HIBRU 11:7 - NITI GONTU N.T. (BSI)

⁷ Henje lo Noah, Pinii lo luluñ kobiidola ahsanii lyisa niimi kapa masu tiirḛ, tagiila ho hempḛr kahe hulu tare pentii mohka uru atañmi lyangur naniipa; siika silo mo dohadolo mi khiipatii ho denki mika pensi koniiñpa lyitii niihna henjelo ahdonii.

HIBRU 11:7 ပူးပေါင်းရင်းမြစ်များ

1 PITAR 3:20

huna kapyo ho luniiñ tamatiinii, Pinii pigiila kalyatii Noah ka myoduho, yasie jaji kahe mika pula dolyi ho, hiikoho hempḛr lama pasu, hiika hii, midiñpinye mi, lyangurtii yasie lo.

ROM MIKA POL KA SIITI KENIIÑ 4:13

Abraham la mohka ohoasi atañ paka hemme nii, mohlumi dohadolo mi pendu pa hiila, dapo kiipa amatii hojalo henje ka denki kiipa.

LUK KA AYAPUYU 17:26

Noah ka allo atañ hoka lyichañ ho, hiichuli kendo miyu ka Oho ho allo ho.

PILIPIA 3:9

ho mohko kapa kodupa, ngiika atohka denki kopa mapa, dapo mi khiita nala, hojalo niihna henje kiilonii Kristo ko, denki Pinii kokii nii mina henje ho henta nandonii;

GELESIA 5:5

Niimpalukoda Yajiyallo kiilo, henje biidola, ngunu kalyatii denki ka hentiñmi.

HIBRU 5:7

Mohka kiiddiapiñ soka darañho, Jisu kubitii ho arohtapa pa kutii, hempḛr goropa mila lila khebiidola, hiimi huna mohmi shiiniiñ hokii lyangur lakiñ donii, ho mohkiimi tagetii mohka piniihenju biiso giiko hopa.

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

ROM MIKA POL KA SIITI KENIIÑ 1:17

Niimpalukoda siikaso Pinii ka denki mi kakiñdo henjelo henjenii atañpa; hiila ketola do, “Hukiihona henje giidonii denki lo sankiñ doke.”

METHU 3:7

Hojalopa abuje Parisi la Sadusi atañ baptisma ladupa ahniiñ mi kappa lala, mo lutii mohlumi, “Nunu lyolyichochi atañ! hu nunumi Pinii ka hadii hokii hargii he hiila luluñne?

2 PITAR 3:6

niilona dohadolo puliñ tola ka doku niimi yasie lo tubii tiinii ho lyutii kunii.

2 PITAR 2:5

mo matiirḛ bilo miyu atañmi lohe apamatii koda, hojalo Noha mi lyangurtii, denki mika gyukobomi, midiñkanu heka agiñho, mohka dohadolo daka piniihenju hemanii atañ koka yasie tuha kiine lyiho;

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

HIBRU 11:1

Siisi henje si hentinii drih mika jije pakiñ do hiila ka heniiñ mike, kapa masujalo pakiñdo loda hiila ka heniiñ.

ROM MIKA POL KA SIITI KENIIÑ 10:6

Hojalo denki henje hoka doniibo ludo, Niika ahha ho luyo, “Hu dariiganda ho chakiñdo?” (hiika hii, Kristo mi akkañ ho togii dupa hiila)

ROM MIKA POL KA SIITI KENIIÑ 4:11

Mo mitupikonii mi kagiñnaniipa lariitii malo denki ke hiila tiiho kotii, nii mina mo henjelo giitiinii mohka mitupipakoma rampa. Hiilaka lyiniiñsi mohmi hikha dadoka aba pa miidupa hutiina henje nyadonii mitupipakoma siitrḛ ho huna mohlumi denki hiila khiidonii,

METHU 24:38

Niimpalukoda hiika allo ho yasie tuha marañpa mohlu diila ho talha miitii, mihie lala ho millo ayañla miitii, Noah ka hulu ura ho amiñ dayemi,

METHU 24:25

Tageto, Ngo nunumi luko lumyo biilyi ke.

ROM MIKA POL KA SIITI KENIIÑ 9:30

Nii hiila pe ngunu luchinii, hokoda? Midomiyu atañ hutiina denki mi memanii hii hiimi kapa tiiku, hiika hii, denki henje kiilo;

METHU 24:15

Hopa niida nunu biisokacho jirara kappa talyi nyibuhenii Daniel ka darii lengoho dala luniiñ hiilyañ kendo, (riniibo atañ tachiñ nyato),

METHU 2:12

Ho mohlumi Herod ko ahkur lyaku yo hala emmako lubii lyinii, mohlu lembo byahe yapa atoh ganda ho intiiku.

HIBRU 8:5

Mohlu dariiganda ka dariinenchañ ka kapu ho yallo misu miilyañ mondonii; niimpalukoda Mose ka tabyoude mika pempa miilyiho, mo Pinii lo luko kotii, lubiidola, “Kato no kapane drihmi niimika putoo hoka kakiñniiñ hiilyañ jaho miito.”

HIBRU 12:25

Hendi tolya nunu ma hiila luma byoha hiimi huna ludonii. Niimpalukoda mohlu matiirḛ hargii lamatiikoda mohluka takho lyiho kiiddiapiñ hoka luluñ niimi, ngunumi apa lyido hendoha ngunu matiirḛ takho dokoda huna ngunumi dariiganda hokii luluñ donii.