HIBRU 10:25 - NITI GONTU N.T. (BSI)

²⁵ tonge paka kapa siisa niimi assuale mapa, tonge hiila miinya data, hojalo kone anyañmi haro lupa siito, ho hiimi tiirḛ uro yapa nunu kapado Allo hii tunii dokuke.

HIBRU 10:25 ပူးပေါင်းရင်းမြစ်များ

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

METHU 18:20

Niimpalukoda noh anye malo hinge ngiika armyañ pa dachi, ho Ngo mohluka punkoho dadu.

1 TESOLONIA 5:11

Hopa kone anyañmi haro lupa siito ho kone anyañmi pencha siito, nunuka siisi ka miichañho.

HIBRU 3:13

Hojalo kone anyañ mi haro lupa siito allo karmyañmi, nii dahepa luchi “siilo,” niimpalukoda kone hetrḛ henje madopa miiko lyayo ingyamiigya niika gollumisu lo.

HIBRU 10:24

ho kiije ngunu hensusa niihtañ pana kone anya mi haro lupa siikiñ donii hensu niiho ho aya miigo atañ ho,

1 KORINTIA 5:4

Attoh Jisu ka armyañ pa huna sitañ drih miida nii. Niida nunu dakuñ talyi, ho ngiika yajiyallo hii dabo doke, ngunu Attoh Jisu ka harchichike lo,

1 TESOLONIA 4:18

Hopa kone anyañmi hembyuñ siitolya siika aguñ atañlo.

MIINIIÑ 2:1

Penticost allo ahku kiile, mohlu hikha duko akoda dukuñ siitii.

MIINIIÑ 20:7

Kanualo ka kapyoja allo ho, ngunu tonge pa dakuñla yatañ mi petu dupa miikele, Pol mohlumi luriitii, allo loyeyaho indu kupa hiila; ho mo mohka luniiñmi ayoh liipa lohe lukañtii.

1 KORINTIA 14:3

Yoheyapa ludokoda, huna nyibu hendo nii hii miyu mi luriido mohluka aya kiipa ho haro lupado ho myado.

ROM MIKA POL KA SIITI KENIIÑ 12:8

mo huna haro lupa donii, mohka harolupa koho; mo huna bibo donii, hempakaya biidola; mo huna bibyuñ donii, bichi hiila hembiidola; mo huna aroh ka miigomi miido nii, ngarka jije biidola miito.

PILIPIA 4:5

Hikha miyu atañmi chinke nento nunuka yanupaka pigii niimi. Attoh nyibya ahkiñ doke.

2 PITAR 3:9

Attoh mohka hemme nii piigo ho haso make tonge hasodo hiila lusu dono, hojalo nunupa mo kalya lake dunii, kone mitrḛ lyuke nena mapa, hojalo miilañrumi henkur kiine nala.

JEMS 5:8

Nunu tiirḛ ahhakeyiñ to. Henjugiito nunuka ahha mi, niimpalukoda Attoh ka ahsa kuniiñ tunii dokuke.

1 KORINTIA 14:23

Hopa, matiirḛ, hikha gyoliñkonii dakuñ dala ho khiibe aguñ ludo koda, ho ago hokii malo henjemanii ahdo koda, mohlu lukiñ masu peha nunu rundo hiila?

JUD KA SIITI KENIIÑ 1:19

Siikasi hiika atañke huna tache giidonii, dohadolo ka miyu, Yajiyallo giimanii.

2 PITAR 3:14

Hopa, heniiñja, nunu siikasipa kalyado, hiilo kapakodupa miito hang diigolugo giima dopa malo pahañ hansa giimadopa, ho chimie ho.

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

2 PITAR 3:11

Hopa hikha siika drih atañ jeyi nyakiñdo, niihtañ miyu ka sancha ho sanchi nunuka darii ho piniisanju sango ho,

1 KORINTIA 11:20

Nunuka tonge paka kapa siilyi ho, siikasi Attoh ka apiñ ma nunuka diiniiñ si.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.

MIINIIÑ 16:16

Ngunu kuniiñ ka lengoho impa ila dokele, ngunu miira nyimii kone kapate huko hona uyi-ahniiñ yajiyallo giitiinii ho mo abuje mingo giila lyitii mohka atohmi mikhii rumbii dola.

METHU 10:15

Jijeloda, Ngo nunumi lukoso, ayakacho kalyiku alloho Sodom la Gomora ganda nyitrḛ pigiilaya kendoke siika taun mi hentola.

JON KA AYAPUYU 12:48

Huna ngiimi khiipa donii ho ngiika kolobiisie niimi, halii tiiku; ngiika aguñ luniiñ hii mohmi halii kendo kami allo ho

HIBRU 10:37

“Niimpalukoda ichuche myodu ka hiibaho, ho ahsabo ahkiñ doke ho diirii miikiñ make;

HIBRU 13:22

Ngo nunumi yarlyi, anubarmii atañ, ngiika harolupa laka aguñmi tato, niimpalukoda ngo nunupa tudiipa kebii lyike.