HIBRU 13:16 - NITI GONTU N.T. (BSI)

¹⁶ Aya miigo miisa niimi byalya yo ho tache bidupa niihna niiko donii, niimpalukoda sitañ hempa biniiñ hiike Pinii mi hempyo miipa dunii.

HIBRU 13:16 ပူးပေါင်းရင်းမြစ်များ

2 TESOLONIA 3:13

Anubarmii atañ, iche hetrḛ renge lyayo aya miigo ho.

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

GELESIA 6:10

Hiiko hopa, ngunuko myodu aya dohoso, kiije ngunu hikha miyu atañpa aya miigo miisa, ho luchila hiika atañpa hutiina henje ka uru ahiñnii.

HIBRU 6:10

Niimpalukoda Pinii hensamiisa la nunuka miigo miiniiñmi kago kema ho nunuka heniiñmi mohkiipa piniimiyu atañ mika miiho niimi, siisi jalo nunu miila do.

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

PILIPIA 4:18

Ngo poteje ngiika injomi labiitiiku, ho abuyapa; ngiikii potedoku, Ipaproditas mika nunuka ahmiñayiñ bilii niimi lariikiile, narunempyo biniiñ hiilyañdo, membiniimi lariitii ho Pinii mi hempyo miipatii.

IPISIA 4:28

Diipyo bo diipyo kulya yo, hojalo mohmi injo diike nento, khiiniiñ miigo mohka atoh alah lo miibii dola, niimpalukoda mo tiirḛ bila dopa hutiina anna la lyidonii.

1 TESOLONIA 5:15

Hendi tolya nunu kone tiirḛ diimmah pa diimmah miisi lyayo, hojalo kiirañ aya miidupa meto lya kone anyañpa ho miilañ rupa.

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

LUK KA AYAPUYU 18:22

Ho Jisu siimi tapa lala, mo mohmi lutii, “Drih kone no giima ranke. Pyunge hikha niiko hoka doniimi ho arro atañmi tache tahe binge, ho niikii dariiganda ho alḛrdrih dokiñ doke; ho ahto, ngiimi imbomonto.”

3 JON 1:11

Heniiñja, diimmah mi kagii lyayo hojalo aya mi kagii tolya. Mo huna aya miidonii hii Pinii kokiike; mo huna diimmah miidonii mo Pinii mi kapa make.

GELESIA 6:6

Huna aguñmi tonsḛr kodonii hikha aya drih mi tachegiitote hiimi huna tonsḛr donii.

PELEMON 1:6

ho ngo hiila kudu niika henje mika luko lyiho hikha aya drih ngunuka Kristo koka giiniiñ mi aya yapa chindopa hata chagii kencho hiila.

PILIPIA 4:14

Hojalo siikasi nunuka helakala ke nunu ngiika ahiare mika henche monii si.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.