HIBRU 12:2 - NITI GONTU N.T. (BSI)

² Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

HIBRU 12:2 ပူးပေါင်းရင်းမြစ်များ

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

PILIPIA 1:6

Ho ngo hentiñ do mo huna niiko aya miigo miiri biitii nii miija menda hemi miinedo Jisu Kristo ka allo lohe.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

MIINIIÑ 5:31

Pinii mohmi lahbi alah dalyiho Sangii ho Lyangur niipa miichatii, Isrel mi henkurkiine dupa ho ingyamiigyanii atañ hokii hello kiine dupa.

LUK KA AYAPUYU 24:26

Hiila lyidopa lyimaneha Kristo siika drih atañmi heru hela la ho mohka tatukatu ho ahdupa?”

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

HIBRU 8:1

Siisi drih niihna ngunu ludunii hii sike: ngunukii sitañ bukuñ nyibu du, kone huna dunii dariiganda ho Pinii raddeduko ka lahbi alah ho,

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

PILIPIA 3:20

Hojalo ngunuka atoh ganda hii dariiganda hoke donii, ho hiiko hokii ngunu Lyangur bomi kalyadu, Attoh Jisu Kristo mi,

MAK KA AYAPUYU 14:36

Ho mo lutii, “Aba, Aba, kapane drih niipa miilado; siika turla siimi ngiiko hokii lapa tope; ngiika hengko homapa, hojalo niika hengko hotiika.”

MIHUKAKIÑNIIÑ 2:8

“Ho Ismarna gyoliñkonii daka miidopopi kedo: ‘Kappyo jahii la kami jaka aguñ atañ, huna shiitii kunii ho turiturku tiikunii.

HIBRU 13:13

Hopa kiije ngunu mohka agiñho tabyoude dukuñko agoho linsa, ho hembosa hiinyañmohi mohka pigii niimi.

HIBRU 5:9

ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

JON KA AYAPUYU 13:3

Jisu, Aba hikha drih atañmi mo alah ho bitii hiila chimbii tola, ho mo Pinii kokii ahdo ho Pinii ko inkiñdo hiila,

LUK KA AYAPUYU 17:5

Kiiniñkonii atañ lutii Attoh mi, “Ngunuka henjemi abuyapa miitope!”

MAK KA AYAPUYU 9:24

Nyibyaloda himme ka aba gyuritii ho lutii, “Ngo henje duke; hembyuñ pe ngiika henjemanii mi!”

HIBRU 12:3

Henkato mohmi huna ingyamiigyanii atañ kokii sitañ khiimaniimi mohko pigiitiinii, niimpalukoda nunumi renge mayapa malo ahhahame mayapa.

IPISIA 2:16

ho ngunumi yardiñ tiiku anye rumi Pinii ko apo konepa pogyañ kiilo, hiila miibiidola chesuresumi lume lotii ku.

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

JON KA AYAPUYU 12:32

ho ngo, niida ngiimi kiiddiapiñ sokii yucha talyi, hikha miyu atañmi ngiiko selii giichi.”

1 PITAR 1:11

mohlu takatara nyatii niihtañ miyu na malo myodu mina Kristo ka Yajiyallo kakiñ tiinii mohluka ura ho Kristo ka heru hensa niimila ho hiika hiiba hoka tatukatu mi.

HIBRU 10:14

Niimpalukoda ronge paka biniiñlo mo digoabiaya dopa miitii hikha myodupa hutii mina darii miitii kunii.

JON KA AYAPUYU 12:24

Jijeloda, jijeloda, ngo nunumi lukoso, nii dahepa emmo elyañ kiiddi ho liihi tama ho shiitema, hii kontiisii dokañ siidunii; hojalo hii matiirḛ shiido koda, hiika hii abuje ahee hidu.

JON KA AYAPUYU 8:56

Nunuka aba Abraham hempyo ne mo ngiika allo mi kapa kendo hiila; mo kapa biine ho hempyo ne.”

