HIBRU 13:21 - NITI GONTU N.T. (BSI)

²¹ nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

HIBRU 13:21 ပူးပေါင်းရင်းမြစ်များ

PILIPIA 2:13

niimpalukoda Pinii nunuko miigo miila doke, anyeruho heladopa ho mohka hempyo kiipa miigo miidopa.

2 TESOLONIA 2:17

nunuka ahha mi henjuñ kencho ho hiika atañmi miiko kencho kapane aya miigo ho aguñ pa.

PILIPIA 4:13

Ngo hikha drih atañ mi mohko miila kendo huna ngiimi alḛr giidonii.

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

2 TIMOTI 4:18

Attoh ngiimi kapane diimmah hokii papya kendoke ho ngiimi lyangur do dariiganda ka raddeganda kiipa. Mohmi kontii assañ kencho ayu dahepa. Amen.

PILIPIA 1:11

denki ka ahee atañmi hinyato niihna Jisu Kristo kokii ahdonii, tatukatu ho Pinii mi assañ naniiñpa.

2 KORINTIA 9:8

Ho Pinii nunumi bila kendo kapane lyaniiñ mi abuje dopa, niimpalukoda kiirañ nunuko kapanehemi khepa doke nendupa ho abupa hembyuñ kiinedupa kapane aya miigopa.

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

HIBRU 10:36

Niimpalukoda nunu pigii niimi anna doke, niimpalukoda nunu Pinii ka henko jaho miidupa ho lariidupa hemme biniiñmi.

1 TESOLONIA 5:23

Chimie ka Pinii mohloda nunumi hikha darii miikiñcho; ho nunuka yajiyallo ho yallo ho apo mi dariipa atii kencho ho pahañhansa giima dopa Attoh Jisu Kristo ka ahlyikuho.

JUD KA SIITI KENIIÑ 1:25

Pinii kone kontii pa, ngunu mika lyangur bo Jisu Kristo ngunu Attoh kiilo, tatukatumi, kahejami, domiñniimi, ho otority mi, kolyuñkolo jaho hokii ho siisi kii ayu dahepa dokiñcho. Amen.

1 JON 2:17

Ho dohadolo hii lyukiñ doke, ho hiimika kalyi kabyonii; hojalo huna Pinii ka henko jaho miidonii hii ayudahepa sankiñdo.

1 TIMOTI 1:17

Ayudahe paka dusanii radde, shiilamasanii, kapalamanii, Pinii kontii mi, khiikiñcho ho ayu dahepa tatukatu kencho. Amen.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

1 JON 3:22

ho ngunu padu mohkokii niijalo ngunu kuchi, niimpalukoda ngunu mohka lujubiniiñmi atii biidu ho niihna mohmi hempyo miipa donii hiimi miidu.

HIBRU 13:16

Aya miigo miisa niimi byalya yo ho tache bidupa niihna niiko donii, niimpalukoda sitañ hempa biniiñ hiike Pinii mi hempyo miipa dunii.

1 TIMOTI 6:16

hukoho kontiina shiilamasa nii donii ho hiitañ hutoh ho du kone hetrḛ ahchi lama sako, humina miyu kone hetrḛ kapama ho kapa lakiñma. Mohmi kontii khiikiñcho ho ayudahe paka pamiñnii dokiñcho. Amen.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 TESOLONIA 3:13

niimpalukoda mo nunuka ahha ho miibi nedo hang pahañhansa giimadopa darii ho ngunuka Pinii ho Aba ka hataho, ngunu Attoh Jisu ka ahlyi kuho hikha mohka piniimiyu atañ agiñho.

KOLOSIA 4:12

Ipapras, hiikahii nunuka punko hokii kone, miira kone Kristo Jisu kii, nunumi ayahelyi, kiirañ nunumi mohka kuniiñ ho hempadu, niimpalukoda nunumi hengḛrla dake nendupa hiila ho hikha Pinii ka henko jaho taliila miidopa.

KOLOSIA 3:17

Ho niijalo nunu miichi, aguñ pajalo malo miilajalo, kapanemi Attoh Jisu ka armyañ pa miitolya, Pinii Aba mi payapacho lubiidola mohkiilo.

