HIBRU 9:14 - NITI GONTU N.T. (BSI)

¹⁴ niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

HIBRU 9:14 ပူးပေါင်းရင်းမြစ်များ

HIBRU 10:22

kiije ngunu ahdesa jije ahha ka agiñho poteje jijeka henje giitola, ngunuka ahha mi dariipa pisse giila kacho henju hokii ho ngunuka ahuapo mi darii yasie lo hasu giila.

1 PITAR 1:19

hojalo Kristo ka khiiniiñ ai lo, hii chuli subuñ pamyo takho giimanii malo page maniihokii.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

HIBRU 9:12

mo ronge pada hikha rupa Darii Lengo ho ahtii, siibiñ la siih atu nyika ai biito lamapa hojalo mohka atoh ai mi, hiilo ayudahepa tupyabiniiñ mi patiiku.

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

HIBRU 7:27

Mo anna matii, bukuñ nyibu atañ hiilyañ, kiirañ membi nii, kapyopa mohka atoh ingyamiigyanii atañpa ho hiikahiiba ho miyu atañpa; mo siika atañmi ronge pada miida tii mo atohmika bipa siilyi ho.

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

TAITAS 2:14

huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

HIBRU 6:1

Hopa kiije ngunu chimpyo paka Kristo ka tonsḛrniimi atii lyartii kula ho hengḛr dalyi ya hata chasa, hiira miisamanii miigo hokii henkur niika liidi mi rammapa ho Pinii kii dalyi ka henje miya rasa,

ROM MIKA POL KA SIITI KENIIÑ 6:13

Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

ROM MIKA POL KA SIITI KENIIÑ 6:22

Hojalo siisi nunumi tupya biilyi ke ingyamiigya hokii ho Pinii ka miira pa lyido ku, nunuka ahkur kuniisi dardḛkunii ho hiika hii dotḛr kuke, santḛrlamanii sango.

HIBRU 10:2

Hiilamakoda, mohlu biniiñ mi bingo keñku masu peha? Heriibomi matiirḛ ronge darii miitii kukoda, mohluko hang ingyamiigya hiila heniiñ hii giikiñ kuma.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

IPISIA 2:5

ngunuka shiila ka doho ho ngunuka pallenii hokii, ngunumi turdo miitii Kristo ka agiñho (aroh-aya loke nunumi lyangur tiinii),

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

ROM MIKA POL KA SIITI KENIIÑ 11:12

Siisi matiirḛ mohluka palle hii dohadolo mi mingo giido koda, ho matiirḛ mohluka miipelamanii hii Midomiyu mi mingo giido koda, niimkane abu kendo hikha mohlu ahgyo dokoda!

LUK KA AYAPUYU 1:74

ngunumi talii yape, ngunuka ahha banii atañka alah hokii tupya kokula, mohmi biiso mapa miiho kodupa hiila,

1 PITAR 2:22

Mo hang ingyamiigya miima sii; mohka nyachu ho hang lugyanii kapa masu.

1 TIMOTI 1:17

Ayudahe paka dusanii radde, shiilamasanii, kapalamanii, Pinii kontii mi, khiikiñcho ho ayu dahepa tatukatu kencho. Amen.

GELESIA 2:19

Niimpalukoda ngo dapo kiilo dapo ho shiitii ku, niimpalukoda ngo Pinii ko sandu kupa hiila.

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

ROM MIKA POL KA SIITI KENIIÑ 11:24

Niimpalukoda matiirḛ nunumi morey kutuahee sannii hokii pabii tiikoda, ho gagyo liitii, dumiñ sanju mi miikhola, alinii kutuahee sannii ho, niimkane siika jije sancha nii halloh atañ miya gagyo gakur liila kendo mohluka atoh kutuahee sannii ho.

ROM MIKA POL KA SIITI KENIIÑ 1:20

Dohadolo mika pubii jaho hokii mohka kapalama nii henjuhii, myando koda, mohka lyulamasanii harchichike la piniiaju hii, kadḛrpa kakiñ tola do drih puniiñ atañ ho. Hopa mohlumi hello lakiñma;

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

HIBRU 11:21

Henje lo Jakob, shiipa miilyi kula, Josep ka oho kone abimi lyambiido, mohka panyi ka hataho adiñ chukila herii kiinetii.

