IPISIA 1:13 - NITI GONTU N.T. (BSI)

¹³ Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

IPISIA 1:13 ပူးပေါင်းရင်းမြစ်များ

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

ROM MIKA POL KA SIITI KENIIÑ 4:11

Mo mitupikonii mi kagiñnaniipa lariitii malo denki ke hiila tiiho kotii, nii mina mo henjelo giitiinii mohka mitupipakoma rampa. Hiilaka lyiniiñsi mohmi hikha dadoka aba pa miidupa hutiina henje nyadonii mitupipakoma siitrḛ ho huna mohlumi denki hiila khiidonii,

TAITAS 2:11

Niimpalukoda Pinii ka aroh-aya hii ahtii hikha miyu atañka sangopyako pa,

GELESIA 3:14

Kristo Jisu ko Abraham ka lyarniiñ hii ahkiñcho Midomiyu atañ ko, niimpalukoda ngunu Yajiyallo ka hemme niimi larii dupa henjelo.

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

JON KA AYAPUYU 14:26

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

JON KA AYAPUYU 1:17

Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii.

LUK KA AYAPUYU 24:49

Ho kato, ngo ngiika Aba ka hemme niimi nunuko kiiniñ biilyi ke; hojalo citi ho dutolya, niidayepa nunumi haho hokii harchichike mi agiitama.”

1 PITAR 2:10

Ronge nunu Pinii ka miyu pa lyimane hojalo siisi nunu Pinii ka miyu kuke; ronge nunu aroh mi lariimane hojalo siisi nunu aroh mi larii tiiku.

ROM MIKA POL KA SIITI KENIIÑ 6:17

Hojalo Pinii mi payapacho lusa, niimpalukoda nunu huna ronge ingyamiigya ka miirapa danenii, ahha jijelo luniiñtanii bopa lyidoku tonsḛr nii chulipa nii mina nunu tapa tiiku nii,

MIINIIÑ 1:4

Ho mohluka agiñho dabodala mo mohlumi lutii Jerusalem hokii ingu lyayo, hojalo Aba ka hemme biniiñ mi kalya tolya, nii mina, mo lutii nii, “nunu ngiiko hokii tapa tiinii,

JON KA AYAPUYU 15:26

Hojalo niidana Hembyuñnii ahchinii, humina ngo nunuko Aba kokii kiiniñ talyinii, jije ka Yajiyallo mitrḛ, huna Aba kokii lindonii, mo ngiipa haki lyibi kendo;

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

LUK KA AYAPUYU 11:13

Ho nunu matiirḛ diimmah siidotrḛ, chindo niihtañpa aya ahmiñayiñ nunuka wiinga atañmi bikiñdo hiila, niimkane abu dariiganda daka Aba bikiñdo Darii Yajiyallo huna mohmi kuchinii!”

MIHUKAKIÑNIIÑ 7:2

Ho ngo kapato miidopopi koneya chadopa danyi chako dalyi hokii, turnii Pinii ka jhipponiimi biitola, ho hempḛr goropa gyobiido hiika piilye miidopopi atañmi humina bitola dotiinii harchichike mi kiiddiapiñ la siimie nyimi ayamapa miidopa,

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

HIBRU 2:3

niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,

2 TIMOTI 3:15

ho niihtañ no himme jaho hokii chiribiitii dariiaguñ ketolaka doniimi niihna luko lakiñ donii sangopyako niimi Jisu Kristo mika henje giiko hopa.

2 TIMOTI 2:15

Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.

IPISIA 4:21

helliido nunu mohka piigo mi tapa tiikudo ho mohko tonsḛr kotiido, niihtañpa jije hii Jisu ko giido.

2 KORINTIA 6:7

lotiipa lubiidola, ho Pinii ka harchichike; denki ka dankho panyi biitola lahbi alah ho lahchi alah pama;

JON KA AYAPUYU 3:33

huna mohka pyakoniimi talii donii mohko hiimi miiho tola doku, Pinii jije hiila.

JEMS 1:21

Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.