HIBRU 9:28 - NITI GONTU N.T. (BSI)

²⁸ hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

HIBRU 9:28 ပူးပေါင်းရင်းမြစ်များ

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

ROM MIKA POL KA SIITI KENIIÑ 6:10

Shiiniiñ mohka shiiniiñ hii ingyamiigya ho mo shiitii, hikha ronge pada, hojalo sango mohka saniiñ mo Pinii pa sando.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

ROM MIKA POL KA SIITI KENIIÑ 8:23

ho puliñnii kontiima, hojalo ngunu atoh tiirḛ, huko hona Yajiyallo ka ahee hipyoja donii, ura ho herula ngunu kalya du oho pa chiko nyadupa, ngunuka apo mika tupyabiniiñ mi.

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

MIINIIÑ 1:11

ho lutii, “Galili daka miyuatañ, niimpa nunu dala yapuñ ho kala da? Siika Jisu, humina nunukokii dariiganda ho chagii nekunii, ahkur kendo si chulipa niihtañpa nunu mohmi dariiganda ho chadopa kappatii.”

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

METHU 26:28

Niimpalukoda Siikasi ngiika hemmesiiniiñ ka ai ke, abuje miyuatañ paka bipa biniiñ mohluka ingyamiigya mi hello bina naniipa.

2 PITAR 3:12

kalyala dula Pinii ka ahsanii allo mi nyibya ahdo kupa, nii pana yapuñmi lyakiñ donii ho jeyi kendonii, ho drih atañ yamu agiñho jikiñdo!

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 KORINTIA 15:54

Niida lyula sanii mi lyula sama niiho atii talyi, ho shiila sanii mi shiila sama niiho, ho ahkiñdo siisi ka luniiñ atañ keto laka donii hii: “Shiigo mi pamiñniilo aniiñbiine.”

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

JON KA AYAPUYU 14:3

Ho ngo ila ho nunupa duko miimyo tela, Ngo hiira ahkur talyi ho ngo nunumi ingii talyi, niimpalukoda noh ngo da ho nunu miilañmi dagii dupa.

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

HIBRU 4:15

Niimpalukoda ngunuka bukuñ nyibu hiitañ make huna ngunuka ajjuho ngunumi kalyañ lakiñ manii, hojalo kone humina kapane drih ho tenka tiikunii ngunu mika tenchañ ho, hojalo hang ingyamiigya giimanii.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

2 TESOLONIA 2:1

Siisi ngunuka Attoh Jisu ka ahsa niimi ho ngunuka dakuñ saniiñmi mohmi kapa dupa, ngunu nunumi yardu, anubarmii atañ,

1 KORINTIA 1:7

niimpalukoda nunumi yajiyallo ka ahmiñayiñ ho papo kiine diila hiila, ngunu Attoh Jisu Kristo mika kakiñ siiniiñmi nunuka kalyala doho;

ROM MIKA POL KA SIITI KENIIÑ 5:15

Hojalo binyo paka ahmiñayiñ biniiñ hii pallenii hiilyañ make. Niimpalukoda matiirḛ abuje shiitii miyu koneka palle kopa, abuyapa Pinii ka aroh-aya hii do ho binyo paka ahmiñayiñ biniiñ miyu kone Jisu Kristo ka aroh-aya kopa, abujemi bitii.

HIBRU 9:25

Hiilamaje mo atohmi bitie bitie bisu pama, niihtañpa bukuñ nyibu Darii Lengo ho ahdu anya menda mi ai biitola hiitiirḛ mohka atoh ai ma;

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

ROM MIKA POL KA SIITI KENIIÑ 3:25

humina Pinii atii tiisi bitiinii mohka ai lo bisi bidupa, henje lo larii kiinedupa. Siikasi Pinii ka denki mi kakiñ dupa, niimpalukoda mohka piniipigiiniiho mo kapyo hoka ingyamiigyanii atañmi impo biitiiku;

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

HIBRU 2:3

niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,

HIBRU 5:9

ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

HIBRU 7:27

Mo anna matii, bukuñ nyibu atañ hiilyañ, kiirañ membi nii, kapyopa mohka atoh ingyamiigyanii atañpa ho hiikahiiba ho miyu atañpa; mo siika atañmi ronge pada miida tii mo atohmika bipa siilyi ho.

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.

HIBRU 12:14

Hikha miyuatañ agiñho chimie mi meto, ho darii hii nyimapa kone hetrḛ Attoh mi kapa lakiñma.

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.