HIBRU 5:9 - NITI GONTU N.T. (BSI)

⁹ ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

HIBRU 5:9 ပူးပေါင်းရင်းမြစ်များ

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

LUK KA AYAPUYU 13:32

Ho mo mohlumi lutii, “Inge ho lukohe hiika yalimi, ‘Kato, ngo igii atañmi mompadu ho miipyadu siilo ho arda, ho lohiñnii allo ho ngo ngiika miigomi miija kendo.

JON KA AYAPUYU 19:30

Jisu roalha mi larii lala, mo lutii, “Siikasi hiine kuke”; ho mohka adiñ mi nyanki lala ho mohka yajiyallo mi apabibii doku.

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

MIINIIÑ 4:12

Ho kone kotrḛ sangopyako hii nyima, niimpalukoda hikha dariiganda ho koneya armyañ bima miyu atañka punkoho nii lona ngunu lyangur kokiñ donii.”

MIINIIÑ 5:32

Ho ngunu siika drih atañka hakipa lyido, ho hiichuli Darii Yajiyallo tiirḛ humina Pinii bitiinii hu mohmi lunii mi tado.”

ROM MIKA POL KA SIITI KENIIÑ 1:5

hukiilona ngunu aroh-aya la kiiniñkonii ka miigomi kapa tiinii henjelaka luniiñ tako hopa, niimpalukoda mohka armyañ ka piigo kiipa hikha ganda siiko ho,

ROM MIKA POL KA SIITI KENIIÑ 10:16

Hojalo mohlu hikha ayapuyu ka luniiñmi tama; hopa Aijaya ludo, “Attoh, hu henje nyado niihna mo ngunukokii tapa tiinii?”

ROM MIKA POL KA SIITI KENIIÑ 15:18

Niimpalukoda ngiika henko lutema hangdrih hojalo niihna Kristo ngiimi bitii nii ludopa Midomiyu atañmi lulii giila dopa, miiniiñ luniiñ lo,

ROM MIKA POL KA SIITI KENIIÑ 2:8

hojalo hiika atañpa hutiina atohpa hensula ho jije mi luniiñ tamapa, hojalo diimmah mi miidonii, hiiko hadii ho hempḛrhadii dokiñdo.

ROM MIKA POL KA SIITI KENIIÑ 6:17

Hojalo Pinii mi payapacho lusa, niimpalukoda nunu huna ronge ingyamiigya ka miirapa danenii, ahha jijelo luniiñtanii bopa lyidoku tonsḛr nii chulipa nii mina nunu tapa tiiku nii,

2 KORINTIA 10:5

Ngunu pyadu lodu chesuniimi ho kapane hentii siila ka Pinii ka chiniiñ mika miitiñ miiko niimi, ho kapane heniiñmi latubiidu Kristo ka luniiñmi tadopa,

PILIPIA 2:12

Hopa, ngiika heniiñja, kiirañ nunu luniiñ taliine, hopa siisi tiirḛ, ngiika daho kontiimapa hojalo uroyapa ngiika nyima lyiho hotiirḛ, nunuka sangopyako ka miigomi biiso biidola ho alye biidola miitolya;

2 TESOLONIA 1:8

herudopa miisi kendo hutiina Pinii mi chimanii ho huna ngunu Attoh Jisu Kristo ka ayapuyu mi taliila miimanii.

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

2 TIMOTI 2:10

Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

HIBRU 11:40

niimpalukoda Pinii kakiñ kempyotii ayayapa ngunupa, niimpalukoda ngunumi apalala mohlumi digoabiaya dopa miila kema.

HIBRU 11:8

Henje lo Abraham taliitii mohmika gyola lala inge lulyiho gandaho nii mina mo pensikokiñ tiinii; ho mo intii, hang chimapa mo no ilyi hiila.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

HIBRU 2:10

Niimpalukoda siikasi miitatola doku mohpa, hupana ho hukohokiina kapane drih atañ lintii nii, abuje oho atañmi tatukatu ho ahgii lala, mohluka sangopyako mika miitu rigii niimi digoabiaya dopa miitii heru heniiñlo.

HIBRU 2:3

niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,

HIBRU 9:12

mo ronge pada hikha rupa Darii Lengo ho ahtii, siibiñ la siih atu nyika ai biito lamapa hojalo mohka atoh ai mi, hiilo ayudahepa tupyabiniiñ mi patiiku.

HIBRU 9:15

Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.