HIBRU 1:9 - NITI GONTU N.T. (BSI)

⁹ No denki hiiniiñ hemi hentii ho diimmah hiiniiñ hemi kanamatii; hopa Pinii, niika Pinii, niimi arrḛyartiiku hempyo ka kutulo hikha niika dahiñ atañmi kahejapa.”

HIBRU 1:9 ပူးပေါင်းရင်းမြစ်များ

LUK KA AYAPUYU 4:18

“Attoh ka Yajiyallo ngiiko do, niimpalukoda ngiimi mo arrḛyartiiku aya puyu mi arro atañmi tonsḛrkhenyo kiine dupa. Mo ngiimi kiiniñtii gyuko niipa miyudornii atañ mika tupya kosaniimi ho micha atañka mida kusaniimi, hutiina hensḛrkadu la danii hiimi dasḛrpa dake nendupa hiila,

JON KA AYAPUYU 1:41

Mo kapyopa mohka anu Saimon mi kappatii, ho mohmi lutii, “Ngunu Masiah mi kappa tiike” (siika luniiñsi Kristo mi).

JON KA AYAPUYU 10:17

Siika piigopa Aba ngiimi hendo, niimpalukoda ngo ngiika sango mi hempa bitii, hiimi ngo hiira laku dukupa.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

JON KA AYAPUYU 3:34

Niimpalukoda humina Pinii kiiniñ tiinii Pinii aguñ luliñla doku, niimpalukoda khuka biidola mo yajiyallo mi bimake;

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

MIINIIÑ 4:26

Kiiddiapiñ daka radde atañ mohlu atoh atoh gyokuñ siitii, ho sangiinii atañ dakuñ nyatii, Attoh mi chekho dupa ho mohka Arrḛyartiiku luniiñmi mi chekho dupa

MIINIIÑ 4:27

jijeloda siika citi ho tongepa dakuñ nyatii niika darii miira Jisu mi chekho dupa, humina mo arrḛyartii nii, Herod la Pontius Pailet nyi, Midomiyu la Isrel ka miyuatañ agiñho,

ROM MIKA POL KA SIITI KENIIÑ 12:9

Hensu niimi henju ho hento; niihna diimmah nii hiimi kachoto, niihna aya donii hiimi gabiito;

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

1 KORINTIA 1:9

Pinii lotii ke, hulona nunumi mohka Oho agiñho dukuñ mondo pa gyotiinii, Jisu Kristo ngunuka Attoh.

2 KORINTIA 11:31

Pinii ho Attoh Jisu ka Aba, huna ayu dahepa lyankiñ donii, chindo ngo golluma hiila.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

IPISIA 1:3

Pinii ho Atoh Jisu Kristo ka Aba mi assañsa, huna ngunumi Kristo ko lyantii nii kapane yajiyallo ka lyaniiñ mi dariiganda ho,

PILIPIA 2:9

Hopa Pinii mohmi assañtii ho myantii mohka armyañ mi koneabi armyañ mi kahe yadopa,

HIBRU 2:11

Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

HIBRU 2:9

Hojalo ngunu Jisu mi kapado, humina arche hepa miidopopi mi atu yadopa miitiinii, tatukatu ka agiñho tayyiñbyopa agiitii khiibii dola niimpalukoda shiiniiñ ka heru mika henko hopa, niimpalukoda Pinii ka aroh-aya kopa mohmi shiiniiñ mi henka kiine dupa kone abipa.

HIBRU 7:26

Niimpalukoda siikasi ayado ngunupa sitañ bukuñ nyibu duniiñ si, darii, pahañhansa giimanii, miibḛrmanii, ingyamiigyanii atañ hokii ponsa miiniiñ, dariiganda atañmi haho yapa assañtii.

1 PITAR 1:3

Payapacho Pinii mi ho ngunuka Attoh Jisu Kristo ka Abami! Mohka anokahe aroh kopa ngunu nitipa buko tiiku turnii hentiñ ho Jisu Kristo ka shiiniiñ hokii ka turiturku niilo,

1 JON 1:3

nii mina ngunu kapa tiikunii ho tapatiikunii ngunu tiirḛ nunumi gyukodu, niimpalukoda nunumi ngunuka dukuñko dubo kodupa hiila; ho ngunuka dukuñ niisi Aba ka agiñ hoke ho mohka Oho Jisu Kristo ka agiñho.

MIHUKAKIÑNIIÑ 2:15

Hopa nunu kotrḛ tonge biinya do Nikolaitan ka tonsḛr niimi.