helyihembyo, o taniiñ, rukha adu-abiñ, diigiitangii tola haggosonii, ho piigoama puchiniimi ka herii nii hoka saniiñ.

2 PITAR 2:14

Mohlu ipfyodiipyo amee mi giido, hembyañ lamanii ingyamiigya. Mohlu ingya giida henje alḛr giimanii atañmi. Mohluko diibuñ diinyo kunii ahha mi giido. Bekonii himme atañ!

1 JON 3:10

Siika silo kala lakiñdo huna Pinii ka wiinga hiila, ho huna igii ka wiinga: hujalopa miidiko miiniiñmi miima hii Pinii kiima, malo hii huna atohka anubarmii mi hemanii.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

1 JON 5:4

Niimpalukoda niijalopa Pinii lo bukodu dohadolo mi miimiñdu; ho siikasi pamiñniike dohadolo mika miimiñlyi ho, ngunuka henje lo.

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MIHUKAKIÑNIIÑ 13:14

ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 16:17

Kanunii miidopopi mohka paaka mi allyi ho rupu biido, ho hempḛr goro aguñ piniiude hokii lindo, raddeduko hokii, lubiidola, “Siikasi miitii ku!”

MIHUKAKIÑNIIÑ 20:2

Ho mo tabu mi latu biine, hiika ayuhoka tabu mi, huna igii ho saitan nii, ho mohmi ratola atiibiine anyañ nyang jarepa,