HIBRU 11:6 - NITI GONTU N.T. (BSI)

⁶ Ho henje giimapa mohmi hempyo miipa lakiñma. Niimpalukoda hujalo Pinii ka aruñho ahchi henje kendo loda mo du hiila ho mo ajudu hiika atañmi huna mohmi medonii.

HIBRU 11:6 ပူးပေါင်းရင်းမြစ်များ

METHU 11:26

Ḛh, Aba, niimpalukoda hii niika aroh-aya laka henju.

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

METHU 6:16

Ho niida nunu nyochi, heru busu kapa kakiñyo, apukahi hiilyañ, niimpalukoda mohlu mohluka nyimo mi moyo rusu dukiñla mihmi nyodo hiila kakiñdu. Jijeloda, Ngo nunumi lukoso, mohlupa ka ajunii juniimi mohlu latiiku.

METHU 6:33

Hojalopa kapyopa Pinii ka raddeganda la mohka denki miya mepyoto, ho hikha siika drih atañ mitrḛ niimi bikiñ doke.

METHU 6:5

Ho niida nunu kuchi, nunu apukahi hiilyañpa lyiyo; niimpalukoda mohlu sinagog ho, lembo aruñho bari tola dala kula miinala lyidu, mihlo kappa kodupa hiila. Jijeloda, Ngo nunumi lukoso, mohlupa ka ajunii juniimi mohlu latiiku.

MAK KA AYAPUYU 16:17

Ho siika kagiñnanii atañsi dojo monkiñdo huna henje nyadonii: ngiika armyañ pa mohlu igii atañmi mompa kendo; mohlu niti aguñ lukiñ do;

LUK KA AYAPUYU 12:31

Hiilamapa, mohka raddeganda miya meto, ho siika drih atañ tiirḛ nunupa dokiñ doke.

LUK KA AYAPUYU 6:35

Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

JON KA AYAPUYU 8:24

Ngo nunumi lukodu nunu nunuka ingyamiigyanii atañ ho shiikiñdo, niimpalukoda nunu shiikiñdo nunuka ingyamiigyanii atañ ho nii dahepa nunu henjetama ngo hii hiila.”

ROM MIKA POL KA SIITI KENIIÑ 10:14

Hojalo niihtañpa miyuatañ mohmi gyokiñdo humina mohlu henje manii? Ho niihtañpa mohlu mohmi henje talyi humina mohlu ronge hetrḛ tapa manii? Ho niihtañpa tapa talyi mi tonsḛrkhenyonii nyima koda?

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

HIBRU 3:12

Hendi nyatolya, anubarmii atañ, hiilamakoda hiiko nunuka punkoho diimmah dokiñ doke, henjemanii ahha, ngogiila nunumi turnii Pinii kokii huhi dopa.

HIBRU 4:2

Niimpalukoda ngunuko ayapuyu ahtii mohluko hoka ahchañ ho; hojalo mohluka puyu tapanii mohlupa piigo ahgii matii, niimpalukoda siimi henjelo tanii atañ tamatii.

HIBRU 4:6

Hopa siisi jalo tongepa dolya do hiiko ahke nendupa, ho hutiina lapyo pa lariitiinii ayapuyu mi ahla matii niimpalukoda luniiñtama kopa,

HIBRU 7:19

(niimpalukoda daposi hang ako mitrḛ digoabiaya dopa miimatii); yohe yapa ludo koda, aya ya hentiñ naniiñmi miiliñbitii, niilona ngunu Pinii ko ahde lakiñ donii.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

2 PITAR 1:10

Hopa, anubarmii atañ, uroyapa ya mechi hiila hento nunumika gyoniiñ la kahe niimi chindḛr dupa, niimpalukoda nunu matiirḛ siimi miido koda nunu pema huhi kemake;

2 PITAR 1:5

Niimpalukoda siika piigo lodapa kapanelo miibyuñ talyi hento nunuka henje ho ayahenju agiñho, ho ayahenju ka agiñho chiniiñ,

2 PITAR 3:14

Hopa, heniiñja, nunu siikasipa kalyado, hiilo kapakodupa miito hang diigolugo giima dopa malo pahañ hansa giimadopa, ho chimie ho.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”