HIBRU 5:7 - NITI GONTU N.T. (BSI)

⁷ Mohka kiiddiapiñ soka darañho, Jisu kubitii ho arohtapa pa kutii, hempḛr goropa mila lila khebiidola, hiimi huna mohmi shiiniiñ hokii lyangur lakiñ donii, ho mohkiimi tagetii mohka piniihenju biiso giiko hopa.

HIBRU 5:7 ပူးပေါင်းရင်းမြစ်များ

JON KA AYAPUYU 17:1

Jisu siika aguñ atañmi luku lala, mo mohka amee mi yapuñ hahoho kacha lala ho lutii, “Aba, myodu ahdoku; niika Oho mi assañdupa niimpalukoda Oho niimi assañdupa,

METHU 27:46

Ho alyiñdalyi gunta tahiñ dakele Jisu hempḛr goropa gyuritii, “Eli, Eli, lama sabachthani?” Hiila luniiñsi, “Ngiika Pinii, ngiika Pinii, niimpana no ngiimi helyu biilyi kunii?”

MAK KA AYAPUYU 15:34

Ho alyiñdalyi ka gunta tahiñ dakele Jisu hempḛr goropa khela gyuritii, Eloi, Eloi, lema sabachthani? Hiila luniiñsi, “Ngiika Pinii, ngiika Pinii, niimpana no ngiimi helyu biilyi kunii?”

HIBRU 12:28

Hopa kiije ngunu payapacho lusa huku lamanii raddeganda mika larii kopa, ho hopa kiije ngunu Pinii mi larii lasaniika heriiniimi bisa, khiibii dola ho biiso biidola;

JON KA AYAPUYU 11:35

Jisu khetii.

METHU 27:50

Ho Jisu hiira hempḛr uropa gyutii ho mohka yajiyallo mi biliitiiku.

MAK KA AYAPUYU 15:37

Ho Jisu hempḛr uropa uhe gyula lala, ho mohka kami japa ka sahii sakhe niimi satii.

HIBRU 2:14

Hopa himme atañ asiialyo la ai nyi giido, mo atoh loda hiichulipa henju ahiñ jami giido, niimpalukoda shiiniiñlo mo pyadulodupa mohmi huko hona shiinii ka harchichike hii giidonii, hiikahii, igii,

LUK KA AYAPUYU 23:46

Ho Jisu, hempḛr goropa gyubii dola, lutii, “Aba, niika alah ho ngo ngiika yajiyallo mi tiilii biilyi ke!” Ho hiila lula lala mo shiihi tiiku.

HIBRU 13:20

Siisi chimie ka Pinii huna hiira shiiniiñ hokii turdo pa miitiinii ngunuka Attoh Jisu mi, hempḛr kahe subuñsornii, ai loka ayudahe paka hemmesiiniiñ,

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

2 JON 1:7

Niimpalukoda abuje gollunii dohadolo so linya neke, miyuatañ hutiina talii nyamanii Jisu Kristo ka asiialyo hoka ahniiñmi; sitañ lunii kone hiike gollunii ho kristokamabo.

1 JON 4:3

ho yajiyallo kone abi huna Jisu Pinii kokii hiila pyako manii. Siikasi kristokamabo boka yajiyallo, nii mina nunu tapatiinii si ahla do hiila, ho siisi siikasi dohadolo ho doku.

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

JON KA AYAPUYU 11:42

Ngo chindo no kiirañ ngiimi tage du hiila, hojalo ngo siimi ludo siika miyu danii atañpa, niimpalukoda mohlumi henje kiine dupa no ngiimi kiiniñtii hiila.”

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

HIBRU 10:5

Siika piigopa, Kristo ka dohadolo soka ahlyiho, mo lutii, “membiniimi la biniiñkeniiñ mi no hembyo make, hojalo apo no ngiipaka miimyo biniiñmi;

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.

HIBRU 11:7

Henje lo Noah, Pinii lo luluñ kobiidola ahsanii lyisa niimi kapa masu tiirḛ, tagiila ho hempḛr kahe hulu tare pentii mohka uru atañmi lyangur naniipa; siika silo mo dohadolo mi khiipatii ho denki mika pensi koniiñpa lyitii niihna henjelo ahdonii.