HIBRU 2:11 - NITI GONTU N.T. (BSI)

¹¹ Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

HIBRU 2:11 ပူးပေါင်းရင်းမြစ်များ

HIBRU 10:14

Niimpalukoda ronge paka biniiñlo mo digoabiaya dopa miitii hikha myodupa hutii mina darii miitii kunii.

HIBRU 10:10

Ho hiika henko jaho miiko hopa ngunumi darii miitii ku Jisu Kristo ka apo mika bisu kopa hikha ronge pada.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

HIBRU 13:12

Hopa Jisu tiirḛ hagya agoho heru hembi tii niimpalukoda miyu atañmi darii miidupa mohka atoh ai lo.

ROM MIKA POL KA SIITI KENIIÑ 8:29

Niimpalukoda humina mo chimpyo tiinii mo bardiñsoyu mitiirḛ bitii mohka oho chuli lyidopa, niimpalukoda mohmi kapyo jaka wiinga bukoniipa miidupa abuje anubarmii atañka punkoho.

JON KA AYAPUYU 17:19

Ho mohlu kiipa ke ngo atohmi tiilii siitiinii, niimpalukoda mohlumi tiirḛ jije ho tiiliisiike nendupa.

JON KA AYAPUYU 17:21

mohlu miilañ rumi konepa lyike nendupa; niihtañpa no, Aba, ngiiko do, ho ngo niikii ho, hiichulipa mohlumi tiirḛ ngiinyi ko doke nento, niimpalukoda dohadolo mi henje kiine dupa no ngiimi kiiniñtii hiila.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

HIBRU 2:14

Hopa himme atañ asiialyo la ai nyi giido, mo atoh loda hiichulipa henju ahiñ jami giido, niimpalukoda shiiniiñlo mo pyadulodupa mohmi huko hona shiinii ka harchichike hii giidonii, hiikahii, igii,

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

MIINIIÑ 17:26

Ho mo kone hokii kapane gandaho miyu mi sandopa putii hikha kiiddiapiñ so, hemmyo tokula dotii myodumyolo ho no lohe pana mohluka santrḛgyatrḛ,

HIBRU 11:16

Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

MAK KA AYAPUYU 8:38

Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

METHU 28:10

Ho Jisu mohlumi lutii, “Biisoyo; inge ho lukohe ngiika anubarmii atañmi Galili ho inge hiila, ho hiikoho mohlu ngiimi kappa kendoke.”

MIINIIÑ 17:28

niimpalukoda Mohko ngunu sando ho salha do ho ngunu sango hii do; nunuka kolobiisieniiñ tonge tiirḛ lutii, Niimpalukoda ngunu mohka ohoasi lodake.

LUK KA AYAPUYU 9:26

Niimpalukoda hujalopa ngiipa la ngiika aguñpa hiinyañ talyi, hiipa miyu ka Oho tiirḛ hiinyañ talyi niida mo mohka tatukatu ho ahchiku ho Aba ka tatukatu ho darii miidopopi atañka agiñho.

MAK KA AYAPUYU 3:34

Ho mohka aruñhoka dunii atañmi kahi kaso lala, mo lutii, “Siika atañ sinya ngiika annii ho ngiika anubarmii!

HIBRU 3:1

Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.