IPISIA 1:19 - NITI GONTU N.T. (BSI)

¹⁹ ho niihtañ lukolamanii mohka harchichike ngunu ko do hutiina henje nyadonii, mohka hempḛr kahe tamo miigo miiniiñ hiilyañ

IPISIA 1:19 ပူးပေါင်းရင်းမြစ်များ

PILIPIA 2:13

niimpalukoda Pinii nunuko miigo miila doke, anyeruho heladopa ho mohka hempyo kiipa miigo miidopa.

IPISIA 3:20

Siisi mo huna harchichike lo miigo miidonii ngunuka ura ho miila kendo siimi tiirḛ hempḛr abuyapa ngunuka kuniiñ malo heniiñmi hentola,

KOLOSIA 2:12

ho nunu mohka agiñho alie kotiiku baptisma lakoho, hukohona nunu turiturku tiikunii Pinii ka miigo miiniiñ mika henje agiñho, humina mo shiinii hokii turdo miitiinii.

2 KORINTIA 4:7

Hojalo ngunu ko siika alḛrdrih si dekiñ piichañ ho do, hiila kakiñ naniiñpa luchilamanii harchichike hii Pinii kiike ho ngunu kiimake.

KOLOSIA 1:29

Siika sipa ngo khendu, hikha ngiika harchichikelo niilona mo ngiika ura ho tamoloda miila donii.

IPISIA 6:10

Kamijapa, Attoh ko alḛrpa dato ho mohka harchichikelo.

IPISIA 3:7

Siika ayapuyu silo ngiimi miitii miihoniipa Pinii ka aroh-aya laka ahmiñayiñ lo nii mina ngiimi miigomiiniipa bitiinii mohka harchichikelo.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

2 TESOLONIA 1:11

Hiiko hopa ngunu kiirañ nunupa kubidu, niimpalukoda ngunuka Pinii nunumi niihpa gyotii hiipa khiikiñcho hiila, ho miipe kencho kapane aya miigo miichi luniiñmi ho henje ka miigomi mohka harchichike lo,

1 TESOLONIA 1:5

niimpalukoda ngunuka ayapuyu nunuko aguñpa kontii ahma, hojalo harchichike ho Darii Yajiyallo ho poteje luniiñtalii niika agiñho. Nunu chindo ngunu niihtañ miyu hiila kakiñ siitii nunuka punkoho nunu kiipa.

2 KORINTIA 5:17

Hopa, mi kone matiirḛ Kristo ko dado kukoda, mo niti puniiñ ke; khu hii lyune kuke, kato, niti doku.

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

JON KA AYAPUYU 3:6

Niihna asiialyo lo buko tiinii hii asiialyo ke, ho niihna yajiyallo lo buko tiinii hii yajiyallo ke.

PILIPIA 3:21

huna ngunumi miigu kendonii khiima nii ahuapo hokii mo chuli tatukatu apopa, hiika harchichike lo nii lona mohmi hikha drih atañmi mohka ura ho dopa miilii giidonii.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.