HIBRU 3:1 - NITI GONTU N.T. (BSI)

¹ Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

HIBRU 3:1 ပူးပေါင်းရင်းမြစ်များ

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

JON KA AYAPUYU 20:21

Jisu hiira mohlumi lutii, “Chimie nunu agiñho dokiñcho. Niihtañpa Aba ngiimi kiiniñtii, hiichulipa ngo nunumi kiiniñ biilyi ke.”

JON KA AYAPUYU 20:27

Ho mo Tomas mi lutii, “Niika lahchi mi so tenga to, ho ngiika alah mi kato; ho niika alah mi lyuliñ biila, ho ngiika khiike ho tenga to; henjemapa miiyo, hojalo henjeto.”

MIINIIÑ 1:15

Hiika myodu ho Pitar mohluka apurho guritii (hoka miyu dukuñnii hii lange la nyikhañ hepa dutii), ho lutii,

ROM MIKA POL KA SIITI KENIIÑ 11:17

Hojalo halloh tonge matiirḛ tatu neku koda, ho nunu, morey kutuahee, hiiko matiirḛ mohluka dosako hiimi gagyo biido koda santa chake nendupa kutuahee sannii hokii,

ROM MIKA POL KA SIITI KENIIÑ 15:27

mohlu hempyo biine siimi miidupa, ho jije lusu dokoda mohlu siimi mohlupa miikiñdo loda, niimpalukoda Midomiyu atañ matiirḛ mohlumika Yajiyallo hoka lyaniiñ mi lache hapa ahdo, mohlu hopa drihpachi ka lyaniiñ mitrḛ mohlumi bikiñdo.

ROM MIKA POL KA SIITI KENIIÑ 15:8

Niimpalukoda ngo nunumi lukoso Kristo miirapa lyitii mitupipa konii atañpa Pinii ka lotii mi kakiñ dupa, biloka aba-apa mika hemme biniiñ mi jije ke hiila kakiñ naniiñpa,

ROM MIKA POL KA SIITI KENIIÑ 9:24

ngunu mitrḛ humina gyotii nii, Jew atañ hokii kontii mapa Midomiyu hokii tiirḛ?

1 KORINTIA 1:2

Pinii ka gyoliñkonii Korint hoka donii, hiika atañmi hutiina Jisu Kristo ko dardḛtiiku nii, piniimiyu hiila tonge paka gyokonii hikha hiika atañ agiñho kapakohe ganda siiko ho Attoh Jisu ka armyañ mika gyoko ho, anye ruka Attoh ngunukii ho mohlukii:

1 KORINTIA 10:17

Niimpalukoda hiiko yatañ pere sii dosu donii, ngunu hutiina abuje danii apo kone sii, niimpalukoda ngunu hikha yatañ pere mika diibonii.

1 KORINTIA 9:23

Ngo hikha siika atañ siimi ayapuyu kiipa siike miisu dunii, niimpalukoda ngo hiiko hokii lyaniiñ mi tache kodupa hiila.

2 KORINTIA 1:7

Ngunuka nunupaka hentiñ hii abyumake; niimpalukoda ngunu chindo nunu ngunuka heru henko ho hembo mondo koda, nunu ngunuka henjuñ hotiirḛ hembo monkiñdo.

2 KORINTIA 9:13

Siika miigo soka tenka koso, nunu Pinii mi assañdiilañ kendo nunuka talii laka Kristo ka ayapuyu mi khiiko hopa, ho hempabiido laka bibyuñ niimi mohlupa ho khiibemiyu patrḛ;

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

IPISIA 4:4

Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

PILIPIA 3:14

Ngo uroyapa miichi ahmiñayiñ mi lariidupa, ayoh dalyi hokii ka Pinii ka gyoniiñ mi Kristo Jisu ko.

KOLOSIA 1:12

Aba mi payapacho lubii dola, huna ngunumi miiladopa bitiinii piniimiyu atañ mika pensikoniiñ mi biibo dopa hutoh ho.

KOLOSIA 1:22

mo siisi yardiñ liitii ku apo ka asiialyo lo mohka shiiniiñlo, nunumi darii ho pahañhansa ho mohka hataho khiilii saniiñ giima pa kakiñ ladopa,

KOLOSIA 3:12

Hopa giinyato, Pinii ka kahenii kone hiilyañ, darii ho heniiñja, aroh siiniiñ mi, helakala, chimeeñ, yanu, ho ahhakeyiñ,

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

1 TESOLONIA 5:27

Ngo nunumi lulyike Attoh kiilo siika siiti siimi hikha anubarmii atañka agiñho rito lya.