PILIPIA 4:18

Ngo poteje ngiika injomi labiitiiku, ho abuyapa; ngiikii potedoku, Ipaproditas mika nunuka ahmiñayiñ bilii niimi lariikiile, narunempyo biniiñ hiilyañdo, membiniimi lariitii ho Pinii mi hempyo miipatii.

IPISIA 2:18

niimpalukoda mo kiilo ngunu anyeru ahlado Yajiyallo konepa Aba ko.

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

METHU 6:13

Ho tenkalarka ho ngunumi aliiyo, hojalo ayamanii hokii ngunumi tupyape.

MIHUKAKIÑNIIÑ 5:13

Ho ngo tapato achu-amyo koneabi dariiganda daka la ho kiiddiapiñho ho kiiddiapiñ ka ura daka ho siimie dakii, ho hikha hiika hoka danii, lula dopa, “Mohmi huna raddeduko ho dunii ho Siibuñ mi lyanto ho kito ho assañto ho tamo dokiñcho ayu dahepa!”

MIHUKAKIÑNIIÑ 4:6

ho raddeduko ka hataho hiikaho dotii kakoho sisa ka siimie donii hiilyañ, crystal yalañ chuli. Ho raddeduko mi gokḛrpala, raddeduko ka pache pache dalyi, piilye turnii achu-amyo atañ, poteje amee adiñ giitola kiiliñ hata pada da:

HIBRU 12:23

ho butu wiinga ka dakuñ koho hutiimina dariiganda ho kelii tola donii, ho ayakacho kanii huna hikha ruka Pinii nii, ho denki miyu atañka yajiyallo mi digoabiaya dopa miitii,

1 TESOLONIA 4:3

Niimpalukoda siika sike Pinii ka henju, nunuka dardḛkunii ho: nunuka ipfyosiiniiñ hokii ka adho dasa giinii si;

KOLOSIA 3:20

Himme atañ, nunuka annii-aba ka luniiñmi tanyato kapaneho, niimpalukoda siikasi Attohmi hempyo miipado.

PILIPIA 2:11

ho aguñ gonge abi khako kendo Jisu Kristo Attoh hiila, Pinii Aba mika assañ naniiñpa.

GELESIA 1:5

mohmi assañ kencho ayu dahepa. Amen.

ROM MIKA POL KA SIITI KENIIÑ 11:36

Niimpalukoda mohkokii ho mohkiilo ho mohpa hikha drih atañsi. Mohmi assañ kencho kolyuñkolo dahepa. Amen.

2 PITAR 3:18

Hojalo santo Attoh la Lyangur bo Jisu Kristo ka aroh-aya la chiniiñ ho. Mohmi assañ kencho siisi ho ayudahe ka allo lohepa. Amen.

ROM MIKA POL KA SIITI KENIIÑ 16:27

chiniiñ Pinii mi kontii assañ kencho ayudahepa Jisu Kristo kiilo! Amen.

JON KA AYAPUYU 17:23

Ngo mohluko ho no ngiiko, niimpalukoda mohlumi ayaloda konepa lyike nendupa, niimpalukoda dohadolo mi chinke nendupa no ngiimi kiiniñtii hiila ho mohlumi hento niihtañpa ngiimi no hendu.

JON KA AYAPUYU 7:17

mi miyu kone jalo mohka miigo miina dokoda, mo chinkiñ do tonsḛr niisi Pinii kokiiha malo ngo ngiika atoh otority lo ludoha hiila.

METHU 21:31

Siika anye sokii hu aba ka heniiñ chulipa miitii?” mohlu lutii, “Kapyobo.” Jisu mohlumi lutii, Jijeloda, Ngo nunumi lukoso, biijokajo myanii la pfyoaridiisunii atañ nunumi impyo yapa Pinii ka raddeganda ho indoke.

METHU 7:21

Kone abi hutiina ngiimi ludonii, Atoh, Atoh, hii dariiganda ka raddeganda ho ahla kemma, hojalo huna dariiganda daka Aba ka henko jaho miidonii hii kontiisii ahla kensu donii.

METHU 12:50

Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”

2 TIMOTI 3:17

niimpalukoda Pinii ka miyu mi lyipe kiinedupa, kapane aya miigo miina naniiñpa.

HIBRU 12:28

Hopa kiije ngunu payapacho lusa huku lamanii raddeganda mika larii kopa, ho hopa kiije ngunu Pinii mi larii lasaniika heriiniimi bisa, khiibii dola ho biiso biidola;