IPISIA 2:10 - NITI GONTU N.T. (BSI)

¹⁰ Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

IPISIA 2:10 ပူးပေါင်းရင်းမြစ်များ

PILIPIA 2:13

niimpalukoda Pinii nunuko miigo miila doke, anyeruho heladopa ho mohka hempyo kiipa miigo miidopa.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

HIBRU 13:21

nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

2 KORINTIA 9:8

Ho Pinii nunumi bila kendo kapane lyaniiñ mi abuje dopa, niimpalukoda kiirañ nunuko kapanehemi khepa doke nendupa ho abupa hembyuñ kiinedupa kapane aya miigopa.

IPISIA 4:24

ho niti henju mi giitoku, Pinii kapu ka jije denki ho darii loka puniiñmi.

PILIPIA 1:6

Ho ngo hentiñ do mo huna niiko aya miigo miiri biitii nii miija menda hemi miinedo Jisu Kristo ka allo lohe.

2 TIMOTI 3:17

niimpalukoda Pinii ka miyu mi lyipe kiinedupa, kapane aya miigo miina naniiñpa.

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

2 TIMOTI 2:21

Hujalopa atohmi darii miisu talyi ayamanii hokii, ho mo piichañturla aya miigo miina naniipa lyikiñdo, darii miikunii ho ude ka atoh loka miita naniiñpa, hendila niijalo aya miigo miina naniiñpa.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

IPISIA 1:4

mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

TAITAS 3:14

Ho ngunuka miyu mi chingii kiine tolya aya miigo miiju ho atoh atohmi miilii siidopa, niimpalukoda aniipiida anna laka lyinii mi hembyuñ dopa, ho piigoama pa miike nelyayo.

HIBRU 10:24

ho kiije ngunu hensusa niihtañ pana kone anya mi haro lupa siikiñ donii hensu niiho ho aya miigo atañ ho,

TAITAS 3:8

Luniiñsi jije. Ngo hiila hendo niimi siika drih atañ soya miikañ ari miikiñcho, niimpalukoda hutiina Pinii mi henje nyadonii hendi biidola atoh atohmi miilii siidopa aya miigo atañ so; siika atañsi ayalodake ho miijo dokiñ doke miyu atañpa.

KOLOSIA 3:10

ho niti henjumiiju mi giito, nii mina nitidopa miidonii chiniiñho puniiboka kapupa.

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

1 KORINTIA 3:9

Niimpalukoda ngunu Pinii ka miigo miihiñ ahiñ; nunu Pinii ka aji, Pinii ka ude.

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

TAITAS 3:1

Mohlumi lupa to sangiinii la otority atañ ko tiilii siibi tote hiila, luniiñ taliiniipa, kapane khiiniiñ miigo miidupa henju tote hiila,

1 JON 2:6

hii huna ludonii mo mohka agiñho giigela da hiila hii inniiñ mi mohka inchañ jaho inkiñdo.

METHU 5:16

Si chulipa niika hutoh mitrḛ miyu atañka hataho byohu kiineto, niimpalukoda niika aya miigo miiniiñmi mohlumi kala lala ho niika Aba dariiganda hoka duniimi assañ kiine dupa.

JON KA AYAPUYU 3:21

Hojalo huna jijemi miinya danii hii hutoh ho lindu, niimpalukoda hiimi darii loda kadḛr dopa mohka miiniiñ atañ hii Pinii ka muju ho miido hiila.

2 TESOLONIA 2:17

nunuka ahha mi henjuñ kencho ho hiika atañmi miiko kencho kapane aya miigo ho aguñ pa.

ROM MIKA POL KA SIITI KENIIÑ 8:29

Niimpalukoda humina mo chimpyo tiinii mo bardiñsoyu mitiirḛ bitii mohka oho chuli lyidopa, niimpalukoda mohmi kapyo jaka wiinga bukoniipa miidupa abuje anubarmii atañka punkoho.

MIINIIÑ 9:31

Hopa gyoliñkonii hikha Judia ho Galili ho Samaria ho chimie dotii ho tonge pa sanchatii; ho Attoh mi biiso biidola intii ho Darii Yajiyallo ka hembyuñ kopa hiiko hii abu yaya tii.

2 KORINTIA 5:5

Mo huna siika drih siimi ngunupa miimyo bidonii hii Pinii, huna ngunumi Yajiyallo mi bitiinii chigiiniipa.

1 TIMOTI 5:25

Hiichulipa aya miigo miiniiñ hiitiirḛ didḛrpa kadḛrdo; ho hiika atañhii kadḛr lama dado jalo, mohlu achuñ kotola dola kema.

1 TIMOTI 2:10

hojalo aya miiju atañ ho, kadiñdopa nyimii huna henjeniika piigomi lukodonii.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

GELESIA 6:15

Niimpalukoda hopa mitupipa koniiñmi hangpa khiima, malo mitupipakoma niimi, hojalo niti puliñnii.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

IPISIA 1:1

Pol, Kristo Jisu ka kiiniñkonii Pinii ka henko jaho, Pinii miyu atañmi hutiina lotii nyadonii Kristo Jisu ko:

IPISIA 2:6

ho ngunumi seri tiiku mohka agiñho, ho ngunumi mohka agiñho dariiganda ho dubo dopa miitii Jisu Kristo ko,

IPISIA 2:13

Hojalo siisi Kristo Jisu ko nunu humina ronge hempḛr adho danenii ahgii tiiku aruñho Kristo ka ai kiilo.

IPISIA 2:15

mohka asiialyoho lapatii dapo hoka lujubiniiñ mila miiju atañmi, niimpalukoda mo mohko niti miyu kone puliñ dupa anye ka dasako, hopa chimie dopa miitii,