IPISIA 1:4 - NITI GONTU N.T. (BSI)

⁴ mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

IPISIA 1:4 ပူးပေါင်းရင်းမြစ်များ

METHU 24:22

Ho hiika allo mi matiirḛ tudii dopa miima tiikoda, miyu kone mitrḛ lyangur lakiñ matii; hojalopa kahe konii atañ kiipa allo mi tudii dopa miibitii.

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

METHU 24:31

ho mo mohka miidopopi atañmi hempḛr goropa siirii mubii dola kiiniñ kendo, ho mohlu mohka kahenii atañmi hikha khonchañ hokiimi gyokuñ kendo, yapuñ pache hokii pache dalyi lohepa.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

JON KA AYAPUYU 10:16

Ho ngiikii ponge ya subuñ da, hiika atañhii siika giiri hokiima; ngo mohlumi tiirḛ ahgii kendo, ho mohlu ngiika aguñmi tage kendo. Hopa hiikaho subuñ tonge, subuñsornii konesii dakiñ siidonii,.

JON KA AYAPUYU 15:16

Nunu ngiimi kahe make, hojalo ngoke nunumi kahe tiinii ho bibiilyinii ingela ho ahee hidopa ho nunuka ahee mi giigela dopa; niimpalukoda niijalo nunu Aba mi ngiika armyañ pa kuchi, mohmi nunumi bike nendupa.

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

MIINIIÑ 13:48

Ho Midomiyu atañ siimi tapa lala, mohlu hempyotii ho Pinii ka aguñmi assañtii; ho hempḛr abuje kahekola lyitii henjeniiatañ mi santḛrlamanii sango mi.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

MIINIIÑ 18:10

niimpalukoda Ngo niika agiñho dake, ho miyu kone hetrḛ niimi ayamapa miikiñ make; niimpalukoda ngiikii abuje miyu siika citi so du.”

ROM MIKA POL KA SIITI KENIIÑ 8:33

Hu Pinii ka kahe niimi halii lakiñdo? Siikasi Pinii ke huna lupya bidonii;

1 KORINTIA 1:8

huna nunumi kamikalo lohe turdo atii kendo nii, Attoh Jisu Kristo ka allo ho hang pa hansa giima dopa.

GELESIA 5:13

Niimpalukoda nunumi dasḛrkiine dupa hiila gyotii, anubarmii atañ; nunuka dasḛr mi nunuka asiialyo ka miigopa miina nayo, hojalo hensuniilo kone anya ka miira pa lyisuto.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

IPISIA 5:27

niimpalukoda mo gyoliñkonii mi atohmi bisudupa hiila kapyo, hang pahañhansa malo siikuñsiiri giimapa malo hiitañ hang drih, niimpalukoda mohmi darii ho hang ayamanii kapamadopa.

PILIPIA 2:15

niimpalukoda nunumi pahañhansa ho lusagiima dopa, Pinii ka oho atañ hang haliisanii giilyayo siika sulyi ho lulyilume santuñ ka punko so, huka punko hona nunu hutoh chikañ byohu donii dohadolo so,

KOLOSIA 1:22

mo siisi yardiñ liitii ku apo ka asiialyo lo mohka shiiniiñlo, nunumi darii ho pahañhansa ho mohka hataho khiilii saniiñ giima pa kakiñ ladopa,

KOLOSIA 2:2

mohluka ahha mi haro kiinedupa niimpalukoda mohlu hensu ho tongepa nyudiñ ladopa, hikha mingo mi dokenendupa chimbiidola Pinii ka michilamanii mi, Kristo kiimi,

KOLOSIA 3:12

Hopa giinyato, Pinii ka kahenii kone hiilyañ, darii ho heniiñja, aroh siiniiñ mi, helakala, chimeeñ, yanu, ho ahhakeyiñ,

1 TESOLONIA 3:12

ho Attoh nunumi abuyaya ho poteje koneanyañ mika hensuniimi dopa miine do ho hikha miyu atañmi, niihtañpa ngunu nunumi hendu,

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

1 PITAR 1:2

Pinii Aba ka kahenii ho hemmyo kuniiñ ho Yajiyallo loka darii miikuniiñ Jisu Kristo ka luniiñ tadopa ho mohka ai loka pippu kuniiñ: Aroh-aya la chimie nunuko abuyapa dokiñcho.

1 PITAR 1:20

Mohmi kaye kapyo tola dotiiku dohadolo mika liidi rammarampa hojalo kakiñtii kamikalo myodu jaho niimpalukoda nunukiipa.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

2 PITAR 3:14

Hopa, heniiñja, nunu siikasipa kalyado, hiilo kapakodupa miito hang diigolugo giima dopa malo pahañ hansa giimadopa, ho chimie ho.

1 JON 4:16

Hopa ngunu chindo ho henjedu Pinii ka ngunupa heniiñmi. Pinii hensunii, ho hii huna hensu niimi giige donii Pinii ko giigedo, ho Pinii mohko giigela do.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.