HIBRU 9:15 - NITI GONTU N.T. (BSI)

¹⁵ Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

HIBRU 9:15 ပူးပေါင်းရင်းမြစ်များ

ROM MIKA POL KA SIITI KENIIÑ 8:30

Ho humina mo bardiñsoyu tiinii mo hiimi gyoduta; ho humina gyotiinii hiimi lupyatiiku; ho humina lupyatiikunii mo hiimi tatukatu kiine duta.

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

HIBRU 9:12

mo ronge pada hikha rupa Darii Lengo ho ahtii, siibiñ la siih atu nyika ai biito lamapa hojalo mohka atoh ai mi, hiilo ayudahepa tupyabiniiñ mi patiiku.

HIBRU 10:36

Niimpalukoda nunu pigii niimi anna doke, niimpalukoda nunu Pinii ka henko jaho miidupa ho lariidupa hemme biniiñmi.

1 TIMOTI 2:5

Niimpalukoda Pinii kone sii dusu dunii, ho gondu konesii dusu dunii Pinii la miyuatañ nyika punkoho, miyu Kristo Jisu,

HIBRU 12:24

ho Jisu ko, niti hemmesiiniiñ ka punko lubibo, ho ai pippu niilo niihna Abel ka ai mi hentola uroya aroh-aya lo ludonii.

HIBRU 7:22

Si Jisu mi lyigiitii ayaya hemmesiiniiñ ka gyandimi chigii niipa.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

HIBRU 13:20

Siisi chimie ka Pinii huna hiira shiiniiñ hokii turdo pa miitiinii ngunuka Attoh Jisu mi, hempḛr kahe subuñsornii, ai loka ayudahe paka hemmesiiniiñ,

ROM MIKA POL KA SIITI KENIIÑ 5:6

Ngunu ka ajju laka do ho, shiidi ko jaho Kristo shiibitii piniimika heriimanii atañpa.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

HIBRU 6:13

Niimpalukoda Pinii ka Abraham mika hemme lyiho, mohmi kayeya hemme hiita naniiñ nyima lyinii, mo atohmi hemme hiita nantii,

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

HIBRU 2:14

Hopa himme atañ asiialyo la ai nyi giido, mo atoh loda hiichulipa henju ahiñ jami giido, niimpalukoda shiiniiñlo mo pyadulodupa mohmi huko hona shiinii ka harchichike hii giidonii, hiikahii, igii,

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

HIBRU 8:13

Niti hemmesiiniiñ ho lusu dokoda mo kapyo mi gordu akuma lukiñdo. Ho niihna gordu akumanii ho khu dokunii hii lyupa kendoku.

TAITAS 3:7

niimpalukoda ngunumi lupya dukupa hiila mohka aroh-aya lo ho pensikoniiñ pa lyidoku santḛrlamanii sango ka hentiñ ho.

TAITAS 1:2

santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

METHU 19:29

Ho kone abi huna ude malo anuabañ malo barmii malo aba malo annii malo himme malo ganda nencha, ngiika armyañ kiipa apatiinii, hii lange abuyapa pasi kendo, ho santḛrlamanii sango mi kappa kendota.

1 JON 2:25

Ho siikasi niihna mo hemme bitii nii ngunupa, santḛrlamanii sango.

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

HIBRU 11:13

Hikha siika atañsi henje ho shiitii, niihna hemme bitii nii hiimi kapa mapa, hojalo hiimi kapa tela ho hiimi adho hokiila ayahelyi lute hela, ho hiila chintii hekula mohlu kiiddiapiñ so nyibo ho dulya lasu hiila.

2 TESOLONIA 2:14

Siika sipa mo nunumi gyotii ngunuka ayapuyu kiilo, niimpalukoda nunumi labii kiine dupa ngunuka Attoh Jisu Kristo ka tatukatu mi.

ROM MIKA POL KA SIITI KENIIÑ 6:23

Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

HIBRU 9:16

Niimpalukoda nohna shiihiñ luniiñ hii donii, huna hiimi lutii nii hiika shiilyi ko hiimi luliñ duku.

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

ROM MIKA POL KA SIITI KENIIÑ 9:24

ngunu mitrḛ humina gyotii nii, Jew atañ hokii kontii mapa Midomiyu hokii tiirḛ?

ROM MIKA POL KA SIITI KENIIÑ 5:10

Niimpalukoda matiirḛ ngunuka ahha basula darañ ho Pinii ko ngunumi yardiñ bitii ku mohka Oho ka shiiniiñlo, abuyapa, siisi ngunumi yardiñ tiiku, ngunu mohka sango lo lyangur kokiñdo.

ROM MIKA POL KA SIITI KENIIÑ 5:8

Hojalo Pinii ngunumi mohka heniiñmi kakiñtii ngunuka ingyamiigya laka darañho Kristo mi ngunu pa shiibi kiine biidola.

LUK KA AYAPUYU 18:18

Ho sangiibo mohmi takatii, “Denki Tonsḛrbo, niihpe ngo miido koda santḛrlamanii sango kappa kendo nii?”

MAK KA AYAPUYU 10:17

Ho mo myodi impa irikele, miyu kone haratii ho mohka hataho liibañ khangatii, ho mohmi tahiitii, Denki tonsḛrbo, nii miido kodape ngo santḛrlamanii sango kappa kendonii

METHU 25:36

Ngo arapa dato ho no ngiimi pulye agii, ngo achihla doto no ngiimi kalyañ ha, ngo patiihude ho duto ho no ngiiko ahhii.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

METHU 22:3

ho mo mohka miira atañmi kiiniñtii hutii mina mihie lalyi hoka diigo diisa hiila gyotiinii hiimi gyobii hiila; hojalo mohlu ahnya matii.

LUK KA AYAPUYU 22:20

Ho hii chulipa diila lala turla mitrḛ, lubiido, Siika turla si nunu paka bipa limbi niike niti hemmesiiniiñ ngiika ai ho.

MIINIIÑ 20:32

Ho siisi ngo nunumi Pinii mi lubii lyikuke ho mohka aroh-aya aguñlo, niihna nunumi sangii kendonii ho nunumi pendokupa hikha nunumi hutii mina darii miitii kunii.

GELESIA 3:20

Siisi punko luniiñ kone mi abuyapa dakiñdo; hojalo Pinii kone sii.

HIBRU 6:15

Ho hiila Abraham, yanupa kalyala dutii, hemme biniiñ mi kappatii.

HIBRU 10:34

Niimpalukoda nunu arohtii patiihtunko nii atañmi, ho nunu hempyo biidola taliimontii nunuka gandanencha mika robii lyiho, niimpalukoda nunu chintii nunupa siimi ayaya gandanencha do ho ayudahe dokañ saniiñ.