HIBRU 7:26 - NITI GONTU N.T. (BSI)

²⁶ Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

HIBRU 7:26 ပူးပေါင်းရင်းမြစ်များ

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

HIBRU 8:1

Siisi drih niihna ngunu ludunii hii sike: ngunukii sitañ bukuñ nyibu du, kone huna dunii dariiganda ho Pinii raddeduko ka lahbi alah ho,

1 PITAR 2:22

Mo hang ingyamiigya miima sii; mohka nyachu ho hang lugyanii kapa masu.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

LUK KA AYAPUYU 23:47

Siisi sipahi sabii siika lyiniiñ siimi kappa lala, mo Pinii mi assañtii, ho lutii, “Jije siika miyusi hang miigyamatii!”

LUK KA AYAPUYU 23:41

Ho ngiinyi miyade miidiko miida; niimpalukoda ngiinyi yadiñde ngiinyi ka miigya kopa haliikotii; hojalo siika miyu si hang miigya ma.”

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

1 PITAR 1:19

hojalo Kristo ka khiiniiñ ai lo, hii chuli subuñ pamyo takho giimanii malo page maniihokii.

HIBRU 7:11

Siisi matiirḛ digoabiaya dopa miiniiñmi Levi nyibu atañ kiilo miila siido koda (niimpalukoda hiika uraho miyuatañ dapo mi latii), niihpa hiika hahoho anna talyi koneya nyibu Melkizedek ka hiibaho, Aron ka kiiliñ hoya myammapa?

HIBRU 2:10

Niimpalukoda siikasi miitatola doku mohpa, hupana ho hukohokiina kapane drih atañ lintii nii, abuje oho atañmi tatukatu ho ahgii lala, mohluka sangopyako mika miitu rigii niimi digoabiaya dopa miitii heru heniiñlo.

MIINIIÑ 4:27

jijeloda siika citi ho tongepa dakuñ nyatii niika darii miira Jisu mi chekho dupa, humina mo arrḛyartii nii, Herod la Pontius Pailet nyi, Midomiyu la Isrel ka miyuatañ agiñho,

MIINIIÑ 3:14

Hojalo nunu Darii ho Denki kone mi mapa tiinii, ho miyu menii miya nunupa kutii,

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 8:29

Ho mo huna ngiimi kiiniñ tiinii hii ngiika agiñho da; mo ngiimi kontii apama, niimpalukoda ngo kiirañ hiimi sii miisu dunii niihna mohmi hempyo giidonii.”

LUK KA AYAPUYU 24:46

ho mohlumi lutii, “Hiila siikasi ketii, Kristo heru henkiñ doke ho allo lohiñ niiho turikendoku shiiniiñ hokii,

LUK KA AYAPUYU 24:26

Hiila lyidopa lyimaneha Kristo siika drih atañmi heru hela la ho mohka tatukatu ho ahdupa?”

LUK KA AYAPUYU 23:22

Rohiñ niipa mo mohlumi lutii, “Niimpa, nii diimmah mo miitola? Ngo mohmi mendopa hang diigyalugya nii kappa ma; hopa ngo mohmi hila lala ho mohmi apatalyi.”

LUK KA AYAPUYU 1:35

Ho miidopopi lutii Mary mi, “Darii Yajiyallo niiko ahkiñ doke, ho hempḛr kaye jaka harchichike hii niimi lyipu biilyi diike; hopa wiinga buko sanii bomi darii lukiñdo, Pinii ka wiinga hiila.

MAK KA AYAPUYU 16:19

Ho Attoh Jisu, mohlumi lurii tekula, dariiganda ho chatiiku, ho Pinii ka lahbi alah ho duku.

METHU 27:18

Niimpalukoda mo chintii siikasi mohlu kariñla mohmi bolii bitii hiila.

MIHUKAKIÑNIIÑ 3:7

“Ho Piladelpia gyoliñkonii daka miidopopi kedo: ‘Darii koneka aguñ, jije kone, huko hona David ka sabe donii, huka miiko lyiho kone hetrḛ miipiñ lakiñma, huka miipiñ lyiho kone hetrḛ miiko lakiñma.

HIBRU 2:17

Hopa mohmi mohka anubarmii hiilyañpa miitii kapane henjumiijuho, niimpalukoda mohmi aroh la lyike nendupa ho lotii bukuñ nyibu pa Pinii mika miiho ko, miyu atañka ingyamiigyanii atañpa mensi liiko dupa.

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.