HIBRU 12:23 - NITI GONTU N.T. (BSI)

²³ ho butu wiinga ka dakuñ koho hutiimina dariiganda ho kelii tola donii, ho ayakacho kanii huna hikha ruka Pinii nii, ho denki miyu atañka yajiyallo mi digoabiaya dopa miitii,

HIBRU 12:23 ပူးပေါင်းရင်းမြစ်များ

JEMS 1:18

Mohka atoh henko jaho ngunumi puliñtii jije ka aguñlo niimpalukoda ngunumi mohka puniiñ hokii hitu ahee chikañ dopa.

HIBRU 11:40

niimpalukoda Pinii kakiñ kempyotii ayayapa ngunupa, niimpalukoda ngunumi apalala mohlumi digoabiaya dopa miila kema.

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

MIHUKAKIÑNIIÑ 14:4

Siika atañsi hiike hutiina atohmi miibḛr siima tiinii nyimii atañ agiñho, niimpalukoda mohlu addah ke; siika atañ sike hutiina Subuñ mi imbo nyatii nii nohjalo mo intii; siika atañmi tupya tiiku miyuatañ kokii Pinii ka kapyo ja ahee pa ho Subuñ pala,

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

HIBRU 9:27

Ho niihtañpa miyuatañ mo ronge shiido pa miimyo tola do, ho hiika hiiba ho ayakacho kako kendo,

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

1 PITAR 2:23

Mohmika miipyu lyiho, mo lupyu lusima; mohka heru helyiho; mo luluñma; hojalo mo hiimi hentiñne huna kadiko jaho kabiidola halii donii.

HIBRU 11:4

Henjelo Abel Pinii mi bitii khiiniiñya membinii Ken mi hentola, hiilo mo denki do hiila khiikotii, Pinii haki bido mohka ahmiñayiñ biniiñ mi larii biidola; mo shiitii, hojalo mohka henje lo mo siisi jalo ludorañ.

1 TIMOTI 3:5

niimpalukoda miyu matiirḛ mohka atoh uru mi niihtañpa ayapa kagii kendo hiimi chima koda, niihtañpa mo Pinii ka gyoliñkonii mi kalyañ talyi?

PILIPIA 4:3

Ho nunu mitrḛ ngo kulyi ke, jije ajiñ atañ, siika annii akha atañmi hembyuñ to, niimpalukoda mohlu ngiika agiñho ngiimi miibyuñ montiike ayapuyu lukoko Klement ka agiñho ho khiibe ngiika miigo miihiñ agiñho, huka armyañ na sango ka kheta ho ketola donii.

IPISIA 1:22

ho mo hikha drih atañmi mohka alih liidi ho atiitii ho mohmi hikha drih ka atohpa miitii gyoliñkonii pa,

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

JON KA AYAPUYU 5:27

ho mohmi otority mi bitola do ayakacho kaniipa, niimpalukoda mo miyu ka Oho.

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

KOLOSIA 1:12

Aba mi payapacho lubii dola, huna ngunumi miiladopa bitiinii piniimiyu atañ mika pensikoniiñ mi biibo dopa hutoh ho.

2 KORINTIA 5:8

Ngunu ko aya haro nanii do, ho ngunuka apo hokii inkula ho Attoh ka agiñho ude hoka dubo saniimi hensañ hepa henchi.

1 KORINTIA 15:54

Niida lyula sanii mi lyula sama niiho atii talyi, ho shiila sanii mi shiila sama niiho, ho ahkiñdo siisi ka luniiñ atañ keto laka donii hii: “Shiigo mi pamiñniilo aniiñbiine.”

1 KORINTIA 13:12

Niimpalukoda siisi ngunu keretalo ho kamukage pasu kasu donii, hojalo hiikahiiba ho kaniiñla kasu kendo. Siisi ngo tache misu chinsu donii; hiikahiiba bo ngo hikharumi chiñkiñdo, niihtañpa hikha rumi ngo chiñkotii.

1 KORINTIA 15:49

Niitañpa ngunu dimḛr ka miyu ka ajju mi giido, ngunu tiirḛ dariiganda ka miyu ajju mitrḛ giikiñdo.

HIBRU 2:12

lubiidola, “Ngo gyuko talyi niika armyañ mi ngiika anubarmii atañko, miyu apurho ngo niimi assañ talyi.”

MIHUKAKIÑNIIÑ 6:9

Mo yangonii jhipponiimi miiko kiile, ngo kapato agyañ ka ura ho hiika atañka yallo mi hutiina Pinii ka aguñpa menko nyabii nenii ho mohluka haki biniiñ kiipa;

MIHUKAKIÑNIIÑ 6:11

Ho mohlumi kone abimi puloo tarii bersa binya biine ho lubiine ichuche hemmo lyatorañ, nunuka miira ahiñ mila ho nunuka anubarmii atañ mitrḛ abbi dopa, hutii mina menkiñ dorañnii nunu mika mencha ho.