HIBRU 4:12 - NITI GONTU N.T. (BSI)

¹² Niimpalukoda Pinii ka aguñ si turnii ho chikhoke, ilyo lyogañ lyoro areh giinii mitrḛ areh yake, yallo la yajiyallo lohepa khache khahe miila do, loriiloko ho lochuñ lohe, ho heniiñmi ho ahha hoka miichi hiila heniiñ lohepa chilado.

HIBRU 4:12 ပူးပေါင်းရင်းမြစ်များ

IPISIA 6:17

Ho sangopyako ka dachañ byopami, ho Yajiyallo ka ilyomi, niihna Pinii ka aguñ nii.

1 PITAR 1:23

Nunumi nitipa buti tiikuke, lyula sanii kormo lomake hojalo lyula samaniiloke, turnii ho Pinii ka aguñ kiilo ke;

MIHUKAKIÑNIIÑ 1:16

mohka lahbi alah ho takḛr pukkannu biitola, mohka aguñ hokii hempḛr ilyo lyogañ lyoro areh giinii luliñdo, ho mohka nyimohii lolyañ danyi chitañ hudakiila.

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

MIHUKAKIÑNIIÑ 19:15

Mohka aguñ hokii hempḛr areh ilyo biliñ biido niilona ganda atañmi pakhii kendonii, ho mo mohlumi sangii kendo dachañ panyi lo; mo nyorpi kendo Pinii Tamojaka hadii ka ow nyorpi naniiñ ho

IPISIA 5:13

hojalo niida kakiñ talyi nii mijalo hutoh ho hiikahii kadḛr kendoke, niimpalukoda nii mijalo kadḛr dopa miichi hiiko hutoh hii giido.

LUK KA AYAPUYU 8:11

Siisi siika lutiñnaniiñ si hiilake: Kormo si Pinii aguñke.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

MIHUKAKIÑNIIÑ 19:21

Ho khiibe atañ pakhii kobiine mohka ilyolo huna gora ka ayoh ho dunii, ilyo mohka aguñ loka biliñ niilo; ho hikha piita atañ mohluka ayya atañmi diibiido.

MIHUKAKIÑNIIÑ 2:16

Hokoda henkur nyato. Hiila makoda, ngo nunuko nyibya pa ahchi ke ho gyambo pachi mohluka agiñho ngiika aguñ ka ilyo lo.

HIBRU 13:7

Nunumika sangii nii atañmi hempato, hutiina nunumi Pinii ka aguñmi luko nenii; mohluka sango niihtañ nena hiimi henkato, ho mohluka henje mi katiñ giito.

MIINIIÑ 4:31

Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

MIINIIÑ 2:37

Siisi mohlu siimi tapa lala mohluka ahha buche pa miitii, ho Pitar mi lutii ho khiibe kiiniñkonii atañmi, “Anubarmii atañ, nii pe ngunu miichi nii?”

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

1 TESOLONIA 5:23

Chimie ka Pinii mohloda nunumi hikha darii miikiñcho; ho nunuka yajiyallo ho yallo ho apo mi dariipa atii kencho ho pahañhansa giima dopa Attoh Jisu Kristo ka ahlyikuho.

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

1 KORINTIA 1:24

hojalo hutiina gyotii tiinii, anyeru Jew la Grik, Kristo Pinii ka harchichike ho Pinii ka chila.

MIINIIÑ 5:33

Mohlu siimi tapa lala mohlu hadii ritii ho mohlumi mempa nantii.

JON KA AYAPUYU 12:48

Huna ngiimi khiipa donii ho ngiika kolobiisie niimi, halii tiiku; ngiika aguñ luniiñ hii mohmi halii kendo kami allo ho

MIINIIÑ 7:38

Siika sike hii huna jabyo daka miyu apurho danenii miidopopi ka agiñho mohmi Sinai Putoo ho lune, ho ngunuka aba atañ agiñho; ho mo turnii aguñ tapatii ngunumi bidupa.

IPISIA 5:26

niimpalukoda mo mohlumi darii miidupa hiila, mohlumi asedupa hiila yasie loka ase sechañho aguñlo,

HIBRU 6:5

ho Pinii ka aguñ ka aya mi henka tiikunii ho ahlyi nii santuñ ka tamo mi,