HIBRU 9:9

(niihna siilobiilyo ka santuñ ho kagiñnaniipa donii). Siika miiniiñlo, ahmiñayiñ la membi niimi bikañ la do niihna heriiboka henju mi digoabiaya dopa miila kemanii,

MIINIIÑ 14:15

“Miyu atañ, niimpa nunu siimi miidu? Ngunu tiirḛ miyu kiike, nunuka henju ahiñ, ho nunupa ayapuyu balii bila, niimpalukoda nunumi siika piigo amanii drih atañ hokii turnii Pinii ko ahkur kiine dukupa huna dariiganda la kiiddiapiñ ho siimie ho hikha hoka danii atañmi putiinii.

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

HIBRU 9:7

hojalo anyeniiho bukuñ nyibu kontiisii ahsu tiinii, ho mo nyange ho ronge sii, ho ai mi biima pa ahma nii mi mo atohpa bisutii ho miyu atañka miigya niipa.

1 TIMOTI 3:15

ngo matiirḛ dahii lyimilo, nunumi chinke nendupa niihtañ pana kone Pinii ka ude ho miikiñpakiñ donii, niihna turnii Pinii ka gyoliñkonii nii, rali ho jije ka batiñ pa lyidonii.

1 TESOLONIA 1:9

Niimpalukoda mohlu atoh atoh ngunuka piigo mi luko siido, niihtañ aya kariikatañtii ngunumi nunuka punkoho, ho niihtañ nunu Pinii kii dalyi ahku puchinii kokiila, turnii ho jije Pinii mi miiho dupa hiila,

MIINIIÑ 1:2

mohmika chagii lyiku allo lohepa, mo Darii Yajiyallo loka lujubiniiñ mi kiiniñkonii atañmi bikulala humina mo kahe tiinii.

LUK KA AYAPUYU 12:28

Hojalo Pinii matiirḛ aji hoka tammi dunii miya hiimkane hembyuñ do siilo sando ho ardaka piichañ hoka jopa saniiñmi, niimkane uro yapa nunumi mo hembyuñ kendo, nunu henje papo atañ?

LUK KA AYAPUYU 12:24

Puha atañmi kato; mohlu alima ho amoo tiirḛ lama, Mohlukii ude atii tiikuñ ko ho nesu tiirḛ nyima, hojalo Pinii mohlumi diigo hobiida. Ho henkato niimkane nunu piita atañmi hentola khiiniiñ yapa lyido!

METHU 12:28

Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke.

METHU 7:11

Nunuya, diimmah siido tiirḛ, chindo niihtañ aya ahmiñayiñ na bikiñ donii nunuka wiinga atañmi, niimkane kayeya nunuka Aba dariiganda hoka duniibo bikiñdo huna mohmi kuchinii!

ROM MIKA POL KA SIITI KENIIÑ 1:4

ho Pinii ka Oho lutii Yajiyallo ka darii ka harchichikelo mohka shiiniiñ hokii ka turiturku kuko hopa, Jisu Kristo ngunu Attoh,

METHU 16:16

Saimon Pitar lusitii, “No Kristo, turnii Pinii ka Oho.”

MIINIIÑ 15:9

ho mo hang khiingu khiirema mohlumi la ngunu mila, hojalo mohluka ahha mi asetii henjelo.

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

HIBRU 3:12

Hendi nyatolya, anubarmii atañ, hiilamakoda hiiko nunuka punkoho diimmah dokiñ doke, henjemanii ahha, ngogiila nunumi turnii Pinii kokii huhi dopa.

HIBRU 7:16

huna nyibupa lyitii kunii, dapomiiju lujju ka luchamiichañ homapa, asiialyo hokii ka liniiñ mapa hojalo pyadulamanii sango ka harchichike hokii.

HIBRU 9:26

niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.

HIBRU 10:12

Hojalo Kristo ka bisuniisi kiirañ bisa niipa rongepada ingyamiigyanii atañpa bitii, mo dutii ku Pinii ka lahbi alah ho,

HIBRU 13:12

Hopa Jisu tiirḛ hagya agoho heru hembi tii niimpalukoda miyu atañmi darii miidupa mohka atoh ai lo.