2 TESOLONIA 1:11

Hiiko hopa ngunu kiirañ nunupa kubidu, niimpalukoda ngunuka Pinii nunumi niihpa gyotii hiipa khiikiñcho hiila, ho miipe kencho kapane aya miigo miichi luniiñmi ho henje ka miigomi mohka harchichike lo,

2 TESOLONIA 2:14

Siika sipa mo nunumi gyotii ngunuka ayapuyu kiilo, niimpalukoda nunumi labii kiine dupa ngunuka Attoh Jisu Kristo ka tatukatu mi.

1 TIMOTI 6:12

Pagomi aya paju ho pato henjelo; santḛrlamanii sango mi hendi biitolya niihpana niimi gyotiinii niika abuje haki atañka hataho khadiko khako kopa .

1 TIMOTI 6:2

Hukiina henjenii atoh dunya dunii khiimapa miiyo mohlu anubarmii pa lyiko hopa; hiilamapa mohlu uroyapa ayapaya miiho kendo niimpalukoda mohluka miiniiñ hokii hu miijo kapado lukoda henjemiyu atañ ho heniiñja. Tonsḛrto ho siika miigo atañ sipa yarto.

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

2 TIMOTI 2:7

Henka to niihna ngo ludonii, niimpalukoda Attoh niimi chilananiiñ bikiñ doke amane drih ho.

HIBRU 10:19

Hiikohopa, anubarmii atañ, ngunu hentiñdo dariinenchañ ho ahdupa Jisu ka ai lo,

HIBRU 10:21

ho ngunu kii kahe nyibu du Pinii ka ude ho,

HIBRU 10:23

Kiije ngunu giikañ ari giisa ngunuka hentiñ naniiñ mika khako siiniiñmi alyemapa, niimpalukoda mo huna hemme bitiinii hii lotii ke;

HIBRU 13:22

Ngo nunumi yarlyi, anubarmii atañ, ngiika harolupa laka aguñmi tato, niimpalukoda ngo nunupa tudiipa kebii lyike.

HIBRU 2:11

Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

HIBRU 2:17

Hopa mohmi mohka anubarmii hiilyañpa miitii kapane henjumiijuho, niimpalukoda mohmi aroh la lyike nendupa ho lotii bukuñ nyibu pa Pinii mika miiho ko, miyu atañka ingyamiigyanii atañpa mensi liiko dupa.

HIBRU 3:12

Hendi nyatolya, anubarmii atañ, hiilamakoda hiiko nunuka punkoho diimmah dokiñ doke, henjemanii ahha, ngogiila nunumi turnii Pinii kokii huhi dopa.

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

HIBRU 6:20

nohna Jisu innenii ngunu kiipa impyo yala, bukuñ nyibupa lyila ayudahepa Melkizedek ka duchañ ho.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

HIBRU 7:28

Jijelusu dokoda, dapo hii miyu atañmi kahetii mohluka ajju ho bukuñ nyibupa, hojalo hemme niika aguñsi, niihna dapo mi kami yapa ahtiinii, Oho mi kahetii humina miitiinii ayudahepa digoabiaya dopa.

HIBRU 9:11

Hojalo Kristo ahtii aya drih atañka bukuñ nyibu pa niihna ahto kula dotiinii, kayeya hokii ho uroya digoabiaya ya tabyoude hokii (alah atañ loka puniiñ mapa, hiika hii, pulyi hoka puta maniiñ)

HIBRU 9:15

Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

1 PITAR 3:5

Hopa bilo darii annii akha atañ hutiina Pinii mi hentiñ nyatiinii atohmi giiju siinyatii ho mohluka millo atañmi tiilii siibii dola,

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

1 PITAR 5:10

Ho nunu ichuche heru hela lala, hikha aroh-aya ka Pinii, huna nunumi mohka ayudahe tatukatu Kristo ko gyolii tiinii, mo atohloda miilyañ kendo kuke, dodopa miikiñdo, ho alḛrdopa miikiñdo nunumi.

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

MIHUKAKIÑNIIÑ 18:20

Mohpa hempyo to, O dariiganda, O piniimiyu atañ ho kiiniñkonii atañ ho nyibuhenii atañ, niimpalukoda Pinii ayakacho katii mohmi nunukiipa!”