HIBRU 13:7 - NITI GONTU N.T. (BSI)

⁷ Nunumika sangii nii atañmi hempato, hutiina nunumi Pinii ka aguñmi luko nenii; mohluka sango niihtañ nena hiimi henkato, ho mohluka henje mi katiñ giito.

HIBRU 13:7 ပူးပေါင်းရင်းမြစ်များ

METHU 24:45

Huna hokoda lotii ho piibi miira, humina mohka atoh hikha ude mi kabii tolya hiila bitiinii, mohlumi myodu mi kabii dola mohluka diigo mi bidopa?

LUK KA AYAPUYU 12:42

Ho Atoh lutii, “Huna hokoda hentilasanii ho chiniiñ kalyabinii, humina mohka attoh hikha ude mi kabii tolya hiila bikiñ donii, mohlumi myodu mi kabii dola mohluka diigo mi bidopa?

LUK KA AYAPUYU 5:1

Miyu atañ mohmi nenje nenge biilyinii Pinii aguñmi tadupa hiila, mo Genesaret ka siimie ho datii.

LUK KA AYAPUYU 8:11

Siisi siika lutiñnaniiñ si hiilake: Kormo si Pinii aguñke.

MIINIIÑ 13:46

Ho Pol la Barnabas nyi harola lutii, lubiidola, Siikasi kapyopa Pinii ka aguñmi nunumi luko lupyo dopa lyido. Niimpalukoda nunu siimi khiipa nyado, ho atohmi santḛrlamanii sango mi larii niipa lyima lusuda, tageto, ngunu Midomiyu atañ ko inchi ke ah.

MIINIIÑ 14:23

Ho mohlu mohlupa amiabañ kahe tiiku gyoliñkonii penge abi hokii, kuniiñ ho nyobiidola dola, mohlu mohlumi Attoh ko tiilii bitii humina mohlu henje tiinii.

MIINIIÑ 4:31

Ho mohlu kuja dakele, nohna mohlu tonge pa dakuñla datiinii hii apyu ritii; ho mohlu hikha Darii Yajiyallo giitii ho Pinii ka aguñmi haro biidola lukotii.

ROM MIKA POL KA SIITI KENIIÑ 10:17

Hopa henjehii ahdu tapa nii hokii, ho niihna tapa donii hiika hii Kristo mika tonsḛrkhenyo nii hokii.

1 KORINTIA 10:13

Hang tenkalarka hii nunumi hamelokiñ make niihna miyuatañ koka amayanii. Pinii lotiike, ho mo nunumi tenkalarka kiine kemake nunuka dagii lasa manii hokii, hojalo tenkalarka ka agiñho lembo tiirḛ pabi kendoke hargii kopa, niimpalukoda nunumi hiimi pigii ladopa.

1 KORINTIA 11:1

Ngiimi katiñ nanto, niihtañpa ngo Kristo mi katiñ nandu.

1 KORINTIA 4:16

Ngo nunumi yarlyi ke, hokoda ngiika miiko miijo montote.

PILIPIA 3:17

Anubarmii atañ, ngiika miiko miijo monto, ho hiika atañmi kaho giito huna nunu chikañ sandonii ngunuka punkoho katiñ naniiñpa.

1 TESOLONIA 1:6

Ho nunu ngunumi katiñ nando ho Attoh mitrḛ, niimpalukoda nunu aguñmi hempḛr heru myodu ho lariitii, hempyo agiñho Darii Yajiyallo kokii;

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

2 TESOLONIA 3:7

Niimpalukoda nunu atoh chindo niihtañ nunu ngunumi katiñ nandu hiila; ngunu assuale pa damato nunu agiñ hoka ngunuka dalyiho,

2 TESOLONIA 3:9

Siikasi ngunu hiimi miila kema hiilama, hojalo nunumi ngunuka miijumi bidupa katiñbiidola lutiñnaniiñpa.

1 TIMOTI 3:5

niimpalukoda miyu matiirḛ mohka atoh uru mi niihtañpa ayapa kagii kendo hiimi chima koda, niihtañpa mo Pinii ka gyoliñkonii mi kalyañ talyi?

HIBRU 13:17

Nunu mika sangii bomi talii tolya ho mohluko tiilii siibito; niimpalukoda mohlu nunuka yallo mi kalyañ doke, mohluke piijo da taka lyiko ho luko kendo kunii. Mohlumi siimi hempyo biidola miike nento, ho heru biido lamapa, niimpalukoda hiikahii nunupa hang aya giikiñ make.

HIBRU 13:24

Ayahelyi hikha nunumika sangii bomi ho hikha piniimiyu atañmi. Hutiina Italy hokii ahdonii nunumi ayahelyi bilii bilyike.

HIBRU 6:12

niimpalukoda nunu mi bayyo bayyo dama dopa, hojalo katiñ nanto lya huna henje la pigiinii lo hemme niimi penko tiinii.

1 PITAR 4:11

hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 20:4

Ho ngo kapato raddeduko atañmi, ho hiika atañ hoka dunii atañ ayakacho mi kaniipa. Hiira kapatota yallo atañmi hutiina langu patu konya biinenii Jisu mika pyako kopa ho Pinii ka aguñpa, ho hutiina achu-amyo mi herii nyama nenii malo hiika puchiniimi ho hutiina hiika miiho niimi mohluka tiirii ho malo alah atañ ho giima nenii. Mohlu turi neku, ho Kristo ka agiñho anyañ jare sangii sahiñ mone.

MIHUKAKIÑNIIÑ 6:9

Mo yangonii jhipponiimi miiko kiile, ngo kapato agyañ ka ura ho hiika atañka yallo mi hutiina Pinii ka aguñpa menko nyabii nenii ho mohluka haki biniiñ kiipa;