JON KA AYAPUYU 1:29

Allo lohe yaho mo Jisu mi mohkii dalyi ahla dopa kappatii, ho lutii, kato, Pinii ka subuñ atu, huna dohadolo ka ingyamiigya niimi bapa bidonii!

LUK KA AYAPUYU 23:11

Ho Herod mohka sipahi atañ agiñho mohmi khiima hama ho nyapa koya mohmi miitii; hiikahiibaho, mohmi hempḛr kapyo giiju agiilala, mo mohmi Pailet ko nenku bibii doku.

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

METHU 16:21

Hiika myodu jaho hokii Jisu henjeajiñ atañmi kakiñtii mo Jerusalem ho inkiñdo lodake ho abuje heru henkiñdo amiabañ ho nyibu burii ho pagenii atañ kokii, ho menko kendo, ho allo lohiñ niika hiiba turikendo.

MIHUKAKIÑNIIÑ 1:17

Ngo mohmi kapa lala, ngo mohka alih ho chuhato shiinii hiilyañ. Hojalo mo mohka lahbi alah mi ngiiko tencha lala, luhii, “Biisoyo, Ngo kapyoja ho kamija ke,

MIHUKAKIÑNIIÑ 1:11

lubiidola, “Keto niihna no kapadonii khetaho ho hiika hiimi pengkanuhe gyoliñkonii atañ ko bito, Ipisia ho Ismarna Pargamum ho Taitira ho Sardis ho Piladelpia ho Laodisia ho.”

HIBRU 7:19

(niimpalukoda daposi hang ako mitrḛ digoabiaya dopa miimatii); yohe yapa ludo koda, aya ya hentiñ naniiñmi miiliñbitii, niilona ngunu Pinii ko ahde lakiñ donii.

HIBRU 1:13

Hojalo Pinii nii miidopopi mi lune, “Duto ngiika lahbi alah so nii dahepa ngo niika ahha-banii atañmi niika alih data naniiñpa miitema”?

MIINIIÑ 2:36

Hikha Isrel ka ude hopa chinto loda, Pinii mohmi Attoh ho Kristo pa miitii, siika Jisu humina nunu leda tiinii.

MAK KA AYAPUYU 9:12

Ho mo mohlumi lutii, “Elija ahpyo kendo kappa ne drih mi miiti dupa; ho niihtañpa ketii Miyu ka Oho ka piigomi, mo hempḛr abuje heru myanka kendo ho kahikare latrḛ miiko kendo hiila?

MIHUKAKIÑNIIÑ 1:8

“Ngo Alpha ho Omega ke,” Pinii Attoh ludo, huna dunii ho huna dutiinii ho huna ahkiñ donii, Tamoja.

HIBRU 11:36

Khiibe atañ nyapa kola heru hentii ho tarulo hikotii, ho dachañranyi kolii kotiita ho patiih tunkotii.

HIBRU 10:33

ronge milo hikha butii kadopa miipyutii ho pamyotakho agiitii, ho ronge milo sitañ miiko niika agiñho dabo kiinetii.

MAK KA AYAPUYU 16:19

Ho Attoh Jisu, mohlumi lurii tekula, dariiganda ho chatiiku, ho Pinii ka lahbi alah ho duku.

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

1 KORINTIA 1:18

Niimpalukoda pogyañ ka aguñ si piigoama hiipa hutiina lyunya donii, hojalo ngunupa hutiina lyangur kotii kunii siikasi Pinii ka harchichike pa lyido.

1 KORINTIA 1:23

hojalo ngunu Kristo ka leda niimi tonsḛrdu, Jew atañ paka liichi nanii ho Midomiyu atañ pakoda piigoama,

JEMS 2:1

Ngiika anubarmii atañ, henguhere la miiyo nunu ngunuka Attoh Jisu Kristo mi henje biilyila, tatukatu ka Attoh.