IPISIA 1:3 - NITI GONTU N.T. (BSI)

³ Pinii ho Atoh Jisu Kristo ka Aba mi assañsa, huna ngunumi Kristo ko lyantii nii kapane yajiyallo ka lyaniiñ mi dariiganda ho,

IPISIA 1:3 ပူးပေါင်းရင်းမြစ်များ

LUK KA AYAPUYU 2:28

mo Jisu mi mohka lapo ho gola lala ho Pinii mi assañbiido ho lutii,

JON KA AYAPUYU 14:20

Hiika allo ho nunu chinkiñdo ngo Aba ko da hiila, ho nunu ngiiko, ho ngo nunuko da hiila.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

ROM MIKA POL KA SIITI KENIIÑ 12:5

Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

ROM MIKA POL KA SIITI KENIIÑ 15:6

ahiñpa nunu aguñ gongepa Pinii mi assañ dupa ho Attoh Jisu Kristo ka Aba mi.

1 KORINTIA 1:30

Mohke nunuka sango sanginanii Kristo Jisu ko, humina Pinii ngunuka chilananiiñ pa miitiinii, ngunu mika denkigiiko ho dardḛkunii ho tupyabiniiñ ho;

1 KORINTIA 12:12

Niitañpa apo konesii ho abuje hakhu giidu, hikha hakhu atañ apokii, abuje dosu dojalopa, hii apo konesii, hopa hii chuli Kristo kotrḛ.

2 KORINTIA 1:3

Payapacho Pinii ho ngunuka Attoh Jisu Kristo ka Aba mi, aroh ka Aba ho hikha hembyuñ niika Pinii,

2 KORINTIA 11:31

Pinii ho Attoh Jisu ka Aba, huna ayu dahepa lyankiñ donii, chindo ngo golluma hiila.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

GELESIA 3:9

Hokoda, huna henje ka miyu nii lyanko kendo Abraham ka agiñho hukiina henje giidonii.

IPISIA 1:10

henju niihtañ myodu ka hikha ahlyi kuho, hikha drih atañmi mohko tongepa lyigii kendo, drih atañ dariiganda hoka la kiiddiapiñ hoka doniiñ mi.

IPISIA 1:17

ngunuka Atoh Jisu Kristo ka Pinii, tatukatu ka Aba, nunumi chilaniika Yajiyallo bikiñcho ho mohka chiniiñmi kakiñ kencho,

IPISIA 1:20

nii mina mo miipetiinii Kristo ko mohmika shiiniiñ hokiika turiturku dopaka miilyiho ho mohmika mohka lahbi dalyi hoka dudo paka miilyiho dariiganda ka duko atañ ho,

IPISIA 2:6

ho ngunumi seri tiiku mohka agiñho, ho ngunumi mohka agiñho dariiganda ho dubo dopa miitii Jisu Kristo ko,

IPISIA 3:10

niimpalukoda gyoliñkonii lo Pinii ka abuje chila mi siisi chindopa miike nendupa miidopopi sangiinii atañla dariiganda hoka tamo atañmi.

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

PILIPIA 2:11

ho aguñ gonge abi khako kendo Jisu Kristo Attoh hiila, Pinii Aba mika assañ naniiñpa.

HIBRU 8:5

Mohlu dariiganda ka dariinenchañ ka kapu ho yallo misu miilyañ mondonii; niimpalukoda Mose ka tabyoude mika pempa miilyiho, mo Pinii lo luko kotii, lubiidola, “Kato no kapane drihmi niimika putoo hoka kakiñniiñ hiilyañ jaho miito.”

HIBRU 9:23

Hiikohopa siimi dariiganda ka drih atañka kapu atañmi siika miijulo darii miidupa lyido, hojalo dariiganda ka drih atañ siika atañ mitrḛ ayaya membi siinyatii atoh atohpa.